समाचार

पश्चिम नवलपरासी, पश्चिम नवलपरासी जिल्लाको प्रतापपुर गाउँपालिका ४ पाचपेडा र सरावल गाउँपालिका ७ खजुरा खोलाको किनारबाट जेठ ६ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको सरावल गाउँपालिका ९ रामग्राम बस्ने २७ वर्षिय जोगेन्द्र हरिजन छन् । उनलाई सशस्त्र प्रहरी बल नेपाल बोर्डर आउट पोष्ट भुजहवाबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका निज हरिजनलाई गस्तीमा खटिएको एपीएफ टोलीले शंका लागि जाँच गर्दा उनको साथमा डाईजापाम ४ सय ९४ वटा, फेनारगन ५ सय वटा, नाईट्राभेट ट्याब्लेट १ हजार ७ सय ९ वटा, स्पास्मो प्रोक्सिभन प्लस ९६ वटा, नोफिन इन्जेक्सन ४ सय ९३ र वानरेक्स ७ वटा फेला परेपछि पक्राउ गरिएको हो । एपीएफ टोलीले पक्राउ परेका हरिजनलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

काठमाडौं, सप्तरी जिल्लाको तिलाठी कोईलाडी गाउँपालिका ४ स्थित चट्टी टोलबाट जेठ ५ गते एपीएफ टोलीले चोरीपैठारीको १२ बोरा सुर्ती बरामद गरेको छ । तीन वटा मोटरसाईकलमा राखेर ल्याउदै गरेको उक्त सुर्ती सशस्त्र प्रहरी बल नेपाल बोर्डर आउट पोष्ट बर्साईनीबाट खटिएको एपीएफ टोलीले बरामद गरेको हो । एपीएफ टोलीले त्यसवेला सुर्ती ल्याउँन प्रयोग भएको उक्त तीन वटै मोटरसाईकल समेत बरामद गरेको छ । बरामद सुर्ती तथा मोटरसाईकल एपीएफ टोलीले भन्सार कार्यालय राजबिराजमा बुझाएको छ । उक्त सुर्ती तथा मोटरसाईकलको भन्सार दाखिला मुल्य चार लाख ९८ हजार रुपैयाँ रहेको छ । यसैगरी सशस्त्र प्रहरी बल नेपाल बोर्डर आउट पोष्ट गुठिप्रसौनीबाट खटिएको एपीएफ टोलीले जेठ ५ गते करीव एक लाख २९ हजार रुपैयाँ बराबरको चोरीपैठारीको सामान बरामद गरेको छ । चोरीपैठारीगरी नेपाल ल्याएर लुकाई छिपाई राखेको अवस्थामा उल्लेखित मुल्य बराबरको ५ सय ४ के.जी. धानको बिउ, २ सय ५० के.जी. युरिया मल र ३ बोरा किटनासक औषधी एपीएफ टोलीले पश्चिम नवलपरासी जिल्लाको प्रतापुर गाउँपालिका ५ मटरा स्थित सीमा ईलाकाबाट बरामद गरेको हो । बरामद सामान भन्सार कार्यालय महेशपुरमा बुझाईएको छ ।

पर्सा, पर्सा जिल्लाको बीरगंज महानगरपालिका २९ स्थित रतनपुर ईलाकाबाट जेठ ४ गते एपीएफ टोली, नेपाल प्रहरी र सब डिभिजन वन कार्यालय सबैयाको कर्मचारीले करीव ८४ हजार रुपैयाँ बराबरको सालको गोलिया काठ बरामद गरेको छ । सोही ठाउँमा रहेको जंगलबाट कटान गरी ल्याउँदै गरेको अवस्थामा उल्लेखित मुल्य बराबरको २४ क्यूफिट सालको गोलिया काठ सशस्त्र प्रहरी बल नेपाल सुरक्षा वेश वेलवाबाट खटिएको एपीएफ टोली, नेपाल प्रहरी र वन कार्यालयको कर्मचारीले बरामद गरेको हो । बरामद काठ सव डिभिजन वन कार्यालय सबैयामा बुझाईएको छ ।

