समाचार

रुपन्देही, रुपन्देही जिल्लाको सिद्धार्थनगर नगरपालिका १ डण्डा ईलाकाबाट भाद्र २५ गते एपीएफ टोलीले चोरीपैठारीको लत्ताकपडा तथा गाडीसहित एक जनालाई पक्राउ गरेको छ । पक्राउ पर्नेमा सोही जिल्लाको बुटवल उपमहानगरपालिका १३ बस्ने ३० बर्षिय सुरेश थापा छन् । उनलाई सशस्त्र प्रहरी बल, नेपाल नम्बर ३८ गुल्म हेक्वा रुपन्देहीबाट खटिएको एपीएफ टोलीले पक्राउ गरेको हो । सुनौलीबाट बुटवलतर्फ आउँदै गरेको बा. ७ च ५९५४ नम्बरको कारको सिट मुनी र डिक्कीमा लुकाई छिपाई ल्याउँदै गरेको अवस्थामा उल्लेखित लत्ताकपडा भेटिएपछि उक्त लत्ताकपडा तथा गाडीसहित उनलाई पक्राउ गरिएको हो । एपीएफ टोलीले पक्राउ परेका थापालाई बरामद लत्ताकपडा तथा गाडीसहित आवश्यक कारवाहीको लागि स्थानीय भन्सार कार्यालयमा बुझाएको छ । उक्त लत्ताकपडा र गाडीको भन्सार दाखिला मूल्य करीब १३ लाख ५२ हजार रुपैयाँ रहेको छ ।

काठमाडौं, सुनसरी जिल्लाको कोशी गाँउपालिका ८ तिनकुनेबाट भाद्र २५ गते एपीएफ टोलीले करीब चार लाख रुपैयाँ बराबरको चोरीपैठारीको मोटर पार्ट्स बरामद गरेको छ । सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले बिराटनगरबाट जनकपुरतर्फ जाँँदै गरेको ना. ४ ख ६८४६ नम्बरको यात्रुवाहक बसमा जाँच गर्दा उक्त सामान फेला परेपछि बरामद गरिएको हो । बरामद मोटर पाटर््स आवश्यक कारवाहीको लागि स्थानीय भन्सार कार्यालयमा बुझाइएको छ । यसैगरी सशस्त्र प्रहरी बल, नेपाल नम्बर १२ गण हेक्वा बाराबाट खटिएको एपीएफ टोलीले भाद्र २५ गते करीब दुई लाख रुपैयाँ बराबरको लत्ताकपडा बरामद गरेको छ । भारतबाट भन्सार छली ल्याउँदै गरेको अवस्थामा बारा जिल्लाको महागढिमाई नगरपालिका ६ धर्मचोकबाट उक्त लत्ताकपडा बरामद गरिएको हो । यसैगरी बाँके जिल्लाको नेपालगञ्ज उपमहानगरपालिका १६ चौलिका चोकबाट भाद्र २५ गते एपीएफ टोलीले प्रज्ञापन पत्र नभएको लत्ताकपडा तथा कस्मेटिक सामानसहित उक्त सामान ल्याउन प्रयोग भएको गाडी बरामद गरेको छ । सशस्त्र प्रहरी बल, नेपाल नम्बर २० गण हेक्वा बाँकेबाट खटिएको एपीएफ टोलीले जाँच गर्ने क्रममा भारतीय नम्बर यूपी ४० एक्स ३१३१ नम्बरको गाडीमा राखेर ल्याउँदै गरेको अवस्थामा उल्लेखित सामान फेला परेपछि गाडी सहितै सामान बरामद गरिएको हो । बरामद सामान तथा गाडी आवश्यक कारवाहीको लागि भन्सार कार्यालय नेपालगञ्जमा बुझाइएको छ । उक्त सामान र गाडीको भन्सार दाखिला मूल्य ३ लाख २७ हजार रुपैयाँ रहेको छ ।

