समाचार

पर्सा,         
पर्सा जिल्लाको जगरनाथपुर गाँउपालिका ६ माधवपुरस्थित नौरङ्गिया खोलाले
बगाई बेपत्ता भएका एक जनाको शब एपीएफ टोली र स्थानीय प्रहरीले फेला
पारेको छ ।
सोही ठाउँ बस्ने १७ बर्षिय कृष्ण पट्टेल पौडी खेल्ने क्रममा खोलाले बगाई
बेपत्ता भएको भन्ने जानकारी प्राप्त भएपछि खोजी कार्यको लागि सशस्त्र
प्रहरी बल, नेपाल सुरक्षा बेस पोखरियाबाट खटिएको एपीएफ टोली र स्थानीय
प्रहरीले उनको शव खोलाको किनारमा फेला पारेको हो ।

सिरहा,         
सिरहा जिल्लाको सिरहा नगरपालिका १९ सोहरुवा स्थित सीमा ईलाकाबाट साउन ६
गते राति एपीएफ टोलीले श्रोत नखुलेको २० लाख रुपैयाँसहित एक जनालाई
पक्राउ गरेको छ ।
        पक्राउ पर्नेमा सोही जिल्लाको अर्नामा गाँउपालिकाको लक्ष्मीपुर बस्ने ३७
बर्षिय सुकदेव ठाकुर छन् ।
        भारतबाट नेपालतर्फ आउँदै गरेका निज ठाकुरलाई एपीएफ टोलीले जाँच गर्दा
उनको साथमा उल्लेखित रुपैयाँ फेला परेको तथा निज ठाकुरले उक्त रुपैयाँको
श्रोत खुलाउन नसकेपछि सो रकमसहित उनलाई पक्राउ गरिएको हो ।

पक्राउ परेका निज ठाकुरलाई बरामद रुपैयाँसहित आवश्यक कारवाहीको लागि
जिल्ला प्रहरी कार्यालय सिरहामा बुझाइएको छ ।

काठमाडौं,               
        पश्चिम नवलपरासी जिल्लाको प्रतापपुर गाँउपालिका ७ जगनाथपुर स्थित सीमा
ईलाकाबाट एपीएफ टोली र स्थानीय प्रहरीले चार लाख २५ हजार रुपैयाँ बराबरको
चोरीनिकासीको केराउ बरामद गरेको छ ।
        लु २ च १८२२ नम्बरको ट्रयाक्टरमा राखेर भारततर्फ लैजाँदै गरेको अवस्थामा
उक्त केराउ सशस्त्र प्रहरी बल, नेपाल बोर्डर आउट पोष्ट गुठीपर्सौनीबाट
खटिएको एपीएफ टोली र स्थानीय प्रहरीले बरामद गरेको हो । त्यसवेला उक्त
केराउ लैजान प्रयोग भएको सो ट्याक्टर समेत बरामद गरिएको छ ।
        बरामद केराउ तथा उक्त ट्याक्टर स्थानीय भन्सार कार्यालयमा बुझाइएको छ ।
बरामद केराउ तथा ट्याक्टरको भन्सार दाखिला मुल्य १४ लाख २५ हजार रुपैयाँ
रहेको छ ।
यसैगरी झापा जिल्लाको मेची नगरपालिका १५ स्थित सीमा ईलाकाबाट साउन ६ गते
एपीएपm टोलीले करीब ६ लाख ४० हजार रुपैयाँ बराबरको चोरीपैठारीको
लत्ताकपडा तथा औषधी बरामद गरेको छ ।
        भन्सार छली अवैध रुपले ल्याउँदै गरेको उक्त लत्ताकपडा तथा औषधी सशस्त्र
प्रहरी बल, नेपाल नम्बर ८ गुल्म झापाबाट खटिएको एपीएफ टोलीले बरामद गरेको
हो ।
        बरामद सामान स्थानीय भन्सार कार्यालयमा बुझाइएको छ ।
         यसैगरी धनुषा जिल्लाको जनकनन्दनी गाँउपालिका ३ मौवाबाट साउन ६ गते राति
एपीएफ टोली र स्थानीय प्रहरीले करीब ६ लाख ४६ हजार रुपैयाँ बराबरको केराउ
र छोकडा बरामद गरेको छ ।
        सो ठाउँको एक घरमा उक्त सामान लुकाई छिपाई राखेको भन्ने विशेष सुचनाको
आधारमा सशस्त्र प्रहरी बल, नेपाल बोर्डर आउट पोष्ट खजुरीबाट खटिएको एपीएफ
टोली र स्थानीय प्रहरीले उल्लेखित मुल्य बराबरको केराउ र छोकडा बरामद
गरेको हो ।
        बरामद सामान स्थानीय प्रहरीमा बुझाइएको छ ।

