समाचार

जेठ ११ गते नं. २३ मनकामना गण भानु तनहुँको आयोजनामा भानु नगरपालिका–१ भन्सारस्थित भानु नगर कार्यपालिकाको सभाहलमा समुदाय विपद् स्वयंसेवक तालिम संचालन भएको छ । सो नगरपालिका अन्तर्गतका वडाहरुबाट प्रतिनिधित्व गरी ५८ जना प्रशिक्षार्थी सहभागि रहेको तालिम जेठ २८ गतेसम्म संचालन हुनेछ । 

नेपाल पूर्व सशस्त्र प्रहरी संघका सल्लाहकार अवकाश प्राप्त सशस्त्र प्रहरी महानिरीक्षकहरु सनत कुमार बस्नेत, शैलेन्द्र श्रेष्ठ र सिंहबहादुर श्रेष्ठ तथा संघका अध्यक्ष अवकाश प्राप्त सशस्त्र प्रहरी अतिरिक्त महानिरीक्षक नारायणबाबु थापाले प्रधान कार्यालय हलचोक स्वयम्भुमा जेठ ९ गते विश्वको सर्वोच्च शिखर सगरमाथाको सफल आरोहण गरेका सशस्त्र प्रहरी नायव निरीक्षक दन्त बहादुर छत्याल र पूर्व सशस्त्र प्रहरी हवल्दार अक्कल बहादुर बोहोरालाई नगद पुरस्कारसहित सम्मान गर्नुभएको छ ।

जेठ ७ गते माननीय गृहमन्त्री रमेश लेखकको प्रमुख आतिथ्यमा विपद् व्यवस्थापन तालिम शिक्षालय कुरिनटार चितवनमा संचालित गोताखोर तालिम सम्पन्न भएको छ । 

पर्सा जिल्लाको बिरगंज महानगरपालिका–२ भगुवास्थित सीमा ईलाकाबाट जेठ ६ गते नं. १३ गण पर्साले ८१ हजार ४ सय ९० ट्याब्लेट (८ हजार १ सय ४९ पत्ता) ट्रमाडोल हाईड्रोक्लोराईड नामक लागूऔषध बरामद गरेको छ ।

जेठ २ गते  शुक्रबार राती कास्की जिल्ला पोखरा महानगरपालिका–१०  पृथ्वीचोकस्थित चाईनापुलबाट सेती नदिमा हामफालेका एक युवकको नं. २४ कालिका  गण कास्कीबाट खटिएको विपद् व्यवस्थापनसहितको टोलीले सकुशल उद्वार गरेको छ  ।

काठमाडौंको चन्द्रागिरी नगरपालिका–११ सतुङ्गगल चोकस्थित कपडा पसल र कम्प्लेक्समा जेठ १ गते भएको आगलागी नेपाली सेना, सशस्त्र प्रहरी बल र नेपाल प्रहरीको संयुक्त टोलीले नियन्त्रणमा लिएको छ । आगलागी नियन्त्रणको लागि ५ वटा दमकल प्रयोग गरिएको थियो।

सशस्त्र प्रहरी महानिरीक्षक राजु अर्यालले बैशाख २६ गते शुक्रबार प्रधान कार्यालयमा फिलिपिन्समा May 23  देखि 31 तारिकसम्म आयोजना हुने Man of the World-2025  मा नेपालको तर्फबाट सहभागि हुन जान लागेका आयुष दुलाललाई सफलताको शुभकामनासहित हार्दिक बिदाई गर्नुभएको छ । साथै महानिरीक्षक अर्यालले उनलाई Letter of Appreciation समेत प्रदान गर्नुभएको थियो ।

संयुक्त राष्ट्रसंघको अनुरोधमा शान्ति स्थापनार्थ युनाइटेड नेशन्स मिशन इन साउथ सुडानमा नेपाल फम्र्ड पुलिस युनिट (एफ.पी.यू.)मा सफलतापूर्वक आफ्नो कार्यकाल सम्पन्न गरी स्वदेश फर्किएको ११औँ डफ्फाको टोली बैशाख २४ गते राती स्वदेश फिर्ता भएको छ । स्वदेश फिर्ता भएको टोलीलाई सशस्त्र प्रहरी अतिरिक्त महानिरीक्षक वंशीराज दाहालले बैशाख २५ गते प्रधान कार्यालय हलचोक स्वयम्भुमा स्वागत गर्नुभएको छ । 

बैशाख २४ गते झापा जिल्लाको मेचीनगरपालिका–७ स्थित जोरसिमलबाट प्रस्तावित सीमा सुरक्षा गुल्म काँकडभिट्टाले १४ लाख ९९ हजार ७ सय भारतीय रुपैयाँसहित एक जनालाई नियन्त्रणमा लिएको छ ।

सशस्त्र प्रहरी महानिरीक्षक राजु अर्यालले संयुक्त राष्ट्रसंघको अनुरोधमा शान्ति स्थापनार्थ युनाइटेड नेशन्स मिशन इन साउथ सुडानमा नेपाल फम्र्ड पुलिस युनिट (एफपीयू) को रुपमा कार्य गर्न जाने १२औं डफ्फाको बैशाख २१ गते सशस्त्र प्रहरी बल नेपाल प्रधान कार्यालयमा हार्दिक बिदाई गर्नुभएको छ । 

माननीय गृहमन्त्री रमेश लेखकको प्रमुख आतिथ्यमा बैशाख १९ गते सशस्त्र प्रहरी बल नेपाल पर्वतीय उद्वार तालिम शिक्षालय मनाङ्गमा संचालित सिं.संं. १ उच्च भुभाग खोज तथा उद्धार तालिम समापन भएको  छ । भएको  छ ।

धादिङ जिल्लाको रुवि भ्यालि गाउँपालिका– १ तिप्लिङमा सशस्त्र प्रहरी बल नेपालको विओपी स्थापना भएको छ । माननीय गृहमन्त्री रमेश लेखकले बैशाख १९ गते उक्त विओपीको उद्घाटन गर्नुभएको हो ।