समाचार

फागुन ९ गते चितवन जिल्लाको भरतपुर महानगरपालिका–३ पुलचोक स्थित नारायणी नदिको पुलबाट हामफालेका ब्यक्तिको नं १७  गण चितवन बाट खटिएको इमिडियट रेस्पोन्स टिम (आइ आर टी) ले सकुशल उद्धार गरी उपचारको लागि भरतपुर अस्पताल पठाएको छ ।

सशस्त्र प्रहरी महानिरीक्षक राजु अर्यालको प्रमुख आतिथ्यमा फागुन ८ गते ‘नेपाल एपीएफ स्कूल कीर्तिपुरको २०औँ स्थापना दिवस’ तथा ‘दोस्रो  NAPFS   अन्तर विद्यालय सशस्त्र प्रहरी महानिरीक्षक रनिङ्ग ट्रफी फुटबल प्रतियोगिता–२०८१’ समापन भएको छ । 

सैनिक कमाण्ड तथा स्टाफ कलेजमा संचालित सि.सं. ३१ कमाण्ड तथा स्टाफ तालिमका प्रशिक्षार्थी अधिकृतहरूले प्रधान कार्यालयको फागनु ८ गते अवलोकन भ्रमण गर्नुभएको छ ।

नं. ९ पशुपतिनाथ बाहिनी मुख्यालय काठमाडौंका निमित्त बाहिनीपति सशस्त्र प्रहरी बरिष्ठ उपरीक्षक निरकृष्ण अधिकारीको प्रमुख आतिथ्यमा फागुन ३ गते नं. २० विपद् उद्वार गण काठमाडौंको १७औँ वार्षिकोत्सव सम्पन्न भएको छ । 

माननीय न्यायाधिश सपना प्रधान मल्लको प्रमुख आतिथ्यमा फागुन ३ गते प्रधान कार्यालयको स्मृती वाटिकामा बृक्षारोपण कार्यक्रम सम्पन्न भएको छ । सो कार्यक्रममा गृहसचिव गोकर्ण मणी दुवाडी, सशस्त्र प्रहरी महानिरीक्षक राजु अर्याल, सशस्त्र प्रहरी महिला संघकी अध्यक्ष श्रीमती अनिता लामिछाने अर्याल र सशस्त्र प्रहरी अतिरिक्त महानिरीक्षकहरुले समेत बृक्षारोपण गर्नुभएको थियो । 

पर्सा जिल्लाको बिरगंज महानगरपालिका–५ गणेशमान चोकबाट फाल्गुन २ गते प्रस्तावित सीमा सुरक्षा गुल्म बिरगंजले करीव १७ लाख ३१ हजार रुपैयाँ बराबरको चोरीपैठारीको औषधी बरामद गरेको छ ।

सशस्त्र प्रहरी महानिरीक्षक राजु अर्यालको प्रमुख आतिथ्यमा नेपाल एपीएफ अस्पताल बलम्वुको २३औं वार्षिकोत्सव सम्पन्न भएको छ । सो अवसरमा महानिरीक्षक अर्यालले नेपाल एपीएफ अस्पतालमा कार्यरत रहि वर्षभरी उत्कृष्ट कार्य गर्ने सशस्त्र प्रहरी कर्मचारीहरुलाई पुरस्कार तथा प्रमाणपत्र प्रदान गर्नुभएको छ । 

सशस्त्र प्रहरी बल नेपाल र भारतीय सशस्त्र सीमा बलबीच भारतको उत्तरखण्ड प्रदेश पिथौरागढ जिल्ला ऐचोलीस्थित सशस्त्र सीमा बल 55th Bn Pithoragarh मा माघ २६ गते डिआईजी स्तरीय समन्वयात्मक बैठक सम्पन्न भएको छ ।

