समाचार

काठमाडौं, सशस्त्र प्रहरी अतिरिक्त महानिरीक्षक रामशरण पौडेलले नेपाल एपीएफ क्लवको आयोजनामा संचालन हुने ‘पन्ध्रौं राष्ट्रव्यापी कृष्णमोहन स्मृति खुुल्ला व्याडमिन्टन प्रतियोगिता–२०७५’, ‘एघारौं सहवीर स्मृति खुल्ला लनटेनिस प्रतियोगिता–२०७५’ र ‘सशस्त्र प्रहरी महानिरीक्षक छैठौं राष्ट्रिय खुुल्ला महिला भलिबल प्रतियोगिता–२०७५’ को चैत्र १० गते उद्घाटन गर्नुभयो । सशस्त्र प्रहरी बल, नेपाल प्रधान कार्यालय हल्चोक स्वयम्भुमा आयोजित उद्घाटन समारोहमा सशस्त्र प्रहरी अतिरिक्त महानिरीक्षक पौडेलले सम्बन्धित खेलका मुख्य रेफ्रीहरुलाई बल तथा सटल कर्क हस्तान्तरण गरी प्रतियोगिताको सुभारम्भ गर्नुभएको हो । सो अवसरमा सशस्त्र प्रहरी अतिरिक्त महानिरीक्षक पौडेलले सशस्त्र प्रहरी बल, नेपालले आफ्नो स्थापना काल सँगै नेपाल एपीएफ क्लवको स्थापना गरी राष्ट्रको खेलकुदको क्षेत्रमा योगदान पु¥याउँदै आइरहेको बताउनुभयो । उहाँले सशस्त्र प्रहरी बल, नेपालले विगत लामो समयदेखि ब्याडमिन्टन, लनटेनिस र महिला भलिबलमा राष्ट्रिय स्तरको प्रतियोगिता संचालन गर्दै आइरहेको उल्लेख गनुहुँदै यस्ता प्रतियोगिताले देशभर छरिएर रहेका खेलप्रतिभाहरुलाई एकिकृत गर्दै खेलकुदको विकासमा महत्वपूर्ण भूमिका खेल्ने बताउनुभयो । प्रतियोगिता अन्तर्गत आज सम्पन्न ब्याडमिन्टन पुरुष एकलतर्फको खेलमा भोजबहादुर गुरुङ्ग, अनिष कटुवाल, गोकुल तामाङ, आशिष तामाङ, रोशन कुमाल, अमृत चौधरी, बिजय बानियाँ, गोकुल जोरा, अनिष खतिवडा, गोकुल तामाङ र प्रियान्सुसिंह क्षेत्री विजयी भएका छन् । यसैगरी आजै सम्पन्न लनटेनिस तर्फको खेलमा सुरजकुमार श्रेष्ठ, किरनजंग कुवँर, चन्द्र थापा, उत्तम बोगटी, केशर गुरुङ्ग, राम राणा, कृष्ण कार्की, कुमार तामाङ्ग, पल मार्टिन सोल, देव क्षेत्री, सुकमान तामाङ्, भीष्मजंग गुरुङ्ग, रोहित सुनुवार, काजीमान गुरुङ्ग, राजु श्रेष्ठ, सुबोध अधिकारी, मनोज शाह, सीमान्त गुरुङ्ग, गोपी भट्टराई, अमृत रोका, राजेश क्षेत्री, महेश श्रेष्ठ, ध्रुव गुरङ्ग, आशिष सिग्देल र करिमुल्ला मुस्लिम विजयी भएका छन् । सो समारोहमा सशस्त्र प्रहरी बल, नेपालका बरिष्ठ अधिकृत लगायत नेपाल ब्याडमिन्टन संघका अध्यक्ष रामजीबहादुर श्रेष्ठ, नेपाल लनटेनिस संघकी अध्यक्ष ज्योती राणा, नेपाल भलिबल संघका अध्यक्ष मनोरञ्जन शर्मा, राष्ट्रिय खेलकुद परिषदका सदस्य ईन्दिरा निरौला लगायत विभिन्न खेलकुद संघसंस्थाका पदाधिकारी तथा खेलाडीहरुको उपस्थिति रहेको थियो ।

