समाचार

सप्तरी, सप्तरी जिल्लाको छिन्नमस्ता गाउँपालिका ३ स्थित सीमा ईलाकाबाट भाद्र २० गते सशस्त्र प्रहरीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको अग्निसाईर गाउँपालिका १ बस्ने २० वर्षिय अर्जुन खङ्ग र २८ वर्षिय शंखर खङ्ग छन् । भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल बोर्डर आउट पोष्ट छिन्नमस्ताबाट खटिएको सशस्त्र प्रहरीले शंका लागि जाँच गर्दा उनीहरुको साथमा डाईजेपाम इन्जेक्सन ८ एम्पुल, फेनारागन इन्जेक्सन ७ एप्पुल र लुपिजेसिक ७ एम्पुल फेला पारेको हो । पक्राउ परेका दुवै जनालाई बरामद लागूऔषधसहित आवश्यक कारवाहीको लागि नेपाल प्रहरीलाई बुझाईएको छ ।

काठमाडौं, अविरल वर्षाको कारण भक्तपुर जिल्लाको चाँगुनारायण नगरपालिका ४ ईन्जिनियरिङ्ग कलेज नजिक मनहरा खोलाको पानी सुकुम्वासी बस्तीमा पसेर डुवानमा परेका करीव ७० घरपरिवारको सशस्त्र प्रहरीले सकशुल उद्वार गरेको छ । सो बारे जानकारी पाउनासाथै सशस्त्र प्रहरी बल नेपाल नम्बर २२ गण भक्तपुरबाट खटिएको सशस्त्र प्रहरी उनीहरुको उद्वार कार्यमा सकृयतासाथ जुटेको हो । यसैगरी काठमाडौ महानगरपालिका ८ गौरीघाटस्थित सुकुम्वासी बस्तीमा बागमती नदिको बहाव बढेर डुवानमा परेका करीव एक सय घरपरिवारको सशस्त्र प्रहरीले उद्वार गरेको छ । सो बारे जानकारी पाउनासाथै सशस्त्र प्रहरी बल नेपाल नम्बर २० गण उपत्यकाबाट खटिएको सशस्त्र प्रहरी उनीहरुको उद्वार कार्यमा सकृयताकासाथ जुटेको हो । यसैगरी काठमाडौ महानगरपालिका ११ थापाथलीस्थित सुकुम्वासी बस्तीमा बागमती नदिमा पानीको बहाव बढेर बस्तीमा पसेपछि डुवानमा परेकाहरुको सशस्त्र प्रहरी बल नेपाल नम्बर २० गण काठमाडौंबाट खटिएको सशस्त्र प्रहरीले सकुशल उद्वार गरेको छ । यसैगरी काठमाडौ जिल्लाको काठमाडौं महानगरपालिका १३ कालिमाटीस्थित बागमती र विष्णुमती नदिको दोभानमा रहेको सुकुम्वासी वस्तीमा पानी पसेर डुवानमा परेका घरपरिवारको सशस्त्र प्रहरी बल नेपाल नम्बर १८ गण काठमाडौंबाट खटिएको सशस्त्र प्रहरीले उद्वार गरेको छ । यसैगरी काठमाडौं महानगरपालिका १४ बल्खुस्थित बागमती नदिमा पानीको बहाव बढेर सुकुम्वासी बस्तीमा पस्दा डुवानमा परेका करीव ६० घरपरिवारको सशस्त्र प्रहरी बल नेपाल नम्बर १८ गण काठमाडौंबाट खटिएको सशस्त्र प्रहरीले उद्वार गरेको छ । यसैगरी सशस्त्र प्रहरी बल नेपाल नम्बर २० गण उपत्यकाबाट खटिएको सशस्त्र प्रहरीले काठमाडौं जिल्लाको कागेश्वरी नगरपालिका ७ हरहरमहादेवस्थित सुकुम्वासी बस्तीमा पानी पसेर डुवानमा परेका घरपरिवारको सामान तथा चौपाया सुरक्षित स्थानमा सारेको छ ।