सिरहा, सिरहा जिल्लाको सिरहा नगरपालिका १५ बुधौरा स्थित सिमा ईलाकाबाट बाट जेठ ३ गते एपीएफ टोलीले लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको मिर्चैया नगरपालिका ५ बस्ने ३४ वर्षिय विजयकुमार यादव छन् । स २ प ८५२६ नम्वरको मोटरसाईकलमा सवार निज यादवलाई सशस्त्र प्रहरी बल नेपाल सुरक्षा वेश बुधौराबाट खटिएको एपीएफ टोलीले शंका लागि जाँच गर्दा उनको साथमा डायलेक्स डीसी ११ बोतल र नाईट्राजेपाम ६ पत्ता फेला परेपछि पक्राउ गरिएको हो । त्यस बेला एपीएफ टोलीले निजले प्रयोग गरेको उक्त मोटरसाईकल तथा तीन थान मोवाईलसमेत बरामद गरेको हो । एपीएफ टोलीले पक्राउ परेका निज यादवलाई बरामद लागूऔषध तथा उल्लेखित सामानसहित आवश्यक कारवाहीको लागि जिल्ला प्रहरी कार्यालय सिरहामा बुझाएको छ ।

सुनसरी, सुनसरी जिल्लाको बराहक्षेत्र नगरपालिका ८ प्रकाशपुरस्थित रामधुनी जाने जंगलको बाटोबाट बैशाख ३० गते एपीएफ टोलीले विभिन्न किसिमको लागूऔषधसहित एक जनालाई पक्राउ गरेको छ । पक्राउ पर्नेमा सोही जिल्लाको कोशी गाउँपालिका १ लौकही बस्ने १९ बर्षिय रोशन झा छन् । उनलाई सशस्त्र प्रहरी बल नेपाल सुरक्षा पोष्ट चतराबाट खटिएको एपीएफ टोलीले पक्राउ गरेको हो । स १० प ४६९२ नम्बरको मोटरसाइकलमा सवार निज झालाई एपीएफ टोलीले शंका लागि जाँच गर्दा उनको साथमा डाईलेस डिसी ६५ बोतल, स्मास्मो प्रोक्सिभन १ हजार ४ सय ४० वटा, लिजिक इन्जेक्सन १ सय ५० एम्पुल, डाईजिल्याब इन्जेक्सन १ सय ५० एम्पुल, प्रोमेथाजिन हाईड्रोक्लोराईड इन्जेक्सन १ सय ५० एम्पुल र फेन्सीडिल न्यू दुई बोतल फेला परेपछि पक्राउ गरिएको हो । एपीएफ टोलीले त्यसवेला निज झाको साथबाट मोबाईल सेट एउटा, घडी एउटा,११ हजार ८ सय १० नेपाली रुपैयाँ, १ हजार २ सय ३० भारतीय रुपैयाँ तथा उल्लेखित मोटरसाइकल समेत बरामद गरेको छ । पक्राउ परेका निज झालाई बरामद लागूऔषध र सामानसहित आवश्यक कारवाहीको लागि स्थानीय प्रहरीमा बुझाइएको छ ।

दार्चुलाको ब्यास गाउँपालिका १ स्थित छाङरुमा सशस्त्र प्रहरी बल नेपाल बोर्डर आउट पोष्ट छाङरु (गागा)को स्थापना । सशस्त्र प्रहरी अतिरिक्त महानिरीक्षक नारायणबावु थापाद्वारा बुधबार सो बोर्डर आउट पोष्टको स्थापना ।

सर्लाही, सर्लाही जिल्लाको मलंगवा नगरपालिका ९ स्थित सीमा ईलाकाबाट बैशाख २८ गते एपीएफ टोलीले लागूऔषधसहित एक जनालाई पक्राउ गरेको छ । पक्राउ पर्नेमा सोही नगरपालिका ३ बस्ने १९ वर्षिय अर्जुन यादव छन् । सशस्त्र प्रहरी बल नेपाल सुरक्षा वेश मलंगवाबाट खटिएको एपीएफ टोलीले निज यादवलाई शंका लागि जाँच गर्दा उनको साथमा वालरेक्स २५ बोतल र नाईट्राभेट ट्याब्लेट ७५ वटा फेला परेपछि पक्राउ गरिएको हो । एपीएफ टोलीले पक्राउ परेका यादवलाई बरामद लागूऔषधसहित आवश्यक कारवाहीको लागि जिल्ला प्रहरी कार्यालय सर्लाहीमा बुझाएको छ ।