काठमाडौं, यूएन डिपीओ र सशस्त्र प्रहरी बल, नेपालको संयुक्त आयोजनामा संचालित ‘यूएन ईन्डिभिजुअल पुलिस अफिसर्ष ट्रेन द ट्रेनर्स कोर्ष’ समाप्त भएको छ । सशस्त्र प्रहरी महानिरीक्षक शैलेन्द्र खनालले चैत्र १ गते सशस्त्र प्रहरी बल, नेपाल प्रधान कार्यालयमा आयोजित एक समारोहका बीच उक्त तालिमको समापन गर्नुभयो । सशस्त्र प्रहरी महानिरीक्षक शैलेन्द्र खनाल र यूएन डिपीओका ड्याग रोजर डाह्लेनले तालिमको समापन समारोहमा प्रशिक्षार्थी अधिकृतहरुलाई संयुक्त रुपमा प्रमाणपत्र प्रदान गर्नुभयो । त्यसअवसरमा सशस्त्र प्रहरी महानिरीक्षक खनालले विश्व शान्तिका लागि सयुक्त राष्ट्रसंघ अन्तर्गत रहेर द्वण्द्वग्रस्त मुलुकहरुमा शान्ति सुरक्षा बहाली गर्ने कार्यमा नेपालका सुरक्षाकर्मीहरुले महत्वपूर्ण योगदान पु¥याईरहेको चर्चा गर्नुहुँदै यस्ता प्रशिक्षणबाट प्राप्त ज्ञानले आगामी दिनहरुमा संयुक्त राष्ट्रसंघ अन्तर्गत रहेर काम गर्नुपर्दा सहजता प्राप्त हुनुकासाथै सुरक्षाकर्मीहरुको व्यावसायिक दक्षतामा समेत अभिवृद्धि हुने बताउनुभयोे । उहाँले तालिमबाट प्राप्त ज्ञान तथा अनुभव कार्यक्षेत्रमा लागू गर्नुकासाथै आगामी दिनमा संयुक्त राष्ट्रसंघीय मिसनहरुमा सहभागीता जनाउने सुरक्षाकर्मीहरुलाई प्रशिक्षण प्रदान गर्न प्रशिक्षार्थी अधिकृतहरु सक्षम रहने विश्वास व्यक्त गर्नुभयो । सशस्त्र प्रहरी महानिरीक्षक खनालले प्रशिक्षार्थीहरुले तालिमको दौरानमा आर्जन गरेको ज्ञानलाई कार्यक्षेत्रमा गएपछि आफु मातहतका अधिकृत तथा जवानहरुलाई समेत सिकाउँदै प्रभावकारी कार्यसम्पादनमा कृयाशिल रहनुपर्ने कुरा समेत उल्लेख गर्नुभयो । सशस्त्र प्रहरी महानिरीक्षक खनालले यस्ता तालिम संचालन गर्न सहयोग पु¥याएकोमा संयुक्त राष्ट्रसंघ प्रति आभार प्रकट गर्नुहुँदै आगामी दिनहरुमा समेत सहयोगको अपेक्षा गर्नुभयो । प्रहरी अतिरिक्त महानिरीक्षक ठुले राईले संयुक्त राष्ट्रसंघीय मिशनमा नेपालले महत्वपूर्ण योगदान पु¥याईरहेको चर्चा गर्नुहँुदै यस्ता तालिमले उत्कृष्ट प्रशिक्षक उत्पादनमा योगदान पु¥याएको उल्लेख गर्नुभयो । उहाँले प्रशिक्षार्थीहरुले तालिमबाट संयुक्त राष्ट्रसंघको म्याण्डेट लगायत विविध पक्षहरुको बारेमा महत्वपूर्ण ज्ञान हासिल गर्न सफल भएको विश्वास व्यक्त गर्नुभयो । यूएन डिपीओका ड्याग रोजर डाह्लेनले यस तालिमबाट शान्ति स्थापनार्थ विभिन्न मिसनमा खटिने सुरक्षाकर्मीलाई मिसनमा परिचालनपूर्व प्रि–डिप्लोयमेन्ट तालीम दिन सक्ने योग्य प्रशिक्षक उत्पादन गर्न तालीम सफल रहेको विश्वास व्यक्त गर्नुभयो । राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित दुई हप्ता अवधिको उक्त तालिममा सशस्त्र प्रहरी बल, नेपालका १८ जना अधिकृत तथा नेपाल प्रहरीका ६ जना अधिकृत गरी कुल २४ जना प्रशिक्षार्थीहरुको सहभागीता रहेको थियो । कार्यक्रममा सशस्त्र प्रहरी अतिरिक्त महानिरीक्षकहरु पुष्पराम के.सी., नारायणबावु थापा र रामशरण पौडेल लगायत बरिष्ठ अधिकृतहरुको उपस्थिती रहेको थियो ।