पर्सा, पर्सा जिल्लाको विन्दवासिनी गाउँपालिका ४ मधुवनस्थित गाह नदिमा बेपत्ता भएका एक युवकको शव सशस्त्र प्रहरीले भाद्र २१ गते फेला पारेको छ । सोही गाउँपालिका ४ अमरपट्टि बस्ने २० वर्षिय हरिओम दास उक्त नदिमा डुवेर बेपत्ता भएको भन्ने खबर पाउनासाथ सशस्त्र प्रहरी बल नेपाल बोर्डर आउट पोष्ट प्रसौनीभाटाबाट खटिएको सशस्त्र प्रहरीले उनको शव सो नदिमा फेला पारेको हो ।

कञ्चनपुर, कञ्चनपुर जिल्लाको शुक्लाफाँटा नगरपालिका ९ नौखरीस्थित सुनबरा नदिमा बेपत्ता भएका बालकको शव सशस्त्र प्रहरीले आईतबार फेला पारेको छ । सोही ठाउँ बस्ने १२ वर्षिय दिलिप सुनार उक्त नदिमा नुहाउने क्रममा बेपत्ता भएको बताईएको छ । सो बारे जानकारी पाउनासाथै सशस्त्र प्रहरी बल नेपाल नम्बर ३५ गण कञ्चनपुरबाट सशस्त्र प्रहरी निरीक्षक कृष्णराज अधिकारीको कमाण्डमा खटिएको विपद् व्यवस्थापन तालिम प्राप्त सशस्त्र प्रहरीले उनको शव घटनास्थल नजिकै पानीमा डुवेको अवस्थामा फेला पारेको हो ।

महोत्तरी, महोत्तरी जिल्लाको सम्सी गाउँपालिका ६ चाँदनी चोकबाट भाद्र १९ गते सशस्त्र प्रहरीले विभिन्न किसिमका लागुऔषधसहित दुई जनालाई पक्राउ गरेको छ । पक्राउ पर्नेमा नुवाकोट जिल्लाको बिदुर नगरपालिका ७ बस्ने ३० बर्षिय संजय भट्ट र गोरखा जिल्लाको बुढिगंगा गाउँपालिका ३ बस्ने २३ बर्षिय अजय परियार छन् । प्रदेश ०२(०२२ प ३४७२ नम्बरको मोटरसाईकलमा सवार उनीहरुलाई सशस्त्र प्रहरी बल नेपाल बोर्डर आउट पोष्ट सम्सीबाट खटिएको सशस्त्र प्रहरीले शंका लागि जाँच गर्दा उनीहरुको साथमा नाईट्रोभेट ट्याब्लेट २ हजार ३ सय ७० वटा, प्रोमेथाजिन ईन्जेक्सन १ सय २१ वटा, फिन्ज ईन्जेक्सन १ सय १८ वटा, डाईजाल्याप ७१ वटा र डाईजापाम ४६ वटा फेला पारेको हो । पक्राउ परेकाहरुलाई बरामद लागुऔषधसहित आवश्यक कारवाहीको लागी नेपाल प्रहरीलाई बुझाईएको छ ।

रौतहट, रौतहट जिल्लाको गौर नगरपालिका २ भन्सार ईलाकाबाट भाद्र १९ गते सशस्त्र प्रहरीले करीव १ लाख २५ हजार रुपैयाँ बराबरको चोरीपैठारीको १० थान मोबाईल सेटसहित सोही ठाउँ बस्ने २८ बर्षिय संजय कुमार यादवलाई पक्राउ गरेको छ । भारतबाट अबैध रुपले नेपालतर्फ ल्याउँदै गरेको उक्त मोटवाईल सेटसहित उनलाई सशस्त्र प्रहरी बल नेपाल बोर्डर आउट पोष्ट गौरबाट खटिएको सशस्त्र प्रहरीले पक्राउ गरेको हो । पक्राउ परेका यादवलाई बरामद मोवाईल सेटसहित आवश्यक कारवाहीको लागि भन्सार कार्यालय गौरमा बुझाईएको छ ।

