समाचार

पर्सा,        
पर्सा जिल्लाको विरगंज महानगरपालिका १७ स्थित तिवाबे खोलामा पौडी खेल्ने
क्रममा बेपत्ता भएका एक जनाको शब नेपाली सेना, एपीएफ टोली र स्थानीय
प्रहरीले असार ३१ गते फेला पारेको छ ।
सोही महानगरपालिका १९ विन्ध्यावासिनी वस्ने १२ बर्षिय सुमित गुप्ता असार
३० गते पौडी खेल्ने क्रममा पानीमा डुवेर वेपत्ता भएका थिए ।
सो घटनाबारे जानकारी पाउनासाथै सशस्त्र प्रहरी बल, नेपाल बोर्डर आउट
पोष्ट अलौ पर्साबाट खटिएको एपीएफ टोली, नेपाली सेना र स्थानीय प्रहरीले
निज बालकको शब घटनास्थल भन्दा करीब तीन सय मिटर दक्षिणतर्फ झारमा
अड्किएको अवस्थामा फेला पारेको हो ।

काठमाडौं,
अविरल वर्षाको कारण विभिन्न स्थानमा आएको बाढी पहिरो तथा डुवानमा परेकाहरुको एपीएफ टोलीले उद्वार गरेको छ ।
मोरङ जिल्लाको ग्रामथान गाउँपालिका ६ कसेनी स्थित लोहोन्दर खोलामा पानीको वहाव बढ्न गई जमिन कटान गरेको कारण जोखिममा रहेका दुई घर परिवारलाई सशस्त्र प्रहरी बल, नेपाल सुरक्षा वेश डग्राहबाट खटिएको एपीएफ टोलीले सुरक्षित स्थानमा सारेको छ ।
यसैगरी मोरङ जिल्लाको बिराटनगर महानगरपालिका ६ स्थित मुसरबस्ती नजिकै रहेको केशनीया खोलामा पानीको वहाव बढ्न गई डुवानमा परेका करीव ३० घर परिवारका दुई सय जनालाई सशस्त्र प्रहरी बल, नेपाल बोर्डर आउट पोष्ट बख्रीबाट खटिएको एपीएफ टोली र स्थानीय वासिन्दाले सुरक्षित स्थानमा सारेको छ ।
यसैगरी सुनसरी जिल्लाको धरान उपमहानगरपालिका ५ सुन्दरबस्ती स्थित सेउती खोलामा अविरल वर्षाको कारण पानीको वहाव बढ्न गई करीव चार सय घर जोखिममा रहेको भन्ने जानकारी पाउनासाथै सशस्त्र प्रहरी बल, नेपाल सुरक्षा पोष्ट धरानबाट त्यस ठाउँमा एपीएफ टोली खटिएको छ । एपीएफ टोली र स्थानीय वासिन्दाको सकृयतामा त्यस ठाउँमा तारजाली हालेर तटबन्ध बाध्ने कार्य भईरहेको छ ।
यसैगरी मोरङ जिल्लाको उर्लावारी नगरपालिका ३ सिमलडाडा स्थित सोल्टी खोलामा पानीको वहाव बढ्न गई जोखिममा परेको एक घर परिवारलाई सशस्त्र प्रहरी बल, नेपाल सुरक्षा वेश उर्लावारीबाट खटिएको एपीएफ टोली, स्थानीय प्रहरी र स्थानीय वासिन्दाले सुरक्षित स्थानमा सारेका छन् ।
यसैगरी चितवन जिल्लाको भरतपुर महानगरपालिका २८ मेघौलीमा नारायणी नदिले जमिन कटान गरी सो नदि बस्तीमा पस्ने संभावना देखिएपछि उक्त स्थानमा बाध बाध्नको लागि नेपाली सेना, एपीएफ टोली, स्थानीय प्रहरी र स्थानीय वासिन्दा सकृयताकासाथ जुटेका छन् ।
यसैगरी मोरङ जिल्लाको सुनवर्षी नगरपालिका ६ केराजा स्थित बक्राह खोलामा अविरल वर्षाको कारण आएको वाढि बस्तीमा पसेर डुवान हुनसक्ने भएको हुँदा उक्त स्थानमा नेपाली सेना, एपीएफ टोली, स्थानीय प्रहरी र स्थानीय वासिन्दाबाट बाध बाध्ने कार्य भईरहेको छ ।

