समाचार

‘२४औं सशस्त्र प्रहरी दिवस–२०८१’को अवसरमा सप्ताहव्यापी कार्यक्रम अन्तर्गत सशस्त्र प्रहरी बल, नेपाल प्रधान कार्यालय हल्चोक स्वयम्भुमा मंगलबार सशस्त्र प्रहरी महानिरीक्षक राजु अर्यालको प्रमुख आतिथ्यमा प्रभातकालीन विशेष कार्यक्रम सम्पन्न भएको छ ।
विशेष समारोहमा सशस्त्र प्रहरी महानिरीक्षक अर्यालले अमर सशस्त्र प्रहरी स्मारकमा पुष्पहार चढाउनुका साथै संगठनका संस्थापक सशस्त्र प्रहरी महानिरीक्षक स्वर्गीय कृष्णमोहन श्रेष्ठलगायत अमर सशस्त्र प्रहरीप्रति भावपूर्ण श्रद्धाञ्जली अर्पण गर्नुहुँदै कर्तव्य पालनाको सिलसिलमा घाईते तथा अंगभंग भएका सशस्त्र प्रहरी कर्मचारीहरुको शिघ्र स्वास्थ्य लाभको कामना गर्नुभयो ।

सशस्त्र प्रहरी बल नेपाल र भारतीय सशस्त्र सीमा बल बीच रुपन्देही जिल्लाको बुटवलस्थित तिनाहुमा माघ ४ गते डिआईजी स्तरीय छैठौँ समन्वयात्मक बैठक सम्पन्न भएको छ । नं. ५ बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक प्रदिप कुमार पाल र भारतीय समकक्षी सेक्टर हेडक्वाटर एसएसबी लखीमपुर खेरीका डिआईजी बी.विक्रमन तथा सेक्टर हेडक्वाटर गोरखपुरका डिआईजी मुन्ना सिंहको नेतृत्वमा समन्वयात्मक बैठक सम्पन्न भएको हो ।

सुनसरी जिल्लाको कोशी गाउँपालिका–१ स्थित सीमा ईलाकाबाट माघ २ गते बिओपी लौकहीले १.५४ ग्राम ब्राउन सुगर र ९८ वटा नाईट्रेजेपाम ट्याब्लेटसहित सोही जिल्लाको रामधुनी नगरपालिका–१ बस्ने २२ बर्षिय पुरुषलाई नियन्त्रणमा लिई सम्बन्धित निकायमा बुझाएको छ ।

नं. २ छिन्नमस्ता बाहिनी मुख्यालय र नं. ३९ रिजर्भ गण महोत्तरीको संयुक्त आयोजनामा पुस ३ गते बर्दिवास नगरपालिका–४ कामीडाँडास्थित श्री माध्यमिक विद्यालयको प्राङ्गगणमा भूकम्प उद्वार सम्बन्धी सिमुलेशन अभ्यास सम्पन्न भएको छ ।

नेपाल पूर्व सशस्त्र प्रहरी संघको १७औँ साधारणसभा तथा छैठौँ केन्द्रिय अधिवेशनबाट अवकाश प्राप्त सशस्त्र प्रहरी अतिरिक्त महानिरीक्षक नारायणबाबु थापा सर्वसम्मत रुपमा कार्यसमितिको अध्यक्षमा चयन हुनुभएको छ । उहाँसहित चयन हुुनुभएका ३९ कार्यसमितिलाई प्रधान कार्यालयमा माघ २ गते प्रमाणपत्र वितरण, शपथ ग्रहण गराउनुकोसाथै जिम्मेवारी समेत हस्तान्तरण गरिएको हो ।

जिल्ला सुरक्षा समिति सुनसरीको आयोजनामा ईनरुवा नगरपालिका २ जेलफिल्डमा पुस २८ गते नं. ४ गण सुनसरी लगायत अन्य सुरक्षा निकायको सहभागितामा भिड, हुलदंगा तथा कर्फ्यू सम्बन्धी संयुक्त अभ्यास गरिएको छ ।

