समाचार

रुपन्देही जिल्लाको रोहिणी गाउँपालिका १ वगाहा स्थित सीमा ईलाकाबाट चैत्र १३ गते सशस्त्र प्रहरीले करीव ३ लाख २३ हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा नम्बर २७ गण रुपन्देहीले बरामद गरेको हो । बरामद लत्ताकपडा भैरहवा भन्सार कार्यालय बेलहिया रुपन्देहीमा बुझाईएको छ ।

सर्लाही जिल्लाको मलंगवा नगरपालिका ११ गम्हरीया स्थित झिम खोला बाध ईलाकाबाट चैत्र ११ गते सशस्त्र प्रहरीले २० वटा पोकामा रहेको करीव १ सय ८८ के.जी. ९ सय ग्राम गाँजा बरामद गरेको छ । नेपालबाट अवैध रुपले भारततर्फ लैजाँदै गरेका व्यक्तिले उक्त गाँजा सशस्त्र प्रहरी बल नेपाल नम्बर १० गण सर्लाहीलाई देख्नासाथै सोही ठाउँमा छाडी फरार भएका थिए । बरामद गाँजा आवश्यक कारवाहीको लागि जिल्ला प्रहरी कार्यालय सर्लाहीमा बुझाईएको छ ।

सेवा निवृत्त हुन लाग्नुभएका प्रहरी महानिरीक्षक धिरज प्रताप सिंहलाई सशस्त्र प्रहरी बल नेपाल प्रधान कार्यालय हल्चोकमा चैत्र १० गते निवृत्त जीवनको सफलताको शुभकामनासहित हार्दिक विदाइ गर्नुहुँदै सशस्त्र प्रहरी महानिरीक्षक राजु अर्याल ।

सशस्त्र प्रहरी बल नेपाल नम्बर ९ पशुपतिनाथ बाहिनी मुख्यालय काठमाडौंका बाहिनीपति सशस्त्र प्रहरी नायव महानिरीक्षक पुरुषोत्तम थापाको प्रमुख आतिथ्यतामा सशस्त्र प्रहरी बल नेपाल नम्बर २१ गण दक्षिणकाली ललितपुरको १९ औँ वार्षिकोत्सव विविध कार्यक्रमका साथ सम्पन्न भएको छ । वार्षिकोत्सव कार्यक्रममा उत्कृष्ट कार्य गर्ने सशस्त्र प्रहरी कर्मचारीहरुलाई सशस्त्र प्रहरी नायव महानिरीक्षक थापाले पुरस्कार तथा प्रमाणपत्र समेत प्रदान गर्नुभयो । उहाँले राज्यद्वारा प्रदत्त विभिन्न कार्यादेशहरु अक्षरस पालना गर्दै समन्वयकारी भूमिका निर्वाह गर्नुका साथै महत्वपूर्ण प्रतिष्ठान तथा व्यक्तिको सुरक्षा, विपद् उद्धार लगायतका अति महत्वपूर्ण तथा संवेदनशील जिम्मेवारी वहन गर्ने कार्यमा गणको अर्थपूर्ण उपस्थितिले संगठनको औचित्य र महत्वलाई स्थापित गर्न टेवा पुगेको बताउनुभयो । सो गणका गणपति सशस्त्र प्रहरी उपरीक्षक सुमन जंग थापा क्षेत्रीले धन्यवाद ज्ञापन गर्नुहुँदै गणले प्राप्त जिम्मेवारीलाई उपलब्ध सिमित श्रोत साधनको अधिकतम उपयोग गरी सरोकारवाला अन्य निकायहरुसँग आवश्यक समन्वय र सहकार्य गर्दै शान्ति सुरक्षा र अमन चयन कायम गर्न महत्वपूर्ण भूमिका निर्वाह गरिरहेको बताउनुभयो । कार्यक्रममा सशस्त्र प्रहरी बल नेपालका बरिष्ठ अधिकृत, अवकाश प्राप्त सशस्त्र प्रहरी कर्मचारीहरु, सिनियर अधिकृतहरु, स्थानीय भद्रभलादमी, जुनियर अधिकृत तथा बिल्लादार जवानहरुको उपस्थिती रहेको थियो ।