सशस्त्र प्रहरी परिवार महिला संघको समन्वय र गणेशमान सिंह स्मृति बहुप्राविधिक शिक्षालय चन्द्रागिरीको प्राविधिक सहयोगमा कार्तिक २६ गतेदेखि संचालन भएको अर्लि चाईल्डहुड मन्टेश्वरी फ्यासिलिटेटर, आधारभूत सिलाई कटाई र ब्यूटी पार्लर तालिमको सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्यालले माघ २२ गते समापन गर्नुभएको छ ।

नेपाल एपीएफ स्कुल कीर्तिपुरमा ‘दोस्रो NAPFS अन्तर विद्यालय सशस्त्र प्रहरी महानिरीक्षक रनिङ्ग ट्रफि फुटबल प्रतियोगिता २०८१’ सशस्त्र प्रहरी अतिरिक्त महानिरीक्षक बंशिराज दाहालको प्रमुख आतिथ्यमा माघ २० गतेबाट संचालन भएको छ ।

नेपाल सरकार गृह मन्त्रालय (सचिवस्तर) को माघ १५ गतेको निर्णयले सशस्त्र प्रहरी सेवा, प्राविधिक समूह, स्वास्थ्यतर्फ प्राविधिक सशस्त्र प्रहरी नायव उपरीक्षक पदमा बढुवा भएकाहरुलाई सशस्त्र प्रहरी महानिरीक्षक राजु अर्यालले माघ २० गते प्रधान कार्यालयमा दर्ज्यानी चिन्ह प्रदान गर्नुभएको छ ।   

नं. ४२ रिजर्भ गण शम्शेरगंज बाँकेको आयोजना तथा समाज सेवा संस्था कोहलपुरको सहकार्यमा बाँके जिल्लाको राप्तीसोनारी गाउँपालिका–८ शम्शेरगंज बजारस्थित जिरोचोकमा माघ २० गते लागूऔषध दुर्व्यसन सम्बन्धी सचेतनामूलक सडक नाटक अभिमुखिकरण कार्यक्रम सम्पन्न भएको छ ।

कञ्चनपुर जिल्लाको भिमदत्त नगरपालिका–१० गड्डाचौकीस्थित सीमा ईलाकाबाट माघ १७ गते श्रोत नखुलेको ६ लाख ८८ हजार भारतीय रुपैयाँसहित प्रस्तावित सीमा सुरक्षा गुल्म गड्डाचौकी र ईलाका प्रहरी कार्यालय गड्डाचौकीको संंयुक्त टोलीले एक जनालाई नियन्त्रणमा लिई आवश्यक कारवाहीको लागि राजस्व अनुसन्धान कार्यालय कोहलपुर बाँकेमा बुझाईएको छ ।

सशस्त्र प्रहरी महानिरीक्षक राजु अर्यालले ‘एन्फा महिला लिग फुटवल–२०२४’ को उपाधी जित्न सफल नेपाल एपीएफ क्लवका महिला फुटवल टिम तथा अफिसियलहरुलाई माघ १८ गते प्रधान कार्यालयमा आयोजित एक कार्यक्रमका बीच सम्मान गर्नुभएको छ ।
महानिरीक्षक अर्यालले नेपाल एपीएफ क्लवमा आवद्ध भई उच्च अनुशासनमा रही उत्कृष्ट खेल प्रदर्शन गरी संगठनको छवी उच्च राख्न खेलेको महत्वपूर्ण योगदानको कदर गर्दै उनीहरुलाई सम्मान गर्नुभएको हो ।
प्रतियोगितामा नेपाल एपीएफ क्लवका सबिता रानामगर सर्वोत्कृष्ट खेलाडी, साबित्री किसन सर्वोत्कृष्ट गोलकिपर र रश्मिकुमारी घिसिङ सर्वाधिक गोलकर्ता हुन सफल भएका थिए ।
यसअघि २०७५ साल, २०७७ साल र २०७९ सालमा समेत नेपाल एपीएफ क्लवका महिला फुटवल टिमले एन्फा महिला लिग फुटवलको उपाधी जित्न सफल भएका थिए ।