समाचार

पर्सा, पर्सा जिल्लाको पोखरिया नगरपालिका ३ स्थित सीमा ईलाकाबाट पौष १२ गते सशस्त्र प्रहरीले करीव १ सय ५० के.जी. गाँजा बरामद गरेको छ । सोही ठाउँमा रहेको बा ५ च ६५५३ नम्बरको पिकअप गाडीमा शंका लागि जाँच गर्दा उक्त गाँजा सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय महोत्तरीले बरामद गरेको हो । बरामद गाँजा स्थानीय भन्सार कार्यालयमा बुझाईएको छ ।

रौतहट, रौतहट जिल्लाको मौलापुर नगरपालिका ९ सोनरनिया स्थित सीमा ईलाकाबाट पौष १३ गते सशस्त्र प्रहरीले करीव ४ लाख ९६ हजार रुपैयाँ बराबरको औषधी बरामद गरेको छ । भारतबाट अबैध रुपले नेपालतर्फ ल्याउँदै गरेको उक्त औषधी सशस्त्र प्रहरी बल, नेपाल सरमजुवाले बरामद गरेको हो । बरामद औषधी स्थानीय भन्सार कार्यालयमा बुझाईएको छ ।

नुवाकोट, दुई साता अघि हराएकी करीव ६० वर्षिय पुछमाया घलेको शव सशस्त्र प्रहरीले पौष १२ गते नुवाकोट जिल्लाको विदुर नगरपालिका १ त्रिशुलीस्थित त्रिशुली नदिमा डुविरहेको अवस्थामा फेला पारेको छ । गोरखा जिल्लाको गुम्दी गा.वि.स. वडा नं. ५ घर भई हाल नुवाकोट जिल्लाको किस्पाङ गाउँपालिका वडा नं. ५ बस्ने पुछमाया घले यही मंसीर २४ गतेदेखि बेपत्ता भएकी थिईन । उनको शव सशस्त्र प्रहरी बल नेपाल नम्बर १९ गुल्म नुवाकोटबाट सशस्त्र प्रहरी नायव निरीक्षक सजनकुमार श्रेष्ठको कमाण्डमा खटिएको सशस्त्र प्रहरीले उक्त नदिबाट बाहिर निकालेको हो । उनको शव नेपाल प्रहरीलाई बुझाईएको छ ।

काठमाडौं, सशस्त्र प्रहरी बल, नेपाल प्रधान कार्यालय हल्चोक स्वयम्भूमा पौष १२ गते देखि ‘सशस्त्र प्रहरी महानिरीक्षक कप-२०७८’ खेलकुद प्रतियोगिता सुरु भएको छ । सशस्त्र प्रहरी अतिरिक्त महानिरीक्षक पुष्पराम के.सी.को प्रमुख आतिथ्यमा आयोजित एक कार्यक्रमका वीच उक्त प्रतियोगिता शुभारम्भ भएको हो । सशस्त्र प्रहरी अतिरिक्त महानिरीक्षक के.सी.ले फुटबलका राष्ट्रिय रेफ्री सशस्त्र प्रहरी सहायक मधुकर आचार्यलाई खेलकुद सामाग्री हस्तान्तरण गरी उक्त प्रतियोगिताको शुभारम्भ गर्नुभएको हो । सो कार्यक्रममा सशस्त्र प्रहरी अतिरिक्त महानिरीक्षक रामशरण पौडेल तथा सशस्त्र प्रहरी बरिष्ठ अधिकृतहरु, विभिन्न खेलकुद विधाका खेलाडीहरु तथा विल्लादार जवानहरुको उपस्थिति रहेको थियो । उक्त प्रतियोगिता यही पौष १४ गतेसम्म नेपाल एपीएफ रंगशालामा संचालन हुनेछ । पूmटबल, भलिबल तथा एथलेटिक्सका विभिन्न इभेन्ट्सहरु समावेश रहेको ‘सशस्त्र प्रहरी महानिरीक्षक कप-२०७८’मा १८ जना महिलासहित कूल ३ सय ५१ जना खेलाडीहरुको सहभागिता रहेको छ । उक्त प्रतियोगितामा राष्ट्रिय सशस्त्र प्रहरी बल प्रशिक्षण प्रतिष्ठान तथा सशस्त्र प्रहरी बल नेपालका बाहिनी मुख्यालयहरुका एक-एक टिम गरी कूल नौ वटा टिमको सहभागिता रहेको छ ।