ईलाम,
        ईलाम जिल्लाको माई नगरपालिका ४ स्थित ठूली खहरे खोलाले बगाएका एक जनाको
एपीएफ टोलीले असार २७ गते सकुशल उद्वार गरेको छ ।
        झापा जिल्लाको अर्जुनधारा नगरपालिका १० बस्ने ५० वर्षिय नितेश राई मे ११
प ४७२६ नम्बरको मोटरसाईकलमा शुक्रबारे बजारबाट बिर्तामोडतर्फ जाँदै गरेको
अवस्थामा उक्त खहरे खोलाले बगाएको थियो ।
सो घटनाबारे जानकारी पाउनासाथै सशस्त्र प्रहरी बल, नेपाल सुरक्षा वेश
दानावारीबाट सशस्त्र प्रहरी नायव निरीक्षक गोपाल नेपालीको कमाण्डमा
खटिएको एपीएफ टोलीले निज राईलाई उक्त मोटरसाईकसहितै सकुशल उद्वार गरेको
हो ।

काठमाडौं,
अविरल वर्षाको कारण विभिन्न स्थानमा आएको बाढी पहिरो तथा डुवानमा
परेकाहरुको एपीएफ टोलीले उद्वार गरेको छ ।
        रौतहट जिल्लाको ईसनाथ नगरपालिका १ स्थित लाल बकैया खोलामा अविरल वर्षाको
कारण पानीको वहाव बढ्न गई डुवानमा परेका करीव तीन सय घर परिवारलाई
सुरक्षित स्थानमा सारिएको छ ।
        सशस्त्र प्रहरी बल, नेपाल बोर्डर आउट पोष्ट औरैयाबाट सशस्त्र प्रहरी
निरीक्षक हरिप्रसाद के.सी.को कमाण्डमा खटिएको एपीएफ टोली र स्थानीय
बासिन्दाले सो ठाउँका पीडित नागरिकहरुलाई सुरक्षित स्थानमा सारेको हो ।
यसैगरी सिन्धुपाल्चोक जिल्लाको भोटेकोशी गाउँपालिका वडा नम्बर २ र ३ मा
बाढि तथा पहिरोबाट विस्थापित ६३ घर परिवारका २ सय १५ जनालाई असार २६ गते
सुरक्षित स्थानमा सारिएको छ ।
        सशस्त्र प्रहरी बल, नेपाल नम्बर २२ गुल्म सिन्धुपाल्चोकबाट सशस्त्र
प्रहरी निरीक्षक राजु श्रेष्ठको कमाण्डमा खटिएको एपीएफ टोली र स्थानीय
बासिन्दाले उनीहरुको उद्वार गरी तातोपानी भन्सार कार्यालयमा ल्याई राखेको
हो ।
        सो ठाउँमा बाढि पहिरोका कारण एक जना बेपत्ता भएको बताईएको छ । बेपत्ता
ती व्यक्तिको व्यापक रुपमा खोजीकार्य भईरहेको छ ।
        यसैगरी कास्की जिल्लाको पोखरा महानगरपालिका वडा नम्बर २३ बाम्दी स्थित
हरपन खोलाको बाधमा पौडी खेल्ने क्रममा बेपत्ता भएकाहरुको खोजीकार्यको
लागि असार २६ गते विपद व्यवस्थापन तालिम प्राप्त दक्ष जनशक्ति सहितको
एपीएफ टोली खोजी कार्यमा जुटेको छ ।
        सोही ठाउँ बस्ने २६ वर्षिय लेखनाथ बस्नेत र २१ वर्षिय प्रयुस गुरुङ्ग
उक्त खोलाको बाधमा पौडी खेल्ने क्रममा बेपत्ता भएको भन्ने जानकारी
पाउनासाथै सशस्त्र प्रहरी बल, नेपाल नम्बर २४ गणबाट सशस्त्र प्रहरी
निरीक्षक पुर्णाखर गौतमको कमाण्डमा खटिएको एपीएफ टोली उनीहरुको खोजी
कार्यमा जुटेको हो ।
        यसैगरी बर्दिया जिल्लाको ठाकुरबाबा नगरपालिका ४ बस्ने २५ वर्षिय
जितबहादुर थारु र २५ वर्षिया प्रेमकुमारी थारुलाई सोही ठाउँ स्थित बवई
खोलाबाट दाउरा निकाल्ने क्रममा खोलाले बगाएर बेपत्ता भएको भन्ने खबर
प्राप्त हुनासाथै सशस्त्र प्रहरी बल, नेपाल सुरक्षा वेश सानोश्रीबाट
सशस्त्र प्रहरी नायव निरीक्षक मानबहादुर चौधरीको कमाण्डको एपीएफ टोली,
स्थानीय प्रहरी र स्थानीय वासिन्दा उनीहरुको खोजी कार्यमा जुटेका छन् ।
        यसैगरी झापा जिल्लाको झापा गाउँपालिका ५ स्थित पुरानो शणामती टोल बस्ने
३५ वर्षिय राजेश गणेश स्थानीय बिरिङ्ग खोलामा पौडी खेल्ने क्रममा बेपत्ता
भएको भन्ने जानकारी पाउनासाथै सशस्त्र प्रहरी बल, नेपाल फरवार्ड सुरक्षा
वेश पन्थपाडाबाट सशस्त्र प्रहरी निरीक्षक अजिलशेर लिम्वुको कमाण्डको
एपीएफ टोली तथा स्थानीय प्रहरी उनको खोजी कार्यमा जुटेका छन् ।