काठमाडौं, राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा सि.सं. ५ प्रशासनिक व्यवस्थापन तालिम संचालन भएको छ । सो प्रतिष्ठानका कार्यकारी निर्देशक सशस्त्र प्रहरी अतिरिक्त महानिरीक्षक रामशरण पौडेलले फागुन ९ गते सोही प्रतिष्ठानमा आयोजिक एक कार्यक्रमका बीच उक्त तालिमको उद्घाटन गर्नुभयो । त्यसअवसरमा सशस्त्र प्रहरी अतिरिक्त महानिरीक्षक पौडेलले प्रशासनिक कामकारवाहीहरु चुस्त, दुरुस्त र त्रुटिरहित ढंगबाट संचालन गर्नसक्ने व्यावसायिक अधिकृत उत्पादनको लागि यस्ता तालिम सहयोगी हुने बताउनुभयो । उहाँले संगठनको लक्ष्य प्राप्तीमा यस्ता व्यावसायिक तालिमले महत्वपूर्ण भूमिका खेल्ने चर्चा समेत गर्नुभयो । कार्यक्रममा स्वागत मन्तव्य तथा तालिम सम्बन्धि कार्ययोजना प्रस्तुत गर्नुहुँदै सशस्त्र प्रहरी नायव महानिरीक्षक ई. प्रजाभक्त श्रेष्ठले कुनै पनि फौजी संगठनमा प्रशासनिक व्यवस्थापनको ठूलो महत्व रहने चर्चा गर्नुहुँदै चुस्त प्रशासन तथा सवल व्यवस्थापनका लागि यस्ता तालिम अपरिहार्य रहेको बताउनुभयो । एक महिना अवधिको उक्त तालिममा सशस्त्र प्रहरी नायव उपरीक्षक ७ जना तथा सशस्त्र प्रहरी निरीक्षक २२ जना गरी कूल २९ जना प्रशिक्षार्थीहरुको सहभागिता रहेको छ ।

कपिलवस्तु, सशस्त्र प्रहरी बल, नेपाल गुल्म हेक्वा कपिलवस्तु नम्बर ३९ गुल्मबाट खटिएको एपीएफ टोलीले फागुन ८ गते करीव चार लाख रुपैयाँ बराबरको बोइलर कुखुराको चल्ला बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको पाँच हजार वटा बोइलर कुखुराको चल्ला एपीएफ टोलीले कपिलवस्तु जिल्लाको कृष्णनगर नगरपालिका ३ स्थित सुरई खोला ईलाकाबाट बरामद गरेको हो । एपीएफ टोलीले बरामद चल्ला पशुक्वारेनटाईनका कर्मचारी, संचारकर्मी र स्थानीय भद्रभलादमीको रोहवरमा नष्ट गरेको छ ।

झापा, झापा जिल्लाको मेची नगरपालिका ६ स्थित बसपार्क ईलाकाबाट फागुन ८ गते एपीएफ टोलीले करीव १ लाख ३० हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा, किराना सामान र मोटर पार्टस सशस्त्र प्रहरी बल, नेपाल गुल्म हेक्वा झापा नम्बर ८ गुल्मबाट खटिएको एपीएफ टोलीले बरामद गरेको हो । बरामद सामान एपीएफ टोलीले आवश्यक कारवाहीको लागि स्थानीय भन्सार कार्यालयमा बुझाएको छ ।