सर्लाही, सर्लाही जिल्लाको लालबन्दी नगरपालिका ५ स्थित हरिवन तथा लालबन्दीको भित्री सडकखण्डबाट भाद्र १८ गते सशस्त्र प्रहरीले एउटा कटुवा पेस्तोल तथा सोको ५ वटा गोली बरामद गरेको छ । प्रदेश २-०२-००४ प ७७५७ नम्बरको मोटरसाईकलमा सवार व्यक्तिले सशस्त्र प्रहरी बल नेपाल सुरक्षा वेश हरिवनबाट खटिएको सशस्त्र प्रहरीलाई टाढैबाट देख्नासाथ उक्त पेस्तोल तथा मोटरसाईकल सोही ठाउँमा छाडी फरार भएपछि बरामद गरिएको हो । बरामद पेस्तोल, गोली र मोटरसाईकल नेपाल प्रहरीलाई बुझाईएको छ ।

झापा, झापा जिल्लाको दमक नगरपालिका ३ बेलडाँगीबाट भाद्र १७ गते सशस्त्र प्रहरीले करीव ५ ग्राम ७२ मिलिग्राम ब्राउन सुगरसहित दुई जनालाई पक्राउ गरेको छ । फक्राउ पर्नेहरुमा सोही जिल्लाको दमक नगरपालिका ३ सेक्टर डेल्टा २ हट नम्बर १७९ बस्ने ३२ वर्षिय पूर्णबहादुर कटुवाल र डेल्टा १ हट नम्बर १०१ बस्ने २६ वर्षिय किरण राई छन् । उनीहरुलाई सशस्त्र प्रहरी बल नेपाल भुटानी शरणार्थी सुरक्षा वेश बेलडाँगीबाट खटिएको सशस्त्र प्रहरीले शंका लागि जाँच गर्दा उनीहरुको साथमा उल्लेखित परिमाणको ब्राउन सुगर फेला परेको हो । पक्राउ परेका दुवै जनालाई बरामद ब्राउन सुगरसहित आवश्यक कारवाहीको लागि नेपाल प्रहरीलाई बुझाईएको छ ।

बारा, बारा जिल्लाको सुवर्ण गाउँपालिका ७ तियर खोलास्थित सीमा ईलाकाबाट भाद्र १८ गते सशस्त्र प्रहरी करीव ११ के.जी. गाँजा बरामद गरेको छ । सशस्त्र प्रहरी बल नेपाल फरवार्ड सुरक्षा वेश पचगछियाबाट खटिएको सशस्त्र प्रहरीलाई टाढैबाट देख्नासाथ उक्त गाँजा ल्याउँदै गरेका व्यक्तिले बोकेको झोला सोही ठाउँमा छाडी फरार भएपछि सो झोलामा जाँच गर्दा उक्त परिमाणको गाजाँ फेला परेको हो । बरामद गाँजा नेपाल प्रहरीलाई बुझाईएको छ ।

काठमाडौं, सशस्त्र प्रहरी बल नेपाल प्रधान कार्यालयमा बिहिबार आयोजित बृक्षारोपण कार्यक्रम सशस्त्र प्रहरी महानिरीक्षक शैलेन्द्र खनालको प्रमुख आतिथ्यमा सम्पन्न भएको छ । निजामती सेवा दिवसको अवसरमा राष्ट्रसेवक कर्मचारी बृक्षारोपण अभियानमा हातेमालो गर्दै सशस्त्र प्रहरी बल नेपाल प्रधान कार्यालय परिषरमा आयोजित उक्त बृक्षारोपण कार्यक्रममा सशस्त्र प्रहरी महानिरीक्षक शैलेन्द्र खनाल, सशस्त्र प्रहरी परिवार महिला संघकी अध्यक्ष श्रीमती सरिता कडेल खनाल, अवकाश प्राप्त सशस्त्र प्रहरी महानिरीक्षकहरु वासुदेव वली, सनतकुमार बस्नेत, किशोर कुमार लामा, शैलेन्द्र कुमार श्रेष्ठ, दुर्जकुमार राई र सिंहबहादुर श्रेष्ठ तथा सशस्त्र प्रहरी अतिरिक्त महानिरीक्षकद्वय पुष्पराम के.सी. र रामशरण पौडेल लगायत सशस्त्र प्रहरी बल नेपालका बरिष्ठ अधिकृत र सशस्त्र प्रहरी परिवार महिला संघका पदाधिकारीहरुले सो अवसरमा बृक्षारोपण गर्नुभएको हो । त्यसअवसरमा अम्बा १५, कागती ४, नासपाती १, आरुबखेडा ३, एभोगाडो ३, सुन्तला २, तेजपत्ता २०, ओखर ३, रुद्राक्ष २, रिट्ठा १३, अनार १, जुनार ३, ज्याकारण्डा १४, मेसेडोनिया ८, स्याउ २ र धुपी १० गरी जम्मा १ सय ४ वटा बिरुवा रोपिएको छ । अभियानको रुपमा सुरु गरिएको बृक्षारोपण कार्यक्रम भाद्र १८ गतेदेखि २० गतेसम्म सशस्त्र प्रहरी बल नेपालको देश भरका विभिन्न एकाईहरुमा समेत संचालन गरिने छ ।