सशस्त्र प्रहरी बल नेपाल नम्बर ९ पशुपतिनाथ बाहिनी मुख्यालय काठमाडौंको १९औँ वार्षिकोत्सव कार्यक्रम चैत्र १० गते सम्पन्न भएको छ । सशस्त्र प्रहरी महानिरीक्षक राजु अर्यालको प्रमुख आतिथ्यतामा सम्पन्न भएको वार्षिकोत्सव कार्यक्रममा उत्कृष्ट कार्य गर्ने सशस्त्र प्रहरी कर्मचारीहरुलाई नगद पुरस्कार तथा प्रमाणपत्र समेत प्रदान गरिएको थियो । कार्यक्रममा महानिरीक्षक अर्यालले बाहिनी तथा बाहिनी मातहत अन्य युनिटहरुमा कार्यरत सशस्त्र प्रहरी कर्मचारीहरुलाई स्थापना दिवसले कार्यक्षेत्रमा खटिदा थप उर्जा र हौसलाका साथ परिचालित हुन प्रेरणा मिलोस् भन्ने शुभेच्छा र शुभकामना दिनुहुँदै यस्ता प्रकारका कार्यक्रमहरुलाई सभ्य, सरल र सहभागितात्मक तवरले संचालन गरी संस्कृतिको रुपमा अगाडी बढाउन सम्पूर्ण राष्ट्रसेवक कर्मचारीहरुको योगदान उल्लेखनिय रहने बताउनुभयो । उहाँले युनिटको स्थापना दिवस मनाउने परम्पराको थालनीले राष्ट्रसेवकहरुमा आफ्नो युनिट प्रतिको सामिप्यता मात्र बढाउने नभई युनिटप्रति इमान्दार, कर्तव्यनिष्ठ र लगनशिल भई आफ्नो युनिटको कार्यसम्पादनमा जवाफदेहिताको भावनाको समेत विकास हुने बतानुभयो । सशस्त्र प्रहरी बल नेपाललाई सुम्पिएको जिम्मेवारी सफलतापूर्वक निर्वाह गर्न संगठनका हरेक सदस्य शारिरीक रुपमा सबल र मानसिक रुपमा सक्षम हुनु अपरिहार्य रहेको बताउनुहुँदै महानिरीक्षक अर्यालले भन्नुभयो- ‘कुनै पनि संगठन व्यक्ति विशेषले मात्र निर्माण र सुधार गर्ने विषय होइन, संगठन बलियो हुन त्यहाँ कार्यरत हरेक कर्मचारीमा सकारात्मक सोच र त्यागको भावना हुनै पर्दछ ।’ उहाँले संगठन हाल कुनै पनि व्यक्ति विशेषको दया र मायाले होइन पद्धतीे हावी हुने अवस्था सिर्जना गरी सबैलाई समान र न्यायोचित अवसर प्रदान गर्ने दिशामा अघि बढिरहेको बताउनुहुँदै आफ्नो व्यक्तिगत स्वार्थ, आग्रह र पूर्वाग्रहलाई थाती राखी कमाण्डर र नेतृत्व तहसँग हातेमालो गर्दै अगाडी बढेमा संगठन बिकास र विस्तारमा सदैव सफलता मिल्ने बताउनुभयो । महानिरीक्षक अर्यालले विगतमा सशस्त्र प्रहरी बल नेपालमा संगठनले मात्र स्थापना दिवस मनाउने परम्परा रही आएतापनि हालका दिनहरुमा बाहिनीदेखि गुल्म सम्मका स्थायी युनिटहरुले पनि स्थापना दिवस मनाउन देखाएको तदारुपकता र सकृयताको प्रशंसा गर्नुहुँदै स्थापना दिवसलाई हर्ष, उल्लास र मनोञ्जन सँगसँगै पेशागत दक्षता बढाउने किसिमका प्रतियोगिता संचालन तथा हरेक कर्मचारीले आफूलाई अब्बल सावित गर्ने महत्वपूर्ण अवसर र प्रतिस्पर्धाको मन्चको रुपमा लिने अवस्था सिर्जना गर्न सम्पूर्ण सशस्त्र प्रहरी कर्मचारीहरुलाई निर्देशन समेत दिनुभयो । कार्यक्रममा चन्द्रागिरी नगरपालिकाका प्रमुख घनश्याम गिरी, सशस्त्र प्रहरी महानिरीक्षकहरु नारायणदत्त पौडेल, चन्द्र प्रकाश गौतम, बंशीराज दाहाल र सो बाहिनीका बाहिनीपति सशस्त्र प्रहरी नायव महानिरीक्षक पुरुषोत्तम थापाले वार्षिकोत्सवको अवसरमा संचालन गरिएको विभिन्न विधाका खेलकुद प्रतियोगितामा उत्कृष्ट स्थान हासिल गर्ने सशस्त्र प्रहरी कर्मचारीहरुलाई पुरस्कार तथा प्रमाणपत्र प्रदान गर्नुभएको थियो । कार्यक्रममा सशस्त्र प्रहरी बल नेपाल नम्बर ९ पशुपतिनाथ बाहिनी मुख्यालय काठमाडौंका बाहिनीपति सशस्त्र प्रहरी नायव महानिरीक्षक पुरुषोत्तम थापाले धन्यवाद मन्तव्य व्यक्त गर्नुभएको थियो । कार्यक्रममा चन्द्रागिरी नगरपालिकाका उप-प्रमुख बसन्ती श्रेष्ठ, सशस्त्र प्रहरी बल नेपालका सिनियर अधिकृत, जुनियर अधिकृत र विल्लादार तथा जवानहरुको समेत उपस्थिती रहेको थियो ।