रौतहट, रौतहट जिल्लाको बृन्दाबन नगरपालिका ६ स्थित हर्षाह चोकबाट फागुन ७ गते एपीएफ टोलीले करीव ८० हजार रुपैयाँ बराबरको २० क्यूफिट सालको काठ बरामद गरेको छ । ना १ त ६९९१ नम्बरको ट्याक्टरमा अवैध रुपले ल्याउँदै गरेको उक्त काठ तथा सो काठ ल्याउन प्रयोग भएको ट्याक्टर सशस्त्र प्रहरी बल, नेपाल गण हेक्वा रौतहट नम्बर ११ गणबाट सशस्त्र प्रहरी नायव उपरीक्षक शशी पाण्डेको कमाण्डमा खटिएको एपीएफ टोलीले बरामद गरेको हो । एपीएफ टोलीले बरामद काठ तथा ट्याक्टर आवश्यक कारवाहीको लागि डिभिजन वन कार्यालय चपुरमा बुझाएको छ ।

सर्लाही, सर्लाही जिल्लाको मलंंगवा नगरपालिका ५ स्थित सीमा ईलाकाबाट फागुन ६ गते एपीएफ टोलीले करीव एक हजार तीन सय चार ग्राम चाँदी जस्तो देखिने विभिन्न किसिमका गहना बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त गहना सशस्त्र प्रहरी बल, नेपाल बोर्डर आउट पोष्ट खुटौनाबाट खटिएको एपीएफ टोलीले बरामद गरेको हो । एपीएफ टोलीले त्यसवेला सिक्री १४ थान, ब्रासलेट ४ थान, पाउजु ८ जोर, लकेट ५ थान, औठी ९ थान र यास लण्ड १२ थान बरामद गरेको हो । त्यसवेला उक्त गहना ल्याउने व्यक्तिहरु एपीएफ टोलीलाई देख्नासाथै गहना सोही ठाउँमा छाडी भागेका थिए ।

रुपन्देही, रुपन्देही जिल्लाको सिद्धार्थनगर नगरपालिका १ स्थित डण्डाबाट एपीएफ टोलीले फागुन ६ गते विभिन्न किसिमका लागूऔषधसहित एक जनालाई पक्राउ गरेको छ । तनहुँ जिल्लाको भानु नगरपालिका ७ बस्ने २९ वर्षिय सुनिल थापामगरलाई सशस्त्र प्रहरी बल, नेपाल गुल्म हेक्वा रुपन्देही नम्बर ३८ गुल्मबाट खटिएको एपीएफ टोलीले पक्राउ गरेको हो । गस्तीमा खटिएको एपीएफ टोलीले निजलाई जाँच गर्दा उनको साथमा नुफिन १७ बोतल, फेनारगन १३ बोतल र डाईजापाम १७ बोतल फेला परेपछि पक्राउ गरिएको हो । एपीएफ टोलीले पक्राउ परेका निजलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

काठमाडौं, रौतहट जिल्लाको राजदेवी नगरपालिका ८ बेलबिछुवास्थित सोफी चोकबाट फागुन ६ गते एपीएफ टोलीले करीब २ लाख २५ हजार रुपैयाँ बराबरको चोरीपैठारीको प्लाष्टिकको कुर्सी र टेण्टको पाल बरामद गरेको छ । सशस्त्र प्रहरी बल, नेपाल बोर्डर आउट पोष्ट बेलबिछुवाबाट खटिएको एपीएफ टोलीले उक्त कुर्सी तथा पाल बरामद गरेको हो । एपीएफ टोलीले बरामद सामान आवश्यक कारवाहीको लागि भन्सार कार्यालय गौरमा बुझाएको छ । यसैगरी सशस्त्र प्रहरी बल, नेपाल नम्बर ३५ गण हेक्वा शैलेश्वरी कञ्चनपुरबाट खटिएको एपीएफ टोलीले कञ्चनपुर जिल्लाको भिमदत्त नगरपालिका ४ स्थित बसपार्क इलाकाबाट फागुन ५ गते करीव ३ लाख ६३ हजार रुपैयाँ बराबरको चोरीपैठारीको सामान बरामद गरेको छ । महेन्द्रनगरबाट काठमाडौंतर्फ आउँदै गरेको यात्रुवाहक बसको डिक्कीमा राखेको अवस्थामा उल्लेखित मुल्य बराबरको स्पोर्टस जुत्ता तथा लेडिज कपडा फेला परेपछि बरामद गरिएको हो । यसैगरी सशस्त्र प्रहरी बल, नेपाल नम्बर २ गण हेक्वा झापाबाट खटिएको एपीएफ टोलीले झापा जिल्लाको अर्जुनधारा नगरपालिका १० स्थित कालीझोजबाट चोरीपैठारीको मोटर पार्टस तथा किराना सामान बरामद गरेको छ । एपीएफ टोलीले मे १ च ३७७२ नम्बरको कारलाई शंका लागि जाँच गर्दा अवैध रुपमा लुकाई छिपाई ल्याउँदै गरेको अवस्थामा उल्लेखित सामान फेला परेपछि उक्त सामानसहित कार समेत बरामद गरिएको छ । त्यसवेला सामान ल्याउने व्यक्ति कार छाडी भागी फरार भएका थिए । बरामद सामान तथा कारको भन्सार दाखिला मुल्य ७ लाख १६ हजार ५ सय ३० रुपैयाँ रहेको छ ।