सर्लाही, सर्लाही जिल्लाको हरिवन नगरपालिका १० स्थित नयाँरोड ईलाकाबाट भाद्र १५ गते सशस्त्र प्रहरीले करीव ६ लाख रुपैयाँ बराबरको १७ थान गलैचा बरामद गरेको छ । सशस्त्र प्रहरी बल नेपाल सुरक्षा वेश हरिवनबाट खटिएको सशस्त्र प्रहरीले एक यात्रुवाहक बसमा जाँच गर्दा उक्त गलैचाको विल विजक नभएको पाईएपछि सो गलैचा बरामद गरिएको हो । बरामद गलैचा भन्सार कार्यालय हरिवनमा बुझाईएको छ ।

काठमाडौं, झापा जिल्लाको मेचीनगर नगरपालिका १५ ईलाकाबाट भाद्र १५ गते सशस्त्र प्रहरीले करीव १६ ग्राम १५ मिलिग्राम ब्राउन सुगरसहित दुई जनालाई पक्राउ गरेको छ । पक्राउ पर्नेहरुमा सोही जिल्लाको शिवशताक्षी नगरपालिका ७ बस्ने २१ बर्षिया निशा जोगी र मोरङ्ग जिल्लाको सुन्दरहरैचा नगरपालिका १० बस्ने ३९ बर्षिया बिमला ढकाल छन् । उनीहरुलाई सशस्त्र प्रहरी बल नेपाल बोर्डर आउट पोष्ट ज्यामिरगढीबाट खटिएको सशस्त्र प्रहरीले शंका लागि जाँच गर्दा उनीहरुको साथमा उक्त ब्राउन सुगर फेला पारेको हो । पक्राउ परेकाहरुलाई बरामद ब्राउन सुगरसहित आवश्यक कारवाहीको लागि नेपाल प्रहरीलाई बुझार्ईएको छ । यसैगरी सर्लाही जिल्लाको मलंगवा नगरपालिका ९ पोखरीस्थित सीमा ईलाकाबाट भाद्र १६ गते सशस्त्र प्रहरीले करीव २२ के.जी. गाँजासहित सोही ठाउँ बस्ने २४ बर्षिय ललित कुमार महतोलाई पक्राउ गरेको छ । उनलाई सशस्त्र प्रहरी बल नेपाल बोर्डर आउट पोष्ट मलंगवाबाट खटिएको सशस्त्र प्रहरीले शंका लागि जाँच गर्दा उनको साथमा उल्लेखित परिमाणको गाँजा फेला पारेको हो । पक्राउ परेका महतोलाई बरामद गाँजासहित आवश्यक कारवाहीको लागि नेपाल प्रहरीलाई बुझाईएको छ ।