रुपन्देही जिल्लाको देबदह नगरपालिका १० चरंगे ईलाकाबाट चैत्र ५ गते सशस्त्र प्रहरीले करीव ७ लाख ५३ हजार रुपैयाँ बराबरको चोरीपैठारीको मोटर पार्ट्स तथा कारसहित एक जनालाई नियन्त्रणमा लिएको छ । बिशेष सुचनाको आधारमा सोही जिल्लाको बुटवल उपमहानगरपालिका ८ बस्ने ३४ वर्षिय सन्तोष प्रसाद शाहलाई नम्बर २७ गण रुपन्देहीले भारतबाट अवैध रुपले लु १ च १४२६ नम्बरको गाडीमा लुकाई छिपाई ल्याउँदै गरेको उक्त मोटर पार्ट्ससहित नियन्त्रणमा लिएको हो । उनी उक्त गाडीको चालक रहेका छन् । शाहलाई बरामद मोटर पार्टस् तथा कारसहित आवश्यक कारवाहीको लागि भैरहवा भन्सार कार्यालय बेलहियामा बुझाईएको छ ।

सिराहा जिल्लाको सिराहा नगरपालिका १९ जोगियामाबाट चैत्र ७ गते सशस्त्र प्रहरीले करीव २ लाख ४४ हजार रुपैयाँ बराबरको किराना सामान बरामद गरेको छ । भारतबाट भन्सार छली ल्याउँदै गरेको सो सामान नम्बर ७ गण सिरहाले बरामद गरेको हो । बरामद सामान आवश्यक कारवाहीको लागि सिरहा भन्सार कार्यालय मार्डरमा बुझाईएको छ ।

सर्लाही जिल्लाको हरिवन नगरपालिका ११ स्थित एक घरको गोदामबाट चैत्र ५ गते सशस्त्र प्रहरी र राजश्व करदाता सेवा कार्यालय लालबन्दीले १ लाख ६७ हजार ९ सय रुपैयाँ बराबरको अवैध सुर्तीजन्य पदार्थ बरामद गरेको छ । अवैध रुपले लुकाई छिपाई राखेको भन्ने सूचना पाएपश्चात सशस्त्र प्रहरी बल नम्बर १० गण सर्लाही र सो कार्यालयबाट खटिएको टोलीले उक्त सुर्तिजन्य पदार्थ बरामद गरेको हो । बरामद सुर्तिजन्य पदार्थ भन्सार कार्यालय मलंगवामा बुझाइएको छ ।

सिरहा जिल्लाको औरही गाँउपालिका ४ दरैयाबाट चैत्र ६ गते सशस्त्र प्रहरीले करीब ६ लाख ७३ हजार रुपैयाँ बराबरको अवैध लत्ताकपडा बरामद गरेको छ । भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा सशस्त्र प्रहरी बल नेपाल नम्बर ७ गण सिरहा र सुरक्षा बेस सुखिपुरले बरामद गरेको हो । बरामद लत्ताकपडा भन्सार कार्यालय मार्डर सिरहामा बुझाइएको छ ।