काठमाडौं,
काठमाडौं जिल्लाको किर्तिपुर नगरपालिका १० स्थित सुन्दरीघाटमा वर्षाको पानी पसेर डुवानमा परेका ९ घर परिवारका सामानहरु सशस्त्र प्रहरी बल, नेपाल नम्बर १८ गण काठमाडौंबाट खटिएको एपीएफ टोलीले सुरक्षित स्थानमा सारेको छ ।
यसैगरी काठमाडौं जिल्लाको कागेश्वरी महानगरपालिका ९ स्थित दुई वटा घर पहिरोको कारण जोखिम अवस्थामा रहेको भन्ने खबर पाउनासाथै सशस्त्र प्रहरी बल, नेपाल नम्बर २० गणबाट एपीएफ टोली त्यस ठाउँमा खटिई गई नाला कटान गरेको छ ।
यसैगरी बारा जिल्लाको देवताल गाँउपालिका ६ रामपुरुवा रहुवाई क्षेत्रमा करीब पाँच फिट पानी जमेर तीन वटा घर डुवानमा परेको भन्ने जानकारी प्राप्त हुनासाथै सशस्त्र प्रहरी बल, नेपाल बोर्डर आउट पोष्ट झिट्कैयाबाट एपीएफ टोली खटिई गई सो घर भित्र रहेका तीन जना बालकलाई उद्वार गरेको छ ।
यसैगरी झापा जिल्लाको झापा गााउपालिका २ स्थित शंकमारीमा साउन ५ गते कनकाई नदीको पानी पसेकोले उक्त गाँउको ३२ घरका एक सय ५२ जनालाई सशस्त्र प्रहरी बल, नेपाल बोर्डर आउट पोष्ट टाघनडुब्बाबाट खटिएको एपीएफ टोली, स्थानीय प्रहरी तथा स्थानीय बासिन्दाले सुरक्षित स्थानमा सारेको छ ।
यसैगरी नारायणी नदिमा पानीको वहाव बढुन गई पूर्वी नवलपरासी जिल्लाको गैंडाकोट नगरपालिका २ बोट टोलमा रहेको बस्ती डुबानमा परेपछि त्यस ठाउँका सय घर परिवाका स्थानीय बासिन्दाहरुलाई सोही नगरपालिका २ स्थित अक्सफोर्र्ड कलेजको भवन र कालिदास कलेजको भवनमा सारिएको छ ।
उक्त स्थानमा सशस्त्र प्रहरी बल, नेपाल नम्बर ३१ गुल्म पूर्वी नवलपरासीबाट खटिएको एपीएफ टोली र स्थानीय प्रहरीले उनीहरुको उद्धार गरिएको छ ।
यसैगरी पश्चिम नवलपरासी जिल्लाको सुस्ता गाँउपालिका ५ स्थित सैनिक टोल र थारु टोलमा नारायणी नदीको बहाव बढेर दुई सय ६२ वटा घर डुवानमा परेपछि सशस्त्र प्रहरी बल, नेपाल बोर्डर आउट पोष्ट सुस्ताबाट एपीएफ टोली खटिई गई उक्त टोलका वासिन्दाहरुलाई सुरक्षित स्थानमा सारेको छ ।
यसैगरी पूर्वी नवलपरासी जिल्लाको मध्यबिन्दु नगरपालिका २ शेरी भुत्ताहामा नारायणी नदीको बहाब बढेर त्यस ठाउँका करीब १८ वटा घर डुबानमा परेको जानकारी प्राप्त हुनासाथै सशस्त्र प्रहरी बल, नेपाल सुरक्षा बेस चोरमाराबाट एपीएफ टोली खटिई गई डुवानमा परेका घरपरिवारहरुलाई आफन्तको घरमा सुरक्षित रुपमा स्थानान्तरण गरिएको छ ।
यसैगरी रौतहट जिल्लाको बौधीमाई नगरपालिका ३ मटिअर्वा स्थित अविरल वर्षाको कारण स्थानीय लालबकैया नदिमा आएको बाढिले करीव दुई सय मिटर जमिन कटान गरेको भन्ने खबर पाउनासाथै सशस्त्र प्रहरी बल, नेपाल बोर्डर आउट पोष्ट सरमजुवाबाट खटिएको एपीएफ टोली, स्थानीय प्रहरी र स्थानीय वासिन्दाले सो स्थानमा माटो भरेर कटान रोक्ने प्रयास गरेको छ ।