काठमाडौं, झापा जिल्लाको मेचीनगर नगरपालिका ६ स्थित मेचीडाँडाबाट भाद्र १६ गते सशस्त्र प्रहरीले करीव ४ लाख ४० हजार रुपैयाँ बराबरको चोरीपैठारीको विभिन्न किसिमा औषधी तथा किराना सामान बरामद गरेको छ । भारतबाट अवैध रुपले ल्याउँदै गरेको उक्त औषधी तथा किराना सामान सशस्त्र प्रहरी बल नेपाल फरवार्ड सुरक्षा वेश मेचीपुलबाट खटिएको सशस्त्र प्रहरीले बरामद गरेको हो । बरामद सामान भन्सार कार्यालय काकडभिट्टामा बुझाईएको छ । यसैगरी सशस्त्र प्रहरी बल नेपाल नेपाल सुरक्षा वेश हरिवनबाट खटिएको सशस्त्र प्रहरीले भाद्र १६ गते करीव २ लाख ८३ हजार रुपैयाँ बराबरको चोरीनिकासीको लत्ताकपडा बरामद गरेको छ । उक्त लत्ताकपडा मलंगवाबाट बरहथवातर्फ जाँदै गरेको यात्रुवाहक बसमा राखेर लैजाँदै गरेको अवस्थामा सोको विल विजक नभएको पाईएपछि बरामद गरिएको हो । बरामद लत्ताकपडा भन्सार कार्यालय मलंगवामा बुझाईएको छ ।

सर्लाही, सर्लाही जिल्लाको ब्रम्हपुरी गाउँपालिका ४ त्रिभुवननगरस्थित एक घरबाट भाद्र ८ गते सशस्त्र प्रहरीले करिव ३ लाख ४ हजार रुपैयाँ बराबरको ६ सय ९ प्याकेट झिरझिरे पटका बरामद गरेको छ । उक्त घरमा लुकाई छिपाई राखेको अवस्थामा उक्त पटका सशस्त्र प्रहरी बल नेपाल बोर्डर आउट पोष्ट त्रिभुबननगरबाट खटिएको सशस्त्र प्रहरीले बरामद गरेको हो ।

पश्चिम नवलपरासी, पश्चिम नवलपरासी जिल्लाको पाल्हिनन्दन गाउँपालिका ६ तुरियाखोलास्थित सीमा ईलाकाबाट भाद्र ७ गते सशस्त्र प्रहरीले विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा रामग्राम नगरपालिका ३ बस्ने ४० बर्षिय अर्पणराज पन्थ रहेका छन् । लु ३० प १५९ नम्बरको मोटरसाईकलमा सवार निज पन्थलाई सशस्त्र प्रहरी बल नेपाल सुरक्षा बेश रामनगरबाट खटिएको सशस्त्र प्रहरीले शंका लागि जाँच गर्दा उनको साथमा नाईट्राभेट ट्याब्लेट १ सय ५० वटा, स्पास्मो प्रोक्सीभन प्लस ट्याब्लेट १ सय २८ वटा र कोरेक्स ९ बोतल फेला पारिएको हो । त्यसबेला उक्त मोटरसाईकल समेत बरामद गरिएको छ । पक्राउ परेका पन्थलाई बरामद लागूऔषध तथा मोटरसाईकलसहित आवश्यक कारवाहीको लागि नेपाल प्रहरीलाई बुझाईएको छ ।

काठमाण्डौ, सशस्त्र प्रहरी बल नेपाल नम्बर १९ गण हेक्वा (विशेष कार्यदल) बंगलामुखी काठमाडौमा संचालित सि.सं. ३ एकाई सुरक्षा मुल्याङ्कन तथा निगरानी तालिम सम्पन्न भएको छ । उक्त तालिमको सशस्त्र प्रहरी उपरीक्षक कमल तिउसिनाले भाद्र ८ गते एक कार्यक्रमका बीच समापन गर्नुभएको हो । सशस्त्र प्रहरी उपरीक्षक तिउसिनाले सो तालिममा सर्वप्रथम महिला सशस्त्र प्रहरी जवान अस्मिता न्यौपानेलाई पुरस्कार प्रदान गर्नुकासाथै तालिम सफलतापूर्वक सम्पन्न गर्ने सम्पूर्ण प्रशिक्षार्थीहरुलाई हार्दिक बधाई दिनुभयो । उहाँले तालिमबाट प्राप्त ज्ञान जिम्मेवारी निर्वाहको क्रममा पूर्ण रुपमा कार्यान्वयन गर्दै उत्कृष्ट कार्यसम्पादनमा जुट्न निर्देशन दिनुभयो । ४ हप्ता अबधिको उक्त तालिम ९ जना महिलासहित कुल ५० जना सशस्त्र प्रहरी कर्मचारीहरुले सफलतापुर्वक तालिम सम्पन्न गरेका छन् ।