धनुषा, धनुषा जिल्लाको धनौजी गाँउपालिका ३ स्थित कटैया चोकबाट बैशाख २७ गते एपीएफ टोलीले २० बोतल एक्जीप्लोन नामक लागूऔषधसहित तीन जनालाई पक्राउ गरेको छ । पक्राउ पर्नेहरुमा सोही जिल्लाको मिथिला नगरपालिका ६ बस्ने ३६ वर्षिय शेर सिंह तामाङ, ३६ वर्षिय सिताराम यादव र २८ वर्षिय श्रीप्रसाद महतो छन् । बा १३ च १२९५ नम्वरको गाडीमा सवार उनीहरुलाई सशस्त्र प्रहरी बल, नेपाल नम्वर ८ गण धनुषाबाट खटिएको एपीएफ टोलीले शंका लागि जाँच गर्दा उक्त लागूऔषध फेला परेपछि पक्राउ गरिएको हो । एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहिको लागि स्थानीय प्रहरीमा बुझाएको छ ।

सर्लाही, सर्लाही जिल्लाको ईश्वरपुर नगरपालिका ९ बाट बैशाख २७ गते एपीएफ टोलीले करीब एक लाख ४० हजार रुपैयाँ बराबरको एक सय ४० क्यूफिट मसलाको काठ बरामद गरेको छ । सशस्त्र प्रहरी बल नेपाल सुरक्षा बेस सागरनाथबाट खटिएको एपीएफ टोलीले उक्त काठ बरामद गरेको हो । ना १ त ५१२० नम्बरको ट्रयाक्टरमा राखेर ल्याउँदै गरेको अवस्थामा उक्त काठ तथा काठ ल्याउन प्रयोग भएको सो ट्रयाक्टरसमेत बरामद गरिएको हो । बरामद काठ तथा ट्रयाक्टर स्थानीय वन कार्यालयमा बुझाइएको छ ।

धनुषा, धनुषा जिल्लाको विदेह नगरपालिका ५ एकराहीबाट बैशाख २६ गते एपीएफ टोलीले करीब २० केजी ७ सय ग्राम गाँजा बरामद गरेको छ । सशस्त्र प्रहरी बल नेपाल नम्बर ८ गण धनुषाबाट खटिएको एपीएफ टोलीले उक्त गाँजा बरामद गरेको हो । एकराही सरापे भित्री सडकखण्डमा पैदल हिडिरहेका व्यक्तिले एपीएफ टोलीलाई देख्नासाथै उक्त गाँजा सोही ठाउँमा छाडेर भागेपछि सो गाँजा बरामद गरिएको हो ।

सर्लाही, सर्लाही जिल्लाको हरिवन नगरपालिका ७ सुकुम्वासी टोलबाट बैशाख २६ गते एपीएफ टोली र वन कार्यालका कर्मचारीले करीव ८० हजार रुपैयाँ बराबरको १० थान गोलिया काठ बरामद गरेको छ । सोही ठाउँमा जमिनमा लुकाई छिपाई राखेको अवस्थामा उल्लेखित मुल्य बराबरको ४० क्यूफिट काठ सशस्त्र प्रहरी बल नेपाल सुरक्षा वेश धरहराबाट खटिएको एपीएफ टोली र वन कार्यालयका कर्मचारीले बरामद गरेको हो । बरामद काठ सागरनाथ वन परियोजना शाखा कार्यालय धरहरामा बुझाईएको छ ।

झापा, झापा जिल्लाको झापा गाउँपालिका ५ खयरबारी स्थित सीमा ईलाकाबाट बैशाख २२ गते एपीएफ टोलीले करीव १४ लाख ५० हजार रुपैयाँ बराबरको चोरीपैठारीको थ्रेसर मेसीनसहितको ट्याक्टर बरामद गरेको छ । भारतबाट अवैध रुपले नम्बर प्लेट नभएको ट्याक्टरमा राखी नेपालतर्फ ल्याउँदै गरेको अवस्थामा उक्त थ्रेसर मेसीन सशस्त्र प्रहरी बल नेपाल फरवार्ड सुरक्षा वेश पन्थपाँडाबाट खटिएको एपीएफ टोलीले बरामद गरेको हो । त्यसवेला उक्त थ्रेसर मेसीन ल्याउँदै गरेका व्यक्तिहरु एपीएफ टोलीलाई टाढैबाट देख्नासाथै उक्त ट्याक्टर तथा थ्रेसर मेसीन छाडी फरार भएका थिए ।