पुर्वी–नवलपरासी, पुर्वी नवलपरासी जिल्लाको गंैडाकोट नगरपालिका १० स्थित पुर्व–पश्चिम लोकमार्गबाट भाद्र २५ गते एपीएफ टोलीले करीव दुई लाख रुपैयाँ बराबरको लत्ताकपडा बरामद गरेको छ । सशस्त्र प्रहरी बल, नेपाल नम्वर ३१ गुल्म हेक्वा पुर्वी–नवलपरासीबाट खटिएको एपीएफ टोलीले बुटवलबाट काठमाडौंतर्फ आउदै गरेको ना. ५ ख २४६४ नम्वरको यात्रुवाहक बसमा जाँच गर्दा उक्त लत्ताकपडा फेला परेपछि बरामद गरिएको हो ।

सिराहा, सिराहा जिल्लाको वरियारपट्टी गाँउपालिका ३ बाट एपीएफ टोलीले भाद्र २४ गते लागूऔषधसहित एक जनालाई पक्राउ गरेको छ । पक्राउ पर्नेमा सिराहा जिल्लाको धनगढीमाई नगरपालिका १ बस्ने राकेश यादव छन् । भारतबाट नेपालतर्फ आउदै गरेको निज यादवलाई सशस्त्र प्रहरी बल, नेपाल बोर्डर आउट पोष्ट वरियारपट्टीबाट खटिएको एपीएफ टोलीले जाँच गर्दा उनको साथमा नाईट्रोभेट ट्याब्लेट ७५ वटा र स्पास्मो ट्याब्लेट दुईवटा फेला परेपछि उनलाई पक्राउ गरिएको हो । एपीएफ टोलीले पक्राउ परेका यादवलाई बरामद लागुऔषधसहित आवश्यक कारवाहीको लागि स्थानीय प्रहरीमा बुझाएको छ ।

काठमाडौं, महोत्तरी जिल्लाको बर्दिवास नगरपालिका ८ बाट भाद्र २४ गते एपीएफ टोलीले एउटा भरुवा बन्दुक बरामद गरेको छ । सशस्त्र प्रहरी बल, नेपाल सुरक्षा वेश रामनगरबाट खटिएको एपीएफ टोलीले सो ठाउँको सतखोली जंगलमा धराप थापेको अवस्थामा रहेको उक्त भरुवा बन्दुक बरामद गरेको हो । बरामद बन्दुक एपीएफ टोलीले आवश्यक कारवाहीको लागि स्थानीय प्रहरीमा बुझाएको छ । यसैगरी दाङ जिल्लाको राजापुर गाँउपालिका ७ बाट भाद्र २५ गते एपीएफ टोलीले एउटा भरुवा बन्दुक, बन्दुकमा प्रयोग हुने केप ४ वटा, खाली केप ८ वटा तथा फलामको टुक्रा २ वटा बरामद गरेको छ । सो ठाउँमा रहेको सुकैया जंगलमा लुकाई छिपाई राखेको अवस्थामा सशस्त्र प्रहरी बल, नेपाल बोर्डर आउट पोष्ट सुनपत्थरीबाट खटिएको एपीएफ टोलीले उक्त भरुवा बन्दुक बरामद गरेको हो ।

काठमाडौं, सशस्त्र प्रहरी बल, नेपाल प्रधान कार्यालय हल्चोक स्वयम्भुमा लैंगिक हिंसा बिरुद्धको सात दिने अनुशिक्षण तालिम सुरु भएको छ । सशस्त्र प्रहरी अतिरिक्त महानिरीक्षक रामशरण पौडेलले भाद्र २५ गते आयोजित एक समारोहका वीच सो तालिमको उद्घाटन गर्नुभयो । सशस्त्र प्रहरी अतिरिक्त महानिरीक्षक पौडेलले त्यसअवसरमा सशस्त्र प्रहरी बल, नेपालले सवै बाहिनीहरुमा जेण्डर डेक्स र अन्य विभिन्न एपीएफ युनिटहरुमा जेण्डर फोकल प्वईन्ट तोकिएको कुरा बताउनुभयो । उहाँले सशस्त्र प्रहरी बल, नेपालले लैंगिक हिंसाको घटनामा शून्य सहनशीलताको नीति अवलम्बन गरेको चर्चा गर्नुहुँदै यस किसिमको तालिमको महत्वबारे प्रकाश पार्नुभयो । कार्यक्रममा सशस्त्र प्रहरी नायव उपरीक्षक रजनी थापाले तालिम सम्बन्धी कार्ययोजना प्रस्तुत गर्नुहुँदै सशस्त्र प्रहरी कर्मचारीको क्षमता अभिबृद्धिका लागि यस्ता तालिम फलदायी रहने बताउनुभयो । सात दिन अवधिको उक्त तालिममा सशस्त्र प्रहरी बल, नेपालका बाहिनी तथा गणमा जेण्डर फोकल प्वईन्टको रुपमा कार्यरत सशस्त्र प्रहरी नायव उपरीक्षक ९ जना र सशस्त्र प्रहरी निरीक्षक २९ जना गरी कूल ३८ जना प्रशिक्षार्थीको रुपमा सहभागि रहेका छन् ।

