सर्लाही,
सर्लाही जिल्लाको मलंगवा नगरपालिका ९ लच्काबाट फागुन १६ गते एपीएफ टोलीले
विभिन्न किसिमको लागूऔषध बरामद गरेको छ ।
सशस्त्र प्रहरी बल, नेपाल जिल्ला सुरक्षा बेस मलंगवाबाट खटिएको एपीएफ
टोलीले नाईट्रोभेट ट्याब्लेट ३ हजार ३ सय वटा, डाईजेपाम ३ एम्पुल, नोफिन
७ एम्पुल, डाईजिल्याब ६ एम्पुल र फेनारगन ९ एम्पुल बरामद गरेको हो ।
प्लाष्टिकको झोलामा उक्त लागूऔषध लिएर आउँदै गरेका व्यक्तिले एपीएफ
टोलीलाई टाढैबाट देख्नासाथ उक्त झोला सोही ठाउँमा छाडी भागेका थिए ।