मोरङ, मोरङ जिल्लाको बिराटनगर महानगरपालिका १७ स्थित सीमा ईलाकाबाट पौष ११ गते सशस्त्र प्रहरीले करीव १ लाख ८३ हजार रुपैयाँ बराबरको चोरीपैठारीको लत्ताकपडा तथा चप्पल बरामद गरेको छ । भारतबाट अबैध रुपले नेपालतर्फ ल्याउँदै गरेको उक्त सामान सशस्त्र प्रहरी बल, नेपाल बोर्डर आउट पोष्ट रानीले बरामद गरेको हो । बरामद सामान स्थानीय भन्सार कार्यालयमा बुझाईएको छ ।

काठमाडौ, सिरहा जिल्लाको औरही गाउँपालिका १ स्थित सीमा ईलाकाबाट पौष १० गते सशस्त्र प्रहरीले करीव ३० के.जी. गाँजा बरामद गरेको छ । नेपालबाट भारततर्फ लैजाँदै गरेको उक्त गाँजा सशस्त्र प्रहरी बल, नेपाल बोर्डर आउट पोष्ट बरियारपट्टिले बरामद गरेको हो । यसैगरी सप्तरी जिल्लाको हनुमाननगर कङ्कालिनी नगरपालिका ११ स्थित कोशी बादबाट पौष ९ गते सशस्त्र प्रहरीले करीव ४० के.जी गाँजा बरामद गरेको छ । सोही ठाउँमा परालको कुन्यूमा लुकाई छिपाई राखेको भन्ने विशेष सूचनाको आधारमा सशस्त्र प्रहरी बल, नेपाल बोर्डर आउट पोष्ट बरसाईनले बरामद गरेको हो ।

बारा, बारा जिल्लाको जितपुर सिमरा उपमहानगरपालिका ५ स्थित विरगंज पथलैया सडक खण्डबाट पौष ९ गते सशस्त्र प्रहरीले करीव ९ लाख ७३ हजार रुपैयाँ बराबरको फाईवर केवल बरामद गरेको छ । सोही सडक खण्डमा यात्रुबाहक बसमा चेकजाँच गर्दा बिल विजक नभएको उल्लेखित मुल्य बराबरको उक्त फाईवर केवल सशस्त्र प्रहरी बल, नेपाल सुरक्षा वेश जितपुरले बरामद गरेको हो । बरामद केवल स्थानीय भन्सार कार्यालयमा बुझाईएको छ ।

रौतहट, रौतहट जिल्लाको गौर नगरपालिका ४ स्थित सीमा ईलाकाबाट पौष ८ गते सशस्त्र प्रहरीले करीव २ लाख ४० हजार रुपैयाँ बराबरको औषधी बरामद गरेको छ । भारतबाट अबैध रुपले नेपालतर्फ ल्याउँदै गरेको उक्त औषधी सशस्त्र प्रहरी बल, नेपाल बोर्डर आउट पोष्ट गौरले बरामद गरेको हो । बरामद औषधी स्थानीय भन्सार कार्यालयमा बुझाईएको छ ।

झापा, झापा जिल्लाको मेचीनगर नगरपालिका ६ स्थित सीमा ईलाकाबाट पौष ७ गते सशस्त्र प्रहरीले लागूऔषध तथा भारतीय रुपैयाँसहित पाँच जनालाई पक्राउ गरेको छ । पक्राउ पर्नेहरुमा पाँचथर जिल्लाको फिदीम नगरपालिका बस्ने २७ बर्षिय सरोज लाउटी, २४ बर्षिय विवस खवास, २१ बर्षिय विर बहादुर राई, २६ बर्षिय अनुप राजवंशी र २५ बर्षिय राजा उरौ छन् । उनीहरुलाई सशस्त्र प्रहरी बल, नेपाल फरवार्ड सुरक्षा बेश कालीमन्दिरले शंका लागि जाँच गर्दा उनीहरुको साथमा अल्प्राजोलम ६३ वटा र ९४ हजार ८ सय भारतीय रुपैयाँ फेला पारेपछि पक्राउ गरिएको हो । पक्राउ परेकाहरुलाई बरामद लागूऔषध तथा भारतीय रुपैयाँसहित आवश्यक कारवाहीको लागि नेपाल प्रहरीलाई बुझाईएको छ ।

पर्सा, पर्सा जिल्लाको विरगंज उपमहानगरपालिका १५ स्थित सीमा ईलाकाबाट मंसीर १ गते सशस्त्र प्र्रहरीले करीव २ लाख ७० हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अबैध रुपले नेपाल तर्फ ल्याउँदै गरेको उक्त लत्ताकपडा सशस्त्र प्रहरी बल नेपाल नम्बर २ छिन्नमस्ता बाहिनी र सशस्त्र प्रहरी बल नेपाल सुरक्षा बेश विरगंजले बरामद गरेको हो । बरामद सामान स्थानीय भन्सार कार्यालय बुझाईएको छ ।