काठमाडौं, कञ्चनपुर जिल्लाको बेलौरी नगरपालिका ६ स्थित हात्तीबोझाबाट भाद्र २४ गते एपीएफ टोलीले करीव आठ लाख ७२ हजार रुपैयाँ बराबरको चोरीनिकासीको छोकडा बरामद गरेको छ । नेपालबाट अवैध रुपले भारततर्फ लैजाँदै गरेको उक्त छोकडा सशस्त्र प्रहरी बल, नेपाल बोर्डर आउट पोष्ट बेलौरीबाट खटिएको एपीएफ टोलीले बरामद गरेको हो । बरामद छोकडा एपीएफ टोलीले आवश्यक कारवाहीको लागि भन्सार कार्यालय गड्डाचौकीमा बुझाएको छ । यसैगरी सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले भाद्र २४ गते करीव चार लाख ८० हजार रुपैयाँ बराबरकोे फुटवल सुज बरामद गरेको छ । झापाको विर्तामोडबाट काठमाडौंतर्फ आउँदै गरेको ना ८ ख ९८१ नम्बरको यात्रुवाहक बसमा नक्कली बिल बनाई ल्याउँदै गरेको उल्लेखित मुल्य बराबरको चार सय ८० जोर फुटवल सुज एपीएफ टोलीले सुनसरी जिल्लाको कोशी गाउँपाकिाल ८ स्थित तीनकुनेबाट बरामद गरेको हो । बरामद फुटबल सुज एपीएफ टोलीले आवश्यक कारवाहीको स्थानीय भन्सार कार्यालयमा बुझाएको छ ।

बर्दिया, बर्दिया जिल्लाको बडैयाताल गाउँपालिका २ फुटाहाबाट भाद्र २४ गते एपीएफ टोलीले करीव २२ वटा नाईट्रोभेट ट्याब्लेटसहित तीन जनालाई पक्राउ गरेको छ । पक्राउ पर्नेहरुमा बर्दिया जिल्लाको वाँसगढी नगरपालिका ५ बस्ने १९ वर्षिय बिशाल थारु, १८ वर्षिय विविध थारु र १८ वर्षिय अशोक थारु छन् । उनीहरुलाई सशस्त्र प्रहरी बल, नेपाल बोर्डर आउट पोष्ट फुटाहाबाट खटिएको एपीएफ टोलीले पक्राउ गरेको हो । गस्तीमा खटिएको एपीएफ टोलीले उनीहलाई शंका लागि जाँच गर्दा उनीहरुको साथमा उल्लेखित लागूऔषध फेला फेला परेपछि पक्राउ गरिएको हो । एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

सिराहा, सिराहा जिल्लाको सिराहा नगरापलिका १७ स्थित पटेर्वाबाट भाद्र २३ गते एपीएफ टोलीले करीव पाँच लाख रुपैयाँ बराबरको चोरीपैठारीको औषधी बरामद गरेको छ । भारतबाट अवैध रुपले नेपालतर्फ ल्याउँदै गरेका उक्त औषधी सशस्त्र प्रहरी बल, नेपाल बोर्डर आउट पोष्ट मार्डरबाट खटिएको एपीएफ टोलीले बरामद गरेको हो । बरामद औषधी आवश्यक कारवाहीको लागि भन्सार कार्यालय मार्डरमा बुझाईएको छ ।