काठमाडौं, नेपाल भारत महिला मैत्री समाज र सशस्त्र प्रहरी परिवार महिला संघको संयुक्त आयोजनामा चैत्र ४ गते एक दिने निःशुल्क स्वास्थ्य शिविर संचालन गरिएको छ । काठमाडौंको तारकेश्वर नगरपालिका ५ अर्यालटारस्थित खेलकुद मैदानमा संचालन गरिएको सो स्वास्थ्य शिविरमा २०८ जना महिला र ३८८ जना पुरुष गरी ५९६ जनाको स्वास्थ्य परिक्षण गर्नुकासाथै निःशुल्क रुपमा औषधी वितरण गरिएको थियो । नेपाल भारत महिला मैत्री समाजकी अध्यक्ष समेत रहनु भएकी माननीय सांसद चन्दा चौधरीको प्रमुख आतिथ्यतामा सम्पन्न स्वास्थ्य शिविरमा स्थानीय सर्वसाधारण, बृद्धबृद्धा, अशक्त र सशस्त्र प्रहरी कर्मचारीका आश्रित परिवारहरुले निःशुल्क स्वास्थ्य उपचार सेवा लिएका छन् । त्यसअवसरमा उहाँले अशक्त तथा अपाङ्गता भएकाहरुको लागि ६ वटा ह्वील चेयर समेत हस्तान्तरण गर्नुभएको थियो । नेपाल एपीएफ अस्पताल बलम्बुका चिकित्सकहरुद्वारा साधारण स्वास्थ्य परिक्षण, नाक कान घाँटी, आँखा, हाडजोर्नी, बाल रोग, स्त्री रोग र अल्ट्रा साउण्ड लगायतको स्वास्थ्य सेवा प्रदान गरिएको थियो । सो निःशुल्क स्वास्थ्य शिविर कार्यक्रममा सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्याल, तारकेश्वर नगरपालिकाकी उप-प्रमुख श्रृजना बुर्लाकोटी, नेपाल भारत महिला मैत्री समाजका तथा सशस्त्र प्रहरी परिवार महिला संघका पदाधिकारीहरु लगायत स्थानीय भद्रभलादमीहरुको समेत उपस्थिति रहेको थियो । कार्यक्रममा माननीय सांसद चन्दा चौधरीले सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्याललाई मायाको चिनो प्रदान गर्नुभएको थियो भने संघकी अध्यक्ष श्रीमती अर्यालले सो स्वास्थ्य शिविर संचालनमा सहयोग पुर्‍याउनु हुने महानुभावहरुलाई प्रशंसापत्र प्रदान गर्नुभएको थियो । काठमाडौं, नेपाल भारत महिला मैत्री समाज र सशस्त्र प्रहरी परिवार महिला संघको संयुक्त आयोजनामा चैत्र ४ गते एक दिने निःशुल्क स्वास्थ्य शिविर संचालन गरिएको छ । काठमाडौंको तारकेश्वर नगरपालिका ५ अर्यालटारस्थित खेलकुद मैदानमा संचालन गरिएको सो स्वास्थ्य शिविरमा २०८ जना महिला र ३८८ जना पुरुष गरी ५९६ जनाको स्वास्थ्य परिक्षण गर्नुकासाथै निःशुल्क रुपमा औषधी वितरण गरिएको थियो । नेपाल भारत महिला मैत्री समाजकी अध्यक्ष समेत रहनु भएकी माननीय सांसद चन्दा चौधरीको प्रमुख आतिथ्यतामा सम्पन्न स्वास्थ्य शिविरमा स्थानीय सर्वसाधारण, बृद्धबृद्धा, अशक्त र सशस्त्र प्रहरी कर्मचारीका आश्रित परिवारहरुले निःशुल्क स्वास्थ्य उपचार सेवा लिएका छन् । त्यसअवसरमा उहाँले अशक्त तथा अपाङ्गता भएकाहरुको लागि ६ वटा ह्वील चेयर समेत हस्तान्तरण गर्नुभएको थियो । नेपाल एपीएफ अस्पताल बलम्बुका चिकित्सकहरुद्वारा साधारण स्वास्थ्य परिक्षण, नाक कान घाँटी, आँखा, हाडजोर्नी, बाल रोग, स्त्री रोग र अल्ट्रा साउण्ड लगायतको स्वास्थ्य सेवा प्रदान गरिएको थियो । सो निःशुल्क स्वास्थ्य शिविर कार्यक्रममा सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्याल, तारकेश्वर नगरपालिकाकी उप-प्रमुख श्रृजना बुर्लाकोटी, नेपाल भारत महिला मैत्री समाजका तथा सशस्त्र प्रहरी परिवार महिला संघका पदाधिकारीहरु लगायत स्थानीय भद्रभलादमीहरुको समेत उपस्थिति रहेको थियो । कार्यक्रममा माननीय सांसद चन्दा चौधरीले सशस्त्र प्रहरी परिवार महिला संघकी अध्यक्ष श्रीमती अनिता लामिछाने अर्याललाई मायाको चिनो प्रदान गर्नुभएको थियो भने संघकी अध्यक्ष श्रीमती अर्यालले सो स्वास्थ्य शिविर संचालनमा सहयोग पुर्‍याउनु हुने महानुभावहरुलाई प्रशंसापत्र प्रदान गर्नुभएको थियो ।

राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालित सि.सं. २ प्रशासनिक व्यवस्थापन (सिनियर अधिकृत) तालिम र सि.सं. ३० गुल्मपति तथा स्टाफ तालिम सम्पन्न तथा सि.सं. ५ ईन्टेलिजेन्स (सिनियर अधिकृत) तालिम सुरु भएको छ । सशस्त्र प्रहरी महानिरीक्षक राजु अर्यालले प्रतिष्ठानमा चैत्र ५ गते उल्लेखित तालिमहरुको समापन तथा उद्घाटन गर्नुका साथै सम्पन्न तालिमका उत्कृष्ट प्रशिक्षार्थीहरुलाई पुरस्कार तथा प्रमाणपत्र समेत प्रदान गर्नुभयो । उहाँले फौजी संगठनलाई चलायमान बनाईराख्न तालिमको विशेष महत्व रहने उल्लेख गर्नुहुँदै तालिमले संगठनका राष्ट्रसेवक कर्मचारीहरुलाई लगनशिल, अनुशासित, कर्तब्यनिष्ठ बनाउनुको साथै पेशागत दक्षता अभिबृद्धि र संगठनप्रति अझ निष्ठावान बनाउने विश्वास व्यक्त गर्नुभयो । महानिरीक्षक अर्यालले कार्यक्षेत्रमा संगठनले प्रदर्शन गर्ने व्यावसायिकता त्यहाँ कार्यरत कर्मचारीमा निर्भर हुन्छ, भने कर्मचारीले सम्पादन गर्ने हरेक काम कारवाहीको सफलता तथा असफलता उसले लिएको सेवाकालिन तालिमहरुबाट निर्देशित हुने बताउनुभयो । उहाँले सशस्त्र प्रहरी बल नेपाललाई राज्यले सुम्पिएको जिम्मेवारी सफलतापूर्वक निर्वाह गर्न संगठनका हरेक सदस्य शारीरिक रुपमा सबल र मानसिक रुपमा सक्षम, इमान्दार, अनुशासित हुनु अपरिहार्य रहेको बताउनुहुँदै सकारात्मक सोचका साथ सम्पादन गरिने कुनै पनि काम कारवाहीले उत्कृष्ट नतिजा हासिल गर्दै सुरक्षा वृत्तमा संगठनलाई अब्बल सुरक्षा संयन्त्र सावित गर्न थप टेवा पु¥याउने उल्लेख गर्नुभयो । महानिरीक्षक अर्यालले संगठन सरुवा बढुवा र सेवा सुविधा लगायतका विषयमा पद्धती हावी हुने अवस्था सिर्जना गरी सबैलाई समान र न्यायोचित अवसर प्रदान गर्ने दिशामा अघि बढिरहेको बताउनुहुँदै संगठनका हरेक कर्मचारीले आफ्नो क्षमतालाई कार्यक्षेत्रमा लगानी गरी व्यक्तिगत स्वार्थ, आग्रह र पूर्वाग्रहलाई थाँती राखेर नेतृत्वसँग हातेमालो गर्दै संगठनको विकास र विस्तारमा एउटै लक्ष्यका साथ अघि बढ्न निर्देशन दिनुभयो । सशस्त्र प्रहरी बल नेपालले राष्ट्रसेवक सशस्त्र प्रहरी कर्मचारीहरुको लागि उपलब्ध गराउने पेशागत तालिममा विशेष चासो राखेर नियमित संचालन गरिरहेको उल्लेख गर्नुहुँदै उहाँले समय अनुसार प्रविधिको विकाससँगै बढ्दै गएको सुरक्षा चुनौतीहरुलाई परास्त गर्न सक्ने दक्ष जनशक्ति उत्पादनमा प्रशिक्षण प्रतिष्ठानले पुर्‍याएको योगदानको प्रशंसा गर्नुभयो । साथै आगामी दिनमा प्रशिक्षण कार्यलाई समयानुकुल थप आधुनिक र वैज्ञानिक बनाउँदै लैजान सो प्रतिष्ठानलाई निर्देशन समेत दिनुभयो । ६ हप्ता अवधिकोे प्रशासनिक व्यवस्थापन तालिममा २७ जना, १२ हप्ता अवधिको गुल्मपति तथा स्टाफ तालिममा ३३ जना र ईन्टेलिजेन्स तालिममा २६ जना अधिकृतहरुको सहभागिता रहेको छ । कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम, बंशीराज दाहाल, प्रतिष्ठानका कार्यकारी निर्देशक अभि कुमार खत्री, सशस्त्र प्रहरी बल नेपालका बरिष्ठ अधिकृतहरु लगायत सशस्त्र प्रहरी अधिकृत तथा विल्लादार जवानहरुको समेत उपस्थिती रहेको थियो ।

इलाम जिल्लाको इलाम नगरपालिका १० स्थित माई खोलाको अमले दहमा पौडी खेल्ने क्रममा वेपत्ता भएकी १४ बर्षिया बालिका प्रतिक्षा मगरको शव सशस्त्र प्रहरीले फेला पारेको छ । सो बारे जानकारी पाएपश्चात सशस्त्र प्रहरी बल नेपाल नम्बर १ गण इलामबाट खटिएको टोलीले उनको शव दहको बीच भागमा माटोमा गाडिएको अवस्थामा फेला पारेको हो । सशस्त्र प्रहरीले उनको शव पानीबाट बाहिर निकाली पोष्टमार्टमको लागि स्थानीय प्रहरीलाई बुझाएको छ ।