रौतहट,
रौतहट जिल्लाको चन्द्रपुर नगरपालिका ३ गैडाटार स्थित खहरे खोलामा आएको बाढिले बगाई बेपत्ता भएका एक जनाको शव साउन ६ गते एपीएफ टोलीले फेला पारेको छ ।
सोही ठाउँ बस्ने ५० वर्षिय शुक्रमान थिङ्गलाई उक्त खोलाले बगाई बेपत्ता भएको भन्ने जानकारी पाउनासाथै सशस्त्र प्रहरी बल, नेपाल सुरक्षा वेश सन्तपुरबाट खटिएको एपीएफ टोलीले उनको शव सो ठाउँ स्थित खोलाको किनारमा फेला पारेको हो ।

सप्तरी,
सप्तरी जिल्लाको बोधेबसाईन नगरपालिका ९ स्वर्णपट्टीबाट साउन ५ गते एपीएफ टोलीले विभिन्न किसिमको लागूऔषधसहित सोही नगरपालिका ८ बस्ने २२ बर्षिय मनोजकुमार मण्डललाई पक्राउ गरेको छ ।
सशस्त्र प्रहरी बल, नेपाल बोर्डर आउट पोष्ट स्वर्णपट्टीबाट खटिएको एपीएफ टोलीले निज मण्डललाई जाँच गर्दा उनको साथमा डाईलेक्स डिसी १४ बोतल र नाईट्राभेट ट्याब्लेट ९ पत्ता फेला परेपछि पक्राउ गरिएको हो ।
पक्राउ परेका निज मण्डललाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ ।

काठमाडौं,
राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा सि.सं. २४
गुल्मपति तथा स्टाफ (सिसिएससी) तालिम संचालन भएको छ ।
उक्त प्रशिक्षण प्रतिष्ठानका कार्यकारी निर्देशक सशस्त्र प्रहरी अतिरिक्त
महानिरीक्षक नारायणबावु थापाले सोही प्रतिष्ठानमा आयोजित एक कार्यक्रमका
बीच साउन ५ गते उक्त तालिमको उद्घाटन गर्नुभयो ।
सो अवसरमा सशस्त्र प्रहरी अतिरिक्त महानिरीक्षक थापाले फौजी संगठनमा
यस्ता तालिमको  महत्वमाथि प्रकाश पार्नुहुँदै प्रशिक्षार्थी अधिकृतहरुले
तालिमबाट बढि भन्दा बढि ज्ञान आर्जन गर्न स्वस्फुर्त रुपमा कृयाशिलत रहनु
पर्ने उल्लेख गर्नुभयो ।
उहाँले अधिकृतहरुको वृत्तिविकासमा समेत महत्वपूर्ण भूमिका रहने यस्ता
पेशागत तालिमले व्यावसायीक क्षमतामा अभिबृद्धि हुनुकासाथै कार्यक्षेत्रमा
खटिँदा आपूm मातहतका कर्मचारीहरुलाई कुशल नेतृत्व प्रदान गरी उत्कृष्ट
कार्यसम्पादनमा सघाउ पुग्ने उल्लेख गर्नुभयो ।
सशस्त्र प्रहरी अतिरिक्त महानिरीक्षक थापाले यस्ता फौजी तालिमले शारीरिक
तथा मानसिक रुपमा सवल र सक्षम बनाई कार्यक्षेत्रमा खटिईदा भोलीका
दिनहरुमा आउन सक्ने सुरक्षा चुनौतीहरु तथा जस्तो सुकै कठिन र असहज
परिस्थितीको पनि सामना गर्न सक्ने कुशल कमाण्डर उत्पादनमा सघाउ पुग्ने
बिश्वास व्यक्त गर्नुभयो ।
उहाँले कमाण्डर तहका अधिकृतहरुले निरन्तर अध्ययन तथा विश्लेषण गरी आफ्नो
व्यक्तित्व बिकासमा समेत क्रियाशिल रहनुपर्ने चर्चा गर्नुहुँदै संगठनलाई
प्राप्त जिम्मेवारीका क्षेत्रहरुमा कुशल ढंगले परिचालन भई राष्ट्र र
संगठनले लिएको उद्देश्य परिपूर्तिका लागि पूर्ण व्यावसायिक भई
कार्यक्षेत्रमा निरन्तर कृयाशिल रहनुपर्ने बताउनुभयो ।
उक्त तालिममा स्टाफ ड्युटिज, कमाण्ड तथा व्यवस्थापन, ट्याक्टिस,
इन्टेलिजेन्स, अपराध नियन्त्रण लगायतका विविध विषयहरुमा सम्बन्धित विषयका
विषयविज्ञहरुबाट प्रशिक्षण गरिने कुरा समेत त्यसअवसरमा जानकारी गराईएको
थियो ।
        करीब तीन महिना अवधिको गुल्मपति तथा स्टाफ तालिममा ३५ जना सशस्त्र
प्रहरी निरीक्षकहरु प्रशिक्षार्थीको रुपमा सहभागि रहेका छन् ।
      