काठमाडौं, पर्सा जिल्लाको बीरगंज महानगरपालिका १६ स्थित भन्सार मेनगेटबाट भाद्र २१ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । बारा जिल्लाको जितपुर सिमरा उपमहानगरपालिका १७ बस्ने २७ वर्षिय नरेश चौधरीलाई सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले पक्राउ गरेको हो । लु ४८ प ५२४८ नम्बरको मोटरसाइकलमा भारतबाट नेपालतर्फ आउँदै गरेका निज चौधरीले लुकाई छिपाई ल्याउँदै गरेको अवस्थामा डाईजोल्याव १७ वटा, नोफिन १७ वटा, फेनारगन १७ वटा र ब्राउनसुगर २ पोका फेला परेपछि पक्राउ गरिएको हो । एपीएफ टोलीले पक्राउ परेका चौधरीलाई बरामद लागूऔषधसहित आवश्यक कारवाहीको लागि लागूऔषध नियन्त्रण व्यूरो कार्यालय बीरगंजमा बुझाएको छ । यसैगरी सशस्त्र प्रहरी बल, नेपाल बोर्डर आउट पोष्ट लौकहीबाट खटिएको एपीएफ टोलीले सुनसरी जिल्लाको भोक्राहा नरसिंह गाँउपालिका ६ स्थित ईसाराईलबाट भाद्र २१ गते विभिन्न किसिमका लागूऔषधसहित एक जनालाई पक्राउ गरेको छ । पक्राउ पर्नेमा सुनसरी जिल्लाको धरान उपमहानगरापलिका ३ बस्ने १९ वर्षिय दिपेन लिम्बु छन् को ३६ प १३२ नम्बरको स्कुटरमा भारतबाट नेपालतर्फ आउँदै गरेका उनलाई शंका लागि जाँच गर्दा डाईलेक्स १७ बोतल, स्पामो तीन सय ६० वटा र नाईट्रोजन ६० वटा फेला परेपछि पक्राउ गरिएको हो । त्यसेवाल एपीएफ टोलीले उनको साथबाट एक थान मोवाईल सेट र नगद १० हजार ६ सय ६० रुपैयाँ समेत बरामद गरेको छ ।

काठमाडौं, सुनसरी जिल्लाको कोशी गाउँपालिका ८ स्थित तीनकुनेबाट एपीएफ टोलीले भाद्र २० गते करीव दुई लाख ६ हजार रुपैयाँ बराबरको लत्ताकपडा बरामद गरेको छ । बिराटनगरबाट कटारीतर्फ आउँदै गरेको ना ५ ख ११३३ नम्बरको यात्रुवाहक बसमा नम्कली बिल बनाई लैजाँदै गरेको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको एपीएफ टोलीले बरामद गरेको हो । बरामद लत्ताकपडा एपीएफ टोलीले आवश्यक कारवाहीको लागि सेतुबन्धु मुल भन्सार कार्यालय कोशी व्यारेजमा बुझाएको छ । यसैगरी सशस्त्र प्रहरी बल, नेपाल नम्बर १० गण हेक्वा सर्लाहीबाट खटिएको एपीएफ टोलीले भाद्र २० गते करीव दुई लाख तीन हजार रुपैयाँ बराबरको हार्डवयरका सामान बरामद गरेको छ । सर्लाहीको मधुवनबाट काठमाडौंतर्फ जाँदै गरेको ना ४ ख ३१९६ नम्बरको यात्रुवाहक बसमा लुकाई छिपाई लैजाँदै गरेको उक्त हार्डवयरका सामान एपीएफ टोलीले सर्लाही जिल्लाको गोडेता नगरपालिका ६ बाट बरामद गरेको हो । एपीएफ टोलीले बरामद सामान आवश्यक कारवाहीको लागि स्थानीय भन्सार कार्यालयमा बुझाएको छ ।

धनुषा, धनुषा जिल्लाको नगराईन नगरपालिका २ स्थित राधपुरबाट भाद्र १९ गते एपीएफ टोलीले करीव दुई लाख रुपैयाँ बराबरको चोरिनिकासीको पाँच सय के.जी.मरिच बरामद गरेको छ । नेपालबाट भारततर्फ अवैध रुपले लैजादै गरेको उक्त मरिच सशस्त्र प्रहरी बल, नेपाल बोर्डर आउट पोष्ट नगराईनबाट खटिएको एपीएफ टोलीले बरामद गरेको हो ।