सशस्त्र प्रहरी बल नेपाल प्रधान कार्यालय स्वयम्भु हलचोकमा संचालन भएको ‘सशस्त्र प्रहरी महानिरीक्षक कप-२०७९’ अन्तर्गत फुटबल खेलको उपाधी सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीले जित्न सफल भएको छ । सशस्त्र प्रहरी महानिरीक्षक राजु अर्यालले शुक्रबार प्रतियोगिता समापन गर्नुको साथै उत्कृष्ट खेलाडी तथा बिजयी टिमलाई ट्रफी, मेडल र पुरस्कार समेत प्रदान गर्नुभयो । महानिरीक्षक अर्यालले सशस्त्र प्रहरी बल नेपालले व्यावसायिक काम, कर्तव्यको साथसाथै नेपाली खेलकुदको विकास, विस्तार र प्रवद्र्धनको क्षेत्रमा आफुलाई क्रियाशिल गराउँदै आएको बताउनुहुँदै खेलकुदमा हुने स्वच्छ प्रतिस्पर्धाबाट खेलाडीहरुमा अनुशासन, कर्तव्य परायणता एवं सामुहिक भावनाको समेत बिकास हुने उल्लेख गर्नुभयो । उहाँले यस्ता प्रतियोगिताले संगठनमा आपसी सहयोग, भाईचारा र बन्धुत्वको भावना बिकास हुनुको साथै खेलकुद र फौजी जीवनको अन्योन्याश्रीत सम्बन्धले सशस्त्र प्रहरी बलको कार्यक्षेत्रमा क्षमता र शारिरीक स्फुर्ती कायम राखी प्रभावकारी कार्यसम्पादन गर्न सहयोगी भूमिका खेल्ने बताउनुभयो । सशस्त्र प्रहरी बल नेपालले खेलकुदलाई आफ्नो स्थापना कालदेखि नै महत्वका साथ राष्ट्रिय तथा अन्तर्राष्ट्रिय खेलकुद प्रतियोगिताहरुमा उत्साहजनक सहभागिता जनाउँदै आएको उल्लेख गर्नुहुँदै महानिरीक्षक अर्यालले संगठनमा लुकेर रहेका प्रतिभावान खेलाडीहरुको उत्पादन र बृत्तिबिकासमा निरन्तर लागि रहने बताउनुभयो । कार्यक्रममा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्र प्रकाश गौतम र बंशीराज दाहालले खेलका उप-बिजेता टिम तथा खेलाडी र अफिसियलहरुलाई सम्मानपत्र, पदक तथा पुरस्कार प्रदान गर्नुभयो । प्रतियोगिताको फाईनल खेलमा सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय महोत्तरीले नम्बर ७ बैद्यनाथ बाहिनी मुख्यालय कैलालीलाई १-० गोलको अन्तरले पराजित गरी उपाधी जितेको हो । नेपाल ए.पी.एफ. क्लावको आयोजनामा संचालित उक्त प्रतियोगिता यही फागुन २८ गतेदेखि प्रधान कार्यालयको रंगशालामा संचालन भएको थियो ।