बर्दिया,
        बर्दिया जिल्लाको गेरुवा गााउपालिका ५ स्थित कर्णाली नदीमा बेपत्ता भएका
एक जनाको शब एपीएफ टोली र स्थानीय प्रहरीले फेला पारेको छ ।
        सो नदीमा बगेर आएको दाउरा निकाल्ने क्रममा सोही ठाउँ बस्ने ३४ बर्षिय
कालीचरण चौधरी नदीमा बगेर बेपत्ता भएका थिए ।
        उक्त घटनाबारे जानकारी पाउनासाथ सशस्त्र प्रहरी बल, नेपाल बोर्डर आउट
पोष्ट राजापुरबाट खटिएको एपीएफ टोली तथा स्थानीय प्रहरीले खोजी कार्य
गर्दा निज चौधरीको शब घटनास्थल भन्दा करीब एक किलोमिटर दक्षिणतर्फ फेला
पारिएको हो ।

धादिङ,        
धादिङ जिल्लाको गजुरी गाँउपालिका ५ घाँटबेसीमा साउन ५ गते पहिरो सँगै
आएको भेलमा परी बगेको एक कारबाट एपीएफ टोलीले एक लाख ५० हजार रुपैयाँ तथा
एउटा ल्यापटप बाहिर निकाली सम्बन्धित व्यक्तिलाई बुझाएको छ ।
सो घटनाबारे जानकारी पाउनासाथ सशस्त्र प्रहरी बल, नेपाल सुरक्षा बेस
आदमघाटबाट सशस्त्र प्रहरी सहायक निरीक्षक रमेशप्रसाद रिजालको कमाण्डमा
खटिएको एपीएफ टोलीले भेलमा बगेको सो कारबाट उल्लेखित रकम तथा ल्यापटम
सुरक्षित रुपमा निकालेको हो ।
त्यसवेला उक्त कारमा सवार व्यक्तिहरु कारबाट बाहिर निस्कन सफल भएका थिए
भने उक्त कार भेलले त्रिशुली नदीको किनारमा खसालेको बताईएको छ ।
 

काठमाडौं,
तनहुँ जिल्लाको भानु नगरपायलिका ९ सिमलगैरामा साउन ५ गते महेन्द्र
धउरालीको घर पहिरोले बगाउँदा १७ बर्षिया तिपसमा धउराली र ८० बर्षिया
तिलमाया धउराली पहिरोमा पुरिएर बेपत्ता भएको बताईएको छ ।
सो घटनाबारे जानकारी पाउनासाथै सशस्त्र प्रहरी बल नेपाल नम्बर २३ गण
तनहुँबाट एपीएफ टोली खटिई गई खोजी तथा उद्धार कार्यमा जुटेको छ ।
यसैगरी धादिङ जिलाको गजुरी गाँउपालिका २ मलेखुस्थित माछा बजारमा साउन ५
गते कच्ची घर पहिरोले पुरिँदा एक जना व्यक्ति पहिरोमा पुरिएर बेपत्ता
भएको तथा एक जना व्यक्तिलाई घाइते अवस्थामा फेला पारिएको छ ।
उक्त स्थानमा सशस्त्र प्रहरी बल, नेपाल सुरक्षा बेस धादिङबाट एपीएफ टोली
खटिई गई खोजी तथा उद्धार कार्यमा जुटेको छ भने घाईते व्यक्तिलाई
उपचारार्थ सामुदायिक अस्पताल पठाईएको छ ।
यसैगरी दार्चुला जिल्लाको महाकाली नगरपालिका ३ डुङरीस्थित स्थित लास्कु
खोलामा पानीको बहाव बढ्न गई खोलाको किनारमा रहेका तीन वटा पसल तथा दुई
वटा घरभित्र पानी पसेर डुवानमा परेपछि उक्त घरहरुमा रहेको सामानहरु एपीएफ
टोलीले सुरक्षित स्थानमा सारेको छ ।
उक्त घटनाबारे जानकारी पाउनासाथै सशस्त्र प्रहरी बल, नेपाल नम्बर ५०
गुल्म दार्चुलाबाट खटिएको एपीएफ टोलीले उक्त पसल तथा घरहरुमा रहेको सामान
सुरक्षित स्थानमा सारेको हो ।
 