काठमाडौं, रसुवा जिल्लाको गोसाईकुण्ड गाउँपालिका २ टिमुरेबाट भाद्र १९ गते एपीएफ टोली र भन्सार कार्यालयको टोलीले करीव तीन लाख ६० हजार रुपैयाँ बराबरको चोरीपैठारीको सामान बरामद गरेको छ । चिनबाट अवैध रुपले भन्सार छलि नेपालर्फ ल्याई लुकाइ छिपाई राखेको अवस्थामा उल्लेखित मूल्य बराबरको जुत्ता ४ सय ५७ जोर, मोजा २ हजार ६ सय १६ जोर र चाईनिज युरिया मल एक सय के.जी. सशस्त्र प्रहरी बल, नेपाल नम्वर २१ गुल्म हेक्वा रसुवाबाट खटिएको एपीएफ टोली र भन्सार कार्यालय रसुवाको टोलीले बरामद गरेको हो । बरामद सामान आवश्यक कारवाहीको लागि भन्सार कार्यालय रसुवागढीमा बुझाईएको छ । यसैगरी सुनसरी जिल्लाको भोक्राहा नर्सिङ गाउँपालिका ६ फुल्चोकीबाट भाद्र २० गते एपीएफ टोलीले करीव एक लाख तीन हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले भन्सार छलि नेपालतर्फ ल्याउदै गरेको उल्लेखित रुपैयाँ बराबरको लेडिज लत्ताकपडा सशस्त्र प्रहरी बल, नेपाल बोर्डर आउट पोष्ट लौकहीबाट खटिएको एपीएफ टोलीले बरामद गरेको हो । बरामद लत्ताकपडा आवश्यक कारवाहीको लागि स्थानीय भन्सार कार्यालयमा बुझाईएको छ । यसैगरी वीरगंज महानगरपालिका १७ बाट एपीएफ टोलीले चोरीपैठारीको सामानसहित ना.४ ख १४९१ नम्बरको कन्टेनर ट्रक तथा सोका चालकलाई पक्राउ गरेको छ । सशस्त्र प्रहरी बल, नेपाल एकीकृत जाँच चौकी बेसका सशस्त्र प्रहरी निरीक्षक सुरेश लामाको कमाण्डमा खटिएको एपीएफ टोलीले भदौं १९ गते राति उक्त ट्रक तथा चालकलाई पक्राउ गरेको हो । त्यसवेला एपीएफ टोलीले जाँच गर्दा चालकले प्रज्ञापन पत्र देखाउन नसकेको तथा उक्त गाडीको छतमा फिट गरेर अवैध ढंगले ल्याउँदै गरेको करीब एक लाख ५० हजार रुपैयाँ बराबरको ६ थान सोलार प्यानल भेटिएपछि उक्त ट्रकसहितै चालकलाई पक्राउ गरिएको हो । एपीएफ टोलीले बरामद सोलार प्यानलसहित उक्त कन्टेनर ट्रक तथा सोका चालकलाई वीरगंज भन्सार कार्यालयमा बुझाएको छ ।

पर्सा, पर्सा जिल्लाको विरगंज महानगरपालिका १६ स्थित भन्सार मुलगेटबाट भाद्र १६ गते एपीएफ टोलीले एक के.जी. तीन सय ३२ ग्राम चाँदीसहित एक जनालाई पक्राउ गरेको छ । पक्राउ पर्नेमा पर्सा जिल्लाको विरगंज महानगरपालिका १२ रामगढवा बस्ने १८ वर्षीय विकास श्राव छन । सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले निजलाई उक्त चाँदी सहित पक्राउ गरेको हो । ना.१३ प ५५२४ नम्वरको मोटरसाईकलमा भारतबाट नेपालतर्फ आउँदै गरेका निज श्रावलाई जाँच गर्दा उनको साथमा उक्त चाँदी फेला परेपछि उनलाई पक्राउ गरिएको हो । एपीएफ टोलीले त्यसबेला सो मोटरसाईकल समेत बरामद गरेको छ । पक्राउ परेका श्रावलाई बरामद चाँदी तथा मोटरसाईकल सहित आवश्यक कारवाहीको लागि विरगंज भन्सार कार्यालय पर्सामा बुझाईएको छ । बरामद चाँदी तथा मोटरसाईकलको भन्सार दाखिला मुल्य करिव २ लाख ८ हजार रुपैयाँ रहेको छ ।