मोरङ, मोरङ जिल्लाको बिराटनगर महानगरपालिका १८ स्थित एकिकृत जाँच चौकीबाट बैशाख २३ गते एपीएफ टोलीले एक करोड नौ लाख उनासी हजार सात सय तीस भारतीय रुपैयाँसहित दुई जनालाई पक्राउ गरेको छ । पक्राउ पर्नेहरुमा भारतको दार्जिलिङ्ग घर बताउने २५ वर्षिय रविकुमार शर्मा र भारतकै बिहार रौतिनिया घर बताउने १८ वर्षिय चतुर कुमार छन् । डब्लुबी ७३ ई ७६३५ नम्बरको भारतीय ट्रकमा चालकको सिटमुनी कार्टुनमा राखेर लुकाई छिपाई अवैध रुपले नेपालतर्फ ल्याउँदै गरेको अवस्थामा उल्लेखित भारतीय रुपैयाँसहित सो ट्रकका चालक तथा सहचालक रहेका उनीहरुलाई सशस्त्र प्रहरी बल नेपाल नम्बर ९ गुल्म हेक्वा मोरङबाट खटिएको एपीएफ टोलीले पक्राउ गरेको हो । त्यसवेला एपीएफ टोलीले सो ट्रक समेत बरामद गरेको छ ।

पर्सा, पर्सा जिल्लाको पर्सागढी नगरपालिका ४ बाट बैशाख २२ गते एपीएफ टोली र वन कार्यालयको कर्मचारीले करीव २८ हजार रुपैयाँ बराबरको सालको गोलिया काठसहित एक जनालाई पक्राउ गरेको छ । पक्राउ पर्नेमा सोही ठाँउ बस्ने ३२ वर्षिय सोनालाल पासवान छन् । सशस्त्र प्रहरीे बल नेपाल, सुरक्षा वेश वेलवाबाट खटिएको एपीएफ टोली र सव डिभिजन वन कार्यालय सवैयाको कर्मचारीले सो ठाउँबाट उल्लेखित परिमाणको काठ र एक थान साईकलसहित निज पासवानलाई पक्राउ गरेको हो । पक्राउ परेका निज पासवानलाई बरामद काठ तथा साईकल सहित सव डिभिजन वन कार्यालय सवैयामा बुझाईएको छ ।

चितवन, चितवन जिल्लाको राप्ती नगरपालिका १० स्थित कोराकबाट बैशाख २२ गते एपीएफ टोलीले करिव ५३ के.जि. गाँजा बरामद गरेको छ । सशस्त्र प्रहरी बल नेपाल, नम्वर ३ गढिमाई बाहिनी मुख्यालय मकवानपुरबाट खटिएको एपीएफ टोलीले सो स्थानमा बेवारिसे अवस्थामा बोरामा राखेको उल्लेखित परिमाणको गाँजा फेला परेपछि बरामद गरेको हो ।

महोत्तरी, महोत्तरी जिल्लाको गौशाला नगरपालिका १२ राना टोलबाट बैशाख २१ गते एपीएफ टोली र स्थानीय प्रहरीले करीव एक लाख ५० हजार रुपैयाँ बराबरको सालको गोलिया काठ बरामद गरेको छ । सोही ठाउँमा रहेको उखुवारीमा लुकाई छिपाई राखेको उल्लेखि मुल्य बराबरको ५४ थान सालको गोलिया काठ सशस्त्र प्रहरीले बल नेपाल सुरक्षा वेश जमुनियाबाट खटिएको एपीएफ टोली र स्थानीय प्रहरी बरामद गरेको हो । बरामद काठ सव डिभिजन वन कार्यालय महोत्तरीमा बुझाईएको छ ।