यसैगरी सुनसरी जिल्लाको धरान उपमहानगरपालिका १३ स्थित सर्दु खोलामा
हातखुट्टा धुने क्रममा एक जना व्यक्तिलाई उक्त खोलाले बगाएर बेपत्ता भएको
भन्ने जानकारी प्राप्त हुनासाथै सशस्त्र प्रहरी बल,
नेपाल सुरक्षा पोष्ट धरानबाट सशस्त्र प्रहरी नायव निरीक्षक धनश्याम
गौतमको कमाण्डमा खटिएको एपीएफ टोली उनको खोजी कार्यमा जुटेको छ ।

काठमाडौं,
        कपिलवस्तु जिल्लाको कपिलवस्तु नगरपालिका ५ स्थित दलदलेबाट असार २६ गते
एपीएफ टोलीले करीव ६ लाख ५० हजार रुपैयाँ बराबरको डिएक्सएन कम्पनीको
विभिन्न किसिमका सामान बरामद गरेको छ ।
        अवैध रुपले ल्याउँदै गरेको उक्त सामानहरु सशस्त्र प्रहरी बल, नेपाल
नम्बर २८ गण कपिलवस्तुबाट सशस्त्र प्रहरी उपरीक्षक जनक पुरीको कमाण्डमा
खटिएको एपीएफ टोलीले बरामद गरेको हो ।
        बरामद सामान एपीएफ टोलीले भन्सार कार्यालय सुठौलीमा बुझाएको छ ।
        यसैगरी सशस्त्र प्रहरी बल, नेपाल नम्बर २७ गण रुपन्देहीबाट सशस्त्र
प्रहरी निरीक्षक मिनराज भट्टको कमाण्डमा खटिएको एपीएफ टोलीले करीव एक लाख
७७ हजार रुपैयाँ बराबरको चोरीपैठारीको मोवाईल सेट बरामद गरेको छ ।
        भारतबाट अवैध रुपले भन्सार छली नेपालतर्फ ल्याउँदै गरेको उक्त मोवाईल
सेट एपीएफ टोलीले रुपन्देही जिल्लाको रोहिणी गाउँपालिका १ सिमरपानी स्थित
सीमा ईलाकाबाट बरामद गरेको हो ।
        एपीएफ टोलीले बरामद सामान भन्सार कार्यालय भैरहवामा बुझाएको छ ।