विश्व स्वास्थ्य संगठनको आर्थिक तथा प्राविधिक सहयोगमा नेपाल एपीएफ अस्पताल बलम्वु काठमाडौंको परिषरभित्र निर्माण गरिएको ९२ शैयाको Severe Acute Respiratory Infection (SARI) Treatment Facility सशस्त्र प्रहरी बल नेपाललाई हस्तान्तरण गरिएको छ । नेपाल एपीएफ अस्पताल बलम्वुमा फागुन ३० गते आयोजित कार्यक्रमका बीच नेपाल सरकार स्वास्थ्य तथा जनसंख्या मन्त्रालयका सचिव डा. रोशन पोखरेललाई विश्व स्वास्थ्य संगठनका दक्षिण पूर्वी एशिया क्षेत्रिय निर्देशक डा.पूनम क्षेत्रपाल सिंहले हस्तान्तरण गर्नुभएको सो Treatment Facility डा. पोखरेलले सशस्त्र प्रहरी महानिरीक्षक राजु अर्याललाई हस्तान्तरण गर्नुभएको हो । गम्भिर प्रकृतीको श्वासप्रश्वास संक्रामक रोगहरुको उपचारमा स्वास्थ्य सेवा, सुविधा प्रदान गर्ने उद्देश्यले निर्माण गरिएको उक्त Treatment Facility मा ७२ वटा वार्ड बेड, १४ वटा सघन उपचार कक्ष र ६ वटा ट्रिएज बेड रहेका छन् । कार्यक्रममा नेपाल सरकार स्वास्थ्य तथा जनसंख्या मन्त्रालयका सचिव डा. रोशन पोखरेलले कोभिड-१९ महामारीको कठिन अवस्थामा समेत सशस्त्र प्रहरी बल नेपालको एपीएफ अस्पतालले कोभिड डेडिकेटेड अस्पतालको रुपमा अनुकरणीय योगदान पुर्‍याएको स्मरण गर्नुहुँदै मंगलबार हस्तान्तरण भएको फिल्ड अस्पतालले श्वासप्रश्वाससँग सम्बन्धित महामारी र विपद्को समयमा आम जनतालाई अझै प्रभावकारी रुपमा सेवा प्रदान गर्न सफल हुने बताउनुभयो । विश्व स्वास्थ्य संगठन दक्षिण पूर्वी एशिया क्षेत्रिय निर्देशक डा. पूनम क्षेत्रपाल सिंहले दक्षिण पूर्वी एशिया क्षेत्रमा नै पहिलो पटक संचालन हुन लागेकोSevere Acute Respiratory Infection (SARI) Treatment Facility ले गम्भिर प्रकृतीको स्वासप्रश्वास संक्रामक रोगहरुको उपचारमा सेवा प्रदान गर्न आवश्यक दक्ष जनशक्ति तथा भौतिक पूर्वाधारहरु पूर्व तयारी अवस्थामा रहनुका साथै सामान्य अवस्थामा समेत केन्द्रले दक्ष उपचार सेवा प्रदान गर्ने बताउनुभयो । कार्यक्रममा सशस्त्र प्रहरी महानिरीक्षक राजु अर्यालले प्राकृतीक प्रकोप एवं महामारी व्यवस्थापनमा सशस्त्र प्रहरी बल नेपालले निर्वाह गर्दै आईरहेको जिम्मेवारीहरुलाई थप प्रभावकारी बनाउन तथा विशेषत श्वासप्रश्वास संक्रमण सम्बन्धि स्वास्थ्य उपचार प्रदान गर्न यस्ता प्रकृतीका संरचना तथा पूर्वाधारहरुले थप टेवा पुग्ने बताउनुभयो । उहाँले मानव जीवनको अस्तित्वसँग जोडिएको श्वासप्रश्वास जस्तो संवेदशिल विषयमा आवश्यकलाई महसुस गरी यसको महत्व, अपरिहार्यता र भावि चुनौतीको गहन अध्ययनका साथ स्वास्थ्य उपचार प्रदान गर्ने निकायका रुपमा सशस्त्र प्रहरी बल नेपाललाई Treatment Facility हस्तान्तरण गर्नुभएकोमा विश्व स्वास्थ्य संगठन, नेपाल सरकार स्वास्थ्य तथा जनसंख्या मन्त्रालय लगायत सम्बन्धित सरोकारवाला निकायप्रति आभार प्रकट गर्नुभयो । उहाँले यस Treatment Facility केन्द्रद्धारा सेवा प्रदान गर्ने कार्यमा भविष्यमा समेत विश्व स्वास्थ्य संगठन, मन्त्रालय र अन्य सरोकारवाला निकायको निरन्तर सहयोग र समन्वय रहिरहने विश्वास व्यक्त गर्नुभयो । कार्यक्रममा विश्व स्वास्थ्य संगठनका नेपाल प्रतिनिध डा.राजेश शाम्भाजी राओ पाण्डव, चन्द्रागिरी नगरपालिकाका प्रमुख घनश्याम गिरी, सशस्त्र प्रहरी अतिरिक्त महानिरीक्षकहरु लगायत विभिन्न संघ संस्थाका प्रतिनिधिहरुको समेत उपस्थिती रहेको थियो ।