मोरङ, मोरङ जिल्लाको रतुवामाई नगरपालिका २ स्थित सीमा ईलाकाबाट मंसीर १ गते सशस्त्र प्रहरीले लागूऔषधसहित तीन जनालाई पक्राउ गरेको छ । पक्राउ पर्नेहरुमा सोही जिल्लाको उर्लाबारी नगरपालिका ६ बस्ने २१ बर्षिय आजित राई, १९ बर्षिया मनिसा कुमाल र १८ बर्षिय रोशन कार्की छन् । भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल फरर्वाड सुरक्षा बेश घरुचोकले शंका लागि जाँच गर्दा उनीहरुको साथमा ट्रमाडोल १५०० वटा फेला पारेको हो । पक्राउ परेकाहरुलाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

बाँके, बाँके जिल्लाको जानकी गाउँपालिका ३ ईन्द्रपुर स्थित एक पोखरीमा डुवेर वेपत्ता भएका एक जनाको शव सशस्त्र प्रहरीले मंसीर २७ गते फेला पारेको छ । सो बारे जानकारी पाएपछी सशस्त्र प्रहरी बल, नेपाल नम्बर ३० गणबाट खटिएको टोलीले उक्त पोखरीमा नुहाउने क्रममा वेपत्ता भएका ६० बर्षिय भारतीय नागरीक राम सुरत मगताको शव खोजतलास गर्ने क्रममा पानीमा डुवेको अवस्थामा फेला पारेको हो ।

हुम्ला, हुम्ला जिल्लाको सिमकोट गाउँपालिका ५ स्थित ओखरबोट ईलाकाबाट मंसीर २७ गते सशस्त्र प्रहरीले १ सय ४४ क्यूफिट काठ बरामद गरेको छ । ट्याक्टरमा राखेर अवैध रुपले ल्याउदै गरेको उक्त सल्लाको काठ सशस्त्र प्रहरी बल, नेपाल नम्बर ४४ गुल्म बाट खटिएको टोलीले बरामद गरेको हो । त्यसबेला उक्त ट्याक्टर समेत बरामद गरिएको छ । बरामद काठ तथा ट्याक्टर आवश्यक कारवाहीको लागि नेपाल प्रहरीलाई बुझाईएको छ ।

सिरहा, सिरहा जिल्लाको भगवानपुर गाउँपालिका ४ स्थित मणिटोलबाट मंसीर २७ गते सशस्त्र प्रहरीले करीव ९ लाख ९ हजार रुपैयाँ बराबरको चोरीपैठारीको लत्ताकपडा बरामद गरेको छ । सोही ठाँउमा परालको कुन्युमा लुकाई छिपाई राखेको भन्ने बिशेष सूचनाको आधारमा सशस्त्र प्रहरी बल, नेपाल नम्बर २ छिन्नमस्ता बाहिनी र नम्बर ७ गणबाट खटिएको टोलीले उक्त लत्ताकपडा बरामद गरेको हो । बरामद लत्ताकपडा स्थानीय भन्सार कार्यालयमा बुझाईएको छ ।

काठमाडौं, बाँके जिल्लाको नेपालगंज उपमहानगरपालिका १७ स्थित सीमा ईलाकाबाट मंसीर २७ गते सशस्त्र प्रहरीले करीव ८ लाख १ हजार रुपैयाँ बराबरको चोरीपैठारीको लत्ताकपडा बरामद गरेको छ । पिकअप गाडीमा राखेर भारतबाट नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल नम्बर ३० गणबाट खटिएको टोलीले बरामद गरेको हो । त्यसबेला उक्त गाडी समेत बरामद गरिएको छ । बरामद गाडीको भन्सार दाखिला मुल्य ५ लाख रुपैयाँ रहेको छ । बरामद लत्ताकपडा तथा गाडी स्थानीय भन्सार कार्यालयमा बुझाईएको छ ।

कैलाली , कैलाली जिल्लाको भजनी नगरपालिका ७ स्थित हुलाकीमार्गबाट मंसीर २४ गते सशस्त्र प्रहरीले दूईनाले बन्दुकसहित तीन जनालाई पक्राउ गरेको छ । पक्राउ पर्नेहरुमा सोही जिल्लाको घोडाघोडी नगरपालिका बस्ने ५५ बर्षिय दयाराम चौधरी, ३५ बर्षिय अजय चौधरी र २९ बर्षिय तुलाराम चौधरी छन् । दुई वटा मोटरसाईकलमा सवार उनीहरुलाई सशस्त्र प्रहरी बल, नेपाल बोर्डर आउट पोष्ट हिम्मतपुरले सो बन्दुकमा प्रयोग हुने ८ वटा टोटा कार्टिजसहित पक्राउ गरेको हो । पक्राउ परेकाहरुलाई बरामद बन्दुक तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।