रुपन्देही, सशस्त्र प्रहरी बल, नेपाल गुल्म हेक्वा रुपन्देही नम्बर ३८ गुल्मबाट खटिएको एपीएफ टोलीले रुपन्देही जिल्लाको सिद्धार्थनगर नगरपालिका १ स्थित डण्डाबाट फागुन ५ गते नेपाली रुपैयाँ ४१ लाख ८५ हजार तथा २ लाख ८७ हजार एक सय भारतीय रुपैयाँसहित दुई जनालाई पक्राउ गरेको छ । पक्राउ पर्नेहरुमा गुल्मी जिल्लाको रुपाकोट बस्ने ४५ वर्षिय चन्द्रकान्त पौडेल र भारतमा घर बताउने ३३ वर्षिय सोमै धवल छन् । भारतबाट नेपालतर्फ आउँदै गरेको यूपी ५६ टी ३०७१ नम्बरको भारतीय टोयोटा कारमा जाँच गर्दा उक्त कारमा सवार निज पौडेलले झोलामा राखेर ल्याउँदै गरेको अवस्थमा उल्लेखित रुपैयाँ फेला परेको थियो । उनीहरुले उक्त रकमको स्रोत खुलाउन नसकेपछि पक्राउ गरिएको हो । पक्राउ परेकाहरुमध्ये निज धावल उक्त गाडीका चालक हुन् । त्यसवेला एपीएफ टोलीले सो कार समेत बरामद गरेको छ । एपीएफ टोलीले पक्राउ परेका दुवै जनालाई बरामद रकम तथा कारसहित आवश्यक कारवाहीको लागि जिल्ला प्रहरी कार्यालय रुपन्देहीमा बुझाएको छ ।

सप्तरी, सप्तरी जिल्लाको हनुमाननगर कंकालिनी नगरपालिका १४ स्थित रामपुरा मलहलियाबाट फागुन २९ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । उदयपुर जिल्लाको बेलका नगरपालिका ३ रामपुर बस्ने २३ वर्षिय रमन मगरलाई सशस्त्र प्रहरी बल, नेपाल बोर्डर आउट पोष्ट तिलाठीबाट खटिएको एपीएफ टोलीले पक्राउ गरेको हो । को २४ प ८३०४ नम्बरको मोटरसाइकलमा भारतबाट नेपालतर्फ आउँदै गरेका निज मगरले उक्त मोटरसाइकलको सिटमुनि लुकाई छिपाई ल्याउँदै गरेको अवस्थामा डाईलेक्स डिसी ४ बोतल, नाईट्रोजन ट्याब्लेट १० वटा र स्पास्मो ट्याब्लेट एक सय ६ वटा फेला परेपछि पक्राउ गरिएको हो । एपीएफ टोलीले पक्राउ परेका मगरलाई बरामद लागूऔषध तथा मोटरसाइकलसहितै आवश्यक कारवाहीको लागि स्थानीय प्रहरीमा बुझाएको छ ।