नेपाल पूर्व सशस्त्र प्रहरी संघको पन्ध्रौं बार्षिकोत्सव तथा साधारण सभा फागुन ३० गते प्रधान कार्यालय हलचोक स्वयम्भूमा सम्पन्न भएको छ । कार्यक्रमका प्रमुख अतिथि सशस्त्र प्रहरी महानिरीक्षक राजु अर्यालले सो संघका जेष्ठ सदस्यहरु तथा संगठनबाट सेवा निवृत्त भई विभिन्न कारणले सशस्त्र प्रहरी दिवस कार्यक्रममा उपस्थित हुन नसकेका कर्मचारीहरुलाई सम्मानपत्र प्रदान गर्नुको साथै संघको E-Bulletin को बिमोचन समेत गर्नुभएको थियो । उहाँले जिम्मेवारी निर्वाहको क्रममा प्राणोत्सर्ग गर्नुहुने संस्थापक सशस्त्र प्रहरी महानिरीक्षक स्व.कृष्णमोहन श्रेष्ठ लगायत सम्पूर्ण अमर सशस्त्र प्रहरी कर्मचारीहरुको योगदानको स्मरण गर्नुहुँदै घाईते तथा अङ्गभङ्ग भएका सशस्त्र प्रहरी कर्मचारीहरुको सिघ्र स्वास्थ्यलाभको कामना गर्नुभयो । महानिरीक्षक अर्यालले संगठनमा आवद्ध रहँदा अनुभव, शिक्षा, सीप र पेशागत दक्षतालाई संगठनको श्रीवृद्धिमा कुसल परिचालन गर्दै संगठनको लक्षित उद्देश्य हाँसिल गर्न उहाँहरुले बगाउनु भएको पसिना, लगनशिलता र सक्रियकताको मुक्त कण्ठले प्रशंसा गर्नुभयो । नेपाल पूर्व सशस्त्र प्रहरी संघले बिभिन्न समयमा संगठनको पहिचान तथा प्रवद्र्धनमा पुर्‍याएको योगदान प्रशंसनिय रहेको बताउनुहुँदै महानिरीक्षक अर्यालले भन्नुभयो- ‘विगत र वर्तमान जस्तै भविष्यमा पनि संघले समग्र राष्ट्र, संगठन र बहाल तथा आवकाश प्राप्त कर्मचारीहरुको हितमा आफ्ना पाईलाहरु अघि बढाउँदै लैजाने कुरामा म विश्वस्त रहेको छु ।’ उहाँले संगठनमा कार्यरत कर्मचारीहरु, अवकाश प्राप्त तथा अमर सशस्त्र प्रहरी कर्मचारीहरु र आश्रित परिवारजनको हितमा विगत देखिनै कल्याणकारी कार्य संचालन गरिरहेको र अग्रजहरुबाट प्राप्त सुझाबहरुलाई समेत समेट्दै सांगठानिक विकास विस्तारमा निरन्तर लागिरहेको बताउनुभयो । संघका सल्लाकार अवकाश प्राप्त सशस्त्र प्रहरी महानिरीक्षक सनत कुमार बस्नेतले विगतमा कति सफलता प्राप्त गर्‍यौं र भोलीका दिनहरुमा कसरी अघि बढ्ने भन्ने कुराको योजना बनाउँदै गएमा सफलता मिल्ने बताउनुभयो । संघका अध्यक्ष अवकास प्राप्त सशस्त्र प्रहरी अतिरिक्त महानिरीक्षक रविराज थापाले धन्यवाद मन्तव्य व्यक्त गर्नुहुँदै अवकाश प्राप्त र बहालमा रहेका कर्मचारी एउटै परिवरका सदस्यहरु रहेको हुँदा एक आपसमा माया, स्नेह, सहयोग र सद्भाव जरुरी रहेको बताउनुभयो । उहाँले संगठनको विकास र विस्तार गर्न पूर्व सशस्त्र प्रहरी कर्मचारीहरुको समेत योगदान जरुरी रहेको बताउनुहुँदै वर्तमान नेतृत्वले अवकाश प्राप्त कर्मचारीहरुसँग भेटघाट र समस्या बुझ्ने कार्यको थालनी गर्नु सह्रानिय र स्वागतयोग्य रहेको बताउनुभयो । अवकाश प्राप्त सशस्त्र प्रहरी नायव महानिरीक्षक महेन्द्र कुमार भट्टचनले स्वागत मन्तव्य राख्नुहुँदै नेपाल पूर्व सशस्त्र प्रहरी संघको भवन गण्डकी प्रदेशमा निर्माण कार्य शुरु भएको हुँदा आगामी साधारण सभा उक्त प्रदेशमा राख्नुपर्ने प्रस्ताव गर्नुभयो । विशेष अतिथिहरु पूर्व राष्ट्रसेवक संगठन राष्ट्रिय समन्वय परिषद् नेपालका अध्यक्ष एवं नेपाल सरकारका पूर्व सचिव बालकृष्ण प्रसाई, नेपाल राष्ट्रिय भूतपूर्व सैनिक संघका सभापति एवं पूर्व सहायक रथि दिगम्बर शम्शेर राणा, नेपाल पूर्व प्रहरी संगठनका बरिष्ठ उपाध्यक्ष एवं पूर्व प्रहरी अतिरिक्त महानिरीक्षक बिनोद सिंह, पूर्व राष्ट्रिय अनुसन्धान विभाग कर्मचारी संघका उपाध्यक्ष एवं पूर्व अनुसन्धान निर्देशक रबिन्द्र पण्डितले शुभकामना मन्तव्य राख्नुभएको थियो । संघले हालसम्म चारवटा प्रदेशका १६ जिल्लामा कार्यकारी समिति गठन समेत गरिसकेको जानकारी कार्यक्रममा गराईएको थियो । कार्यक्रममा अवकाश प्राप्त सशस्त्र प्रहरी महानिरीक्षक, सशस्त्र प्रहरी अतिरिक्त महानिरीक्षकहरु, पूर्व राष्ट्रसेवक संगठन राष्ट्रिय समन्वय परिषद् नेपालका महासचिव एवं नेपाल सरकारका पूर्व सह-सचिव तारानाथ सुवेदी लगायत सशस्त्र प्रहरी बरिष्ठ अधिकृतहरु, अवकाश प्राप्त बरिष्ठ अधिकृत, अधिकृत तथा विल्लादार जवानहरुको समेत उपस्थिती रहेको थियो ।

रौतहट जिल्लाको कटहरिया नगरपालिका ५ कटहरियाबाट फागुन २९ गते सशस्त्र प्रहरीले १ लाख ११ हजार रुपैयाँ बराबरको भन्सार छलीको सिपिएल बल्ब बरामद गरेको छ । भारतबाट अवैध रुपले भन्सार छली ल्याउँदै गरेको उल्लेखित मूल्य बराबरको १ हजार १ सय ३० वटा बल्ब सशस्त्र प्रहरी बल नेपाल सुरक्षा बेस दुधियाभारले बरामद गरेको हो । बरामद बल्ब भन्सार कार्यालय गौरमा बुझाइएको छ ।