सशस्त्र प्रहरी बल, नेपाल बोर्डर आउट पोष्ट दोधाराबाट खटिएको एपीएफ

टोलीले असार २६ गते करीव दुई लाख ७८ हजार रुपैयाँ बराबरको चोरीपैठारीको

सामान बरामद गरेको छ ।

अवैध रुपले चोरीपैठारी गरी ल्याउँदै गरेको उल्लेखित मुल्य बराबरको

सुर्तीजन्य पदार्थ, औषधी र  किराना सामान एपीएफ टोलीले कंचपुर जिल्लाको

सीमा ईलाकाबाट बरामद गरेको हो ।

बरामद सामान एपीएफ टोलीले भन्सार कार्यालय गड्डाचौकीमा बुझाएको छ ।

यसैगरी बाँके जिल्लाको डुडुवा गाउँपालिका ६ भज्जिपुरुवाबाट असार २६ गते

एपीएफ टोलीले चोरीपैठारीको सुर्तीजन्य पदार्थ बरामद गरेको छ ।

भारतीय नम्वरको मोटरसाईकलमा राखी अवैध रुपले नेपालतर्फ ल्याउँदै गरेको

उक्त सुर्तीजन्य पदार्थ सशस्त्र प्रहरी बल, नेपाल नम्बर ३० गण बाँकेबाट

खटिएको एपीएफ टोलीले बरामद गरेको हो ।

उक्त सुर्तीजन्य पदार्थ र मोटरसाईकलको भन्सार दाखिला मुल्य एक लाख ५८

हजार एक सय २५ रुपैयाँ रहेको छ ।

यसैगरी सर्लाही जिल्लाको गोडैता नगरपालिका १२ बाट असार २६ गते एपीएफ

टोलीले करीव एक लाख रुपैयाँ बराबरको चोरीपैठारीको लत्ताकपडा बरामद गरेको

छ ।

भन्सार छली अवैध रुपले नेपालतर्फ ल्याउँदै गरेको उक्त लत्ताकपडा सशस्त्र

प्रहरी बल, नेपाल बोर्डर आउट पोष्ट बलरा उधोरणबाट खटिएको एपीएफ टोलीले

बरामद गरेको हो ।

एपीएफ टोलीले बरामद सामान भन्सार कार्यालय मलंगवामा बुझाएको छ ।

पश्चिम नवलपरासी,
 
पश्चिम नवलपरासी जिल्लाको बर्दघाट नगरपालिका १५ पोताहा स्थित बरुवा
खोलामा माछा मार्ने क्रममा खोलाले बगाई बेपत्ता भएका दुई जनाको शव असार
२६ गते एपीएफ टोली र स्थानीय प्रहरीले फेला पारेको छ ।
 
सोही ठाउँ बस्ने १८ वर्षिय प्रविण बि.क. र सुधिर बि.क. शुक्रबार दिउँसो
सो खोलामा माछा मार्ने क्रममा डुवेर बेपत्ता भएको भन्ने खबर पाउनासाथै
सशस्त्र प्रहरी बल, नेपाल सुरक्षा बेश सेमरीबाट खटिएको एपीएफ टोली र
स्थानीय प्रहरीले उनीहरुको खोजी गर्ने क्रममा घटनास्थल देखि करीव ६ सय
मिटर तल बासको घारीमा दुवै जनाको शव फेला परेको हो ।

सर्लाही,
    सर्लाही जिल्लाको विष्णु गाउँपालिका  ५ फेनरा स्थित बत्रौला इलाकाबाट असार २३ गते एपीएफ टोलीले १५ बोतल वालरेक्स नामक लागुऔषधसहित एक जनालाई पक्राउ गरेको छ ।
    पक्राउ पर्नेमा सोही जिल्लाको विष्णु गाउँपालिका ८ बस्ने २८ वर्षिय मेघनराम चमार छन् ।
    भारतबाट नेपालतर्फ आउँदै गरेका निज चमारलाई सशस्त्र प्रहरी बल, नेपाल बोर्डर आउट पोष्ट सिमराबाट खटिएको एपीएफ टोलीले शंका लागि जाँच गर्दा उनको साथमा उक्त परिमाणको लागूऔषध फेला परेपछि पक्राउ गरिएको हो ।
    एपीएफ टोलीले पक्राउ परेका चमारलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।  