काठमाडौं, नेपाल एपीएफ क्लवको वार्षिक साधारणसभा’ सम्पन्न भएको छ । सशस्त्र प्रहरी बल, नेपाल प्रधान कार्यालय हल्चोक स्वयम्भुमा भएको सो साधारण सभाको फागुन ३० गते सशस्त्र प्रहरी महानिरीक्षक शैलेन्द्र खनालले एकसमारोहका बीच पानसमा द्विप प्रज्ज्वलन गरी उद्घाटन गर्नुभयोे । सशस्त्र प्रहरी महानिरीक्षक खनालले त्यसअवसरमा सशस्त्र प्रहरी बल, नेपालले सो क्लवको स्थापना गरेर राष्ट्रिय खेलकुदको विकासमा महत्वपूर्ण योगदान पु¥याउँदै आएकोे बताउनुुभयो । उहाँले नेपाल एपीएफ क्लवका खेलाडीहरु विभिन्न राष्ट्रिय तथा अन्तर्राष्ट्रिय प्रतियोगिताहरुमा सहभागी भई विभिन्न पदक तथा पुरस्कारहरु हासिल गर्न सफल रहेको चर्चा गर्नहुँदै सो क्लव आजको यस अवस्थासम्म आईपुग्न संगठनका पूर्वज नेतृत्ववर्गले पु¥याएको योगदानको स्मरण गर्नुभयो । सशस्त्र प्रहरी महानिरीक्षक खनालले निरन्तरको खेलकुद अभ्यासले खेलाडीको खेल क्षमता अभिवृद्धि हुने चर्चा गर्नुहुँदै खेलकुदले अनुशासित र परिश्रमी बनाई सामुहिक भावनाको समेत विकास गराउने हुँदा फौजी संगठनमा यसको विशेष महत्व रहने बताउनुभयो । सशस्त्र प्रहरी अतिरिक्त महानिरीक्षक रामशरण पौडेलले नेपाल एपीएफ क्लवका खेलाडीहरुले खेलको माध्यमबाट अन्तर्राष्ट्रिय क्षेत्रमा समेत संगठन र राष्ट्रको नाम उजागर गर्न सफल रहेको चर्चा गर्नुहँुदै क्लवले प्रदान गर्ने सुविधाहरुमा समयानुकुल परिमार्जन गर्दै आईरहेको उल्लेख गर्नुभयो । उहाँले सो क्लवले व्याडमिन्टन, लनटेनिस र महिला भलिबल गरी तीन वटा राष्ट्रिय प्रतियोगिता संचालन गर्दै राष्ट्रको खेलकुदको विकासमा योगदान पुर्‌याउदै आईरहेको बताउनुभयो । समारोहमा सशस्त्र प्रहरी अतिरिक्त महानिरीक्षकहरु पुष्पराम के.सी. र नारायणबावु थापा तथा सशस्त्र प्रहरी बल, नेपालका बरिष्ठ अधिकृतहरु लगायत विभिन्न खेलकुद संघ संस्थाका पदाधिकारीहरु एवं सो क्लवका खेलाडीहरुको समेत उपस्थिति रहेको थियो ।

पर्सा, पर्सा जिल्लाको जिराभवानी गाउँपालिका ५ बाट एपीएफ टोलीले फागुन २७ गते चोरीनिकासीको करीव ६० के.जी. गाँजा बरामद गरेको छ । सोही ठाउँमा रहेको सपुनिया गाउँको जंगलको बाटो हुँदै भारततर्फ लैजाँदै गरेको उक्त गाँजा सशस्त्र प्रहरी बल, नेपाल बोर्डर आउट पोष्ट भिखमपुरबाट खटिएको एपीएफ टोलीले बरामद गरेको हो । त्यसवेला गाँजा ल्याउने व्यक्तिहरु एपीएफ टोलीलाई देख्नासाथै उक्त गाँजा छाडी भागेका थिए ।

रुपन्देही, रुपन्देही जिल्लाको सिद्धार्थनगर नगरपालिका १ स्थित बेलहियाबाट फागनु २६ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । स्याङ्जा जिल्लाको अर्जुन चौपारी गाउँपालिका १ बस्ने असिम रोक्का मगरलाई सशस्त्र प्रहरी बल, नेपाल नम्बर ३८ गुल्म हेक्वा रुपन्देहीबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका उनलाई शंका लागि जाँच गर्दा उनको साथमा डाईजापाम २५ सीसी, फेनरागन २३ सीसी, नाईट्राजिपाम ट्याब्लेट ५० वटा र नोफिन २४ सीसी फेला परेपछि उनलाई पक्राउ गरिएको हो । एपीएफ टोलीले पक्राउ परेका उनलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।