सीमाबासीसँग सशस्त्र प्रहरी कार्यक्रम अन्तर्गत नं. ४ गण सुनसरीको आयोजना, सप्तकोशी न्यूरो अस्पताल र रामलाल गोल्छा अस्पताल बिराटनगरको सह आयोजना तथा सुनसरी जिल्लाको भोक्राहा नरसिंह गाउँपालिकाको समन्वयमा पुस २६ गते सोही गाउँपलिकाको घोरदौरीयास्थित श्री आधारभुत बिद्यालय अकाहाको प्राङ्गणमा गरिएको एक दिने निःशुल्क स्वास्थ्य शिविरमा करीब ४ सय जना स्थानीयवासीहरुले स्वास्थ्य परिक्षण गराएका छन् ।

सीमाबासीसँग सशस्त्र प्रहरी कार्यक्रम अन्तर्गत नं. ३० गण बाँकेले जिल्लाको नरैनापुर गाउँपालिका–४ घोरदौरीयास्थित राष्ट्रिय आधारभूत विद्यालयका करीब २ सय जना विद्यार्थीहरुलाई पुस २५ गते शैक्षिक सामाग्री वितरण गरेको छ ।

सुनसरी जिल्लाको ईनरुवा नगरपालिका–१ स्थित महानन्द पार्कमा पुस २४ गते नं. ४ गण सुनसरी, जिल्ला प्यावसन सुनसरी र नगर प्यावसन ईनरुवाको संयुक्त आयोजनामा "२४ औं सशस्त्र प्रहरी दिवस" को उपलक्षमा रक्तदान कार्यक्रम सम्पन्न भएको छ ।

सुनसरी जिल्लाको देवानगंज गाउँपालिका–३ स्थित सीमा ईलाकाबाट पुस १९ गते प्रस्तावित सीमा सुरक्षा गुल्म कप्तानगंजले अवैध रुपले भारततर्फ लैजाँदै गरेको करीव ३६ के.जी. गाँजा बरामद गरी सम्बन्धित निकायमा बुझाएको छ । 

बाँके जिल्लाको राप्ती सोनारी गाँउपालिका–८ स्थित श्री भगवती आधारभूत विद्यालयका छात्रछात्राहरुलाई पुस १९ गते नं. ४२ रिजर्भ गण बाँकेले शैक्षिक सामाग्री वितरण गरेको छ । 

पुष १९ गते सशस्त्र प्रहरी महानिरीक्षक राजु अर्यालले नेपाल पूर्व सशस्त्र प्रहरी संघको १७औं साधारणसभा तथा छैठौं केन्द्रिय अधिवेशनको समुद्घाटन गर्नुभएको छ ।

सीमावासीसँग सशस्त्र प्रहरी कार्यक्रम अन्तर्गत नं. २ हिमशिखर गुल्म पाँचथरले जिल्लाको फालेलुङ्ग गाउँपालिका–५ लुधिनस्थित एक विपद् पीडित नागरिकलाई पुस १८ गते घर हस्तान्तरण गरेको छ । 

पुस १७ गते नं. २ हिमशिखर गुल्म पाँचथरले सीमा वासीसँग सशस्त्र प्रहरी कार्यक्रम अन्तर्गत पाँचथर जिल्लाको फिदिम नगरपालिका–४ स्थित श्री गढी माध्यमिक विद्यालयका दृष्टिविहिन छात्रछात्राहरुलाई शैक्षिक सामाग्री वितरण गरेको छ । 

पर्सा जिल्लाको वीरगंज महानगरपालिका–७ कुम्हाल टोलबाट पुस १७ गते प्रस्तावित सीमा सुरक्षा गुल्म वीरगंज र भन्सार कार्यालय वीरगंजको संयुक्त टोलीले करीव ८ लाख २८ हजार रुपैयाँ बराबरको लत्ताकपडा बरामद गरेको छ ।

पर्सा जिल्लाको वीरगंज महानगरपालिका–१६ भन्सार ईलाकाबाट पुस १५ गते प्रस्तावित सीमा सुरक्षा गुल्म वीरगंजले विभिन्न किसिमका लागूऔषधसहित सोही जिल्लाको बहुदरमाई गाउँपालिका–३ नगरदाहा बस्ने अन्दाजी ३६ वर्षिय पुरुषलाई नियन्त्रणमा लिई आवश्यक कारवाहीको लागि सम्बन्धित नियकायमा बुझाईएको छ ।