धनुषा,

धनुषा जिल्लाको नगराईन नगरपालिका ७ खिरखिरीबाट असार २० गते एपीएफ टोलीले

लागूऔषधसहित एक जनालाई पक्राउ गरेको छ ।

पक्राउ पर्नेमा सोही जिल्लाको जनकपुर उपमहानगरपालिका ४ बस्ने २९ वर्षिय

दिपककुमार पुर्वे छन् ।

उनलाई सशस्त्र प्रहरी बल, नेपाल नम्बर ८ गण धनुषाबाट खटिएको एपीएफ

टोलीले पक्राउ गरेको हो ।

ज १२ प ९७४९ नम्बरको मोटरसाईकलमा भारतबाट नेपालतर्फ आउँदै गरेका निज

पुर्वेलाई गस्तीमा खटिएको एपीएफ टोलीले शंका लागि जाँच गर्दा उनको साथमा

एक्सिस प्लान २४ बोतल र नाईट्रोभेट १० पत्ता फेला परेपछि पक्राउ गरिएको

हो ।

त्यसवेला एपीएफ टोलीले उनको साथबाट ७ हजार ३५ रुपैयाँ समेत बरामद गरेको छ ।

एपीएफ टोलीले पक्राउ परेका पुर्वेलाई बरामद लागूऔषध र उक्त रकमसहित

आवश्यक कारवाहीको लािग स्थानीय प्रहरीमा बुझाएको छ ।

रौतहट,

रौतहट जिल्लाको गुजरा नगरपालिका ४ स्थित लालबकैया खोलाको किनाराबाट असार

२१ गते एपीएफ टोली र सव डिभिजन वन कार्यालयका कर्मचारीले करीव १८ क्यूफिट

सालको गोलिया काठसहित एक जनालाई पक्राउ गरेको छ ।

पक्राउ पर्नेमा सोही जिल्लाको फतुवा बिजयपुर नगरपालिका ८ बस्ने ३९

वर्षिय गफुर मोहमद छन् ।

तीन वटा साईकलमा राखी ल्याउँदै गरेको अवस्थामा उक्त सालको गोलिया

काठसहित निज मोहमदलाई सशस्त्र प्रहरी बल, नेपाल फरवार्ड सुरक्षा वेश

जंगलसैयाबाट खटिएको एपीएफ टोली र सव डिभिजन वन कार्यालयका कर्मचारीले

पक्राउ गरेको हो ।

पक्राउ परेका मोहमदलाई बरामाद काठ तथा उक्त साईकलसहित आवश्यक कारवाहीको

लागि सव डिभिजन वन कार्यालय जंगलसैयामा बुझाएको छ ।

सर्लाही,

सर्लाही जिल्लाको गोडौटा नगरपालिका १ बहादुरपुर सीमा ईलाकाबाट असार २१

गते एपीएफ टोलीले ५ सय ७० वटा वालरेक्स नामक लागूऔषध बरामद गरेको छ ।

बेवारिसे अवस्थामा रहेको उक्त लागूऔषध सशस्त्र प्रहरी बल, नेपाल बोर्डर

आउट पोष्ट बलराउधोरणबाट खटिएको एपीएफ टोलीले बरामद गरेको हो ।

सिरहा,
        सिरहा जिल्लाको औरही गाउँपालिका १ दरौया स्थित सीमा ईलाकाबाट असार १७
गते एपीएफ टोलीले लागूऔषधसहित एक जनालाई पक्राउ गरेको छ ।
        पक्राउ पर्नेमा सोही जिल्लाको अर्नमा गाउँपालिका ४ बस्ने २५ वर्षिय
अमितकुमार मण्डल छन् ।
        भारतबाट नेपालतर्फ आउँदै गरेका निज मण्डललाई सशस्त्र प्रहरी बल, नेपाल
बोर्डर आउट पोष्ट बरियारपट्टिबाट खटिएको एपीएफ टोलीले शंका लागि जाँच
गर्दा उनको साथमा नाईट्रोजन ट्याब्लेट पाँच वटा र डाईलेक्स एक बोतल फेला
परेपछि पक्राउ गरिएको हो ।
        एपीएफ टोलीले पक्राउ परेका मण्डललाई बरामद लागूऔषधसहित आवश्यक कारवाहीको
लागि स्थानीय प्रहरीमा बुझाएको छ ।

सर्लाही,
        सर्लाही जिल्लाको मलंगवा नगरपालिका ९ राजदेवी स्थित सीमा ईलाकाबाट असार
१८ गते एपीएफ टोलीले करीव एक लाख छ हजार रुपैयाँ बराबरको चोरीपैठारीको
सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको
लत्ताकपडा र सुर्तीन्य पदार्थ सशस्त्र प्रहरी बल, नेपाल जिल्ला सुरक्षा
वेश मलंगवाबाट खटिएको एपीएफ टोलीले बरामद गरेको हो ।