रुपन्देही,
        रुपन्देही जिल्लाको सिद्धार्थनगर नगरपालिका ११ भजौलीस्थित सीमा ईलाकाबाट
साउन ४ गते एपीएफ टोलीले करीब एक लाख १७ हजार रुपैयाँ बराबरको
चोरीपैठारीको किराना सामान तथा लत्ताकपडा बरामद गरेको छ ।
        भारतबाट अवैध रुपले ल्याउँदै गरेको उक्त सामान सशस्त्र प्रहरी बल, नेपाल
नम्बर २७ गण रुपन्देहीबाट खटिएको एपीएफ टोलीले बरामद गरेको हो ।
        बरामद सामान स्थानीय भन्सार कार्यालयमा बुझाइएको छ ।
      

रुपन्देही,
        रुपन्देही जिल्लाको सिद्धार्थनगर नगरपालिका ६ बाट असार ३० गते एपीएफ
टोली र राजश्व अनुसन्धान कार्यालयका कर्मचारीले श्रोत नखुलेको ९९ लाख २
हजार ५ सय रुपैयाँसहित दुई जनालाई पक्राउ गरेको छ ।
        पक्राउ पर्नेहरुमा सोही जिल्लाको सिद्धार्थनगर नगरपालिका २ बस्ने ३८
बर्षिय सुनिल सुनार र ३७ बर्षिय अमित परियार छन् ।
        उनीहरुलाई सशस्त्र प्रहरी बल, नेपाल नम्बर ४३ गुल्म रुपन्देहीबाट खटिएको
एपीएफ टोली र राजश्व अनुसन्धान कार्यालय बुटवलका कर्मचारीले पक्राउ गरेको
हो ।
        निज सुनारले चलाएको प्रदेश नं. ३ ०३–०१–०२३–च ३२०९ नम्बरको कारमा ७३ लाख
५५ हजार रुपैया फेला परेको तथा उक्त रकमको श्रोत खुलाउन नसकेपछि सो
रकमसहित निजलाई पक्राउ गरिएको हो ।
त्यसपछि निजको घरबाट श्रोत नखुलेको १२ लाख ६६ हजार रुपैयाँ तथा निजको पसल
सोनु ज्वेलर्स गल्लामण्डीबाट समेत श्रोत नखुलेको १२ लाख ८१ हजार ५ सय
रुपैयाँ बरामद गरिएको हो । निजहरुले उक्त रुपैयाँको श्रोत खुलाउन नसकेपछि
पक्राउ गरिएको हो ।
        निज सुनिल सुनारलाई उल्लेखित गाडीबाट पक्राउ गरिएको हो भने अमित
परियारलाई उक्त पसलबाट पक्राउ गरिएको हो । अमित परियार उक्त पसलको कामदार
रहेको बताइएको छ ।
        पक्राउ परेकाहरुलाई बरामद रुपैयाँसहित आवश्यक कारवाहीको लागि राजश्व
अनुसन्धान कार्यालय बुटवलमा लगिएकोमा त्यहाँबाट ईलाका प्रहरी कार्यालय
बुटवलमा बुझाइएको छ ।

पर्सा,
        पर्सा जिल्लाको विरगंज महानगरपालिका १ छपकैयाबाट असार ३१ गते एपीएफ
टोलीले करीब एक लाख ८३ हजार रुपैयाँ बराबरको चोरीपैठारीको लत्ताकपडा
बरामद गरेको छ ।
        भारतबाट अवैध रुपले नेपालतर्फ ल्याउँदै गरेको अवस्थामा उक्त लत्ताकपडा
सशस्त्र प्रहरी बल, नेपाल बोर्डर आउट पोष्ट सिर्सियाबाट खटिएको एपीएफ
टोलीले बरामद गरेको हो ।
        बरामद सामान स्थानीय भन्सार कार्यालयमा बुझाइएको छ ।