समाचार

पर्सा,
        पर्सा जिल्लाको पर्सागढी नगरपालिका ४ झाब्राबाट जेठ २४ गते एपीएफ टोली र
सव डिभिजन वन कार्यालय सवैयाका कर्मचारीले करीव ३३ हजार रुपैयाँ बरारबको
सालको गोलिया काठ बरामद गरेको छ ।
        सोही ठाउँ नजिकै रहेको जंगलको झाडीमा लुकाई छिपाई राखेको अवस्थामा
उल्लेखित मुल्य बराबरको करीव ९ क्यूफिट सालको गोलिया काठ सशस्त्र प्रहरी
बल, नेपाल सुरक्षा वेश बेलवाबाट खटिएको एपीएफ टोली र सव डिभिजन वन
कार्यालय सवैयाका कर्मचारीले बरामद गरेको हो ।
        बरामद काठ सव डिभिजन वन कार्यालय सवैयामा बुझाईएको छ ।

झापा,
      झापा जिल्लाको झापा गाँउपालिका ४ स्थित सीमा ईलाकाबाट जेठ २२ गते एपीएफ टोलीले करीब एक लाख ३० हजार रुपैयाँ बराबरको चोरीपैठारीको हार्डवयरका सामान बरामद गरेको छ ।
    भारतबाट नेपालतर्फ बी आर ३७ एच ९४९७ नम्बरको भारतीय मोटरसाइकलमा राखेर अवैध रुपले ल्याउँदै गरेको अवस्थामा सशस्त्र प्रहरी बल, नेपाल बोर्डर आउट पोष्ट टाघनटुब्बाबाट खटिएको एपीएफ टोलीले उक्त हार्डवयरका सामान बरामद गरेको हो ।
    बरामद सामान स्थानीय भन्सार कार्यालयमा बुझाइएको छ ।

सिरहा,
    सिरहा जिल्लाको सिरहा नगरपालिका १७ खैरटोका नाकाबाट जेठ २२ गते एपीएफ टोलीले विभिन्न किसिमको लागूऔषधसहित सोही जिल्लाको बिष्णुपुर गाँउपालिका २ बस्ने १८ बर्षिय प्रमोदकुमार यादवलाई पक्राउ गरेको छ ।
    सशस्त्र प्रहरी बल, नेपाल बोर्डर आउट पोष्ट माडरबाट खटिएको एपीएफ टोलीले निज यादवलाई शंका लागि जाँच गर्दा उनको साथमा कोडाइन फासफेट आठ बोतल र डाईलेक्स डिसी दुई बोतल फेला परेपछि पक्राउ गरिएको हो ।
    पक्राउ परेका यादवलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाइएको छ ।

सर्लाही,
        सर्लाही जिल्लाको बलरा नगरापालिका ३ स्थित सीमा ईलाकाबाट जेठ २२ गते
एपीएफ टोलीले करीव ४ के.जी. गाँजा बरामद गरेको छ ।
        उक्त गाँजा सशस्त्र प्रहरी बल, नेपाल बोर्डर आउट पोष्ट खुटौनाबाट खटिएको
एपीएफ टोलीले बरामद गरेको हो ।
        त्यसवेला उक्त गाँजा ल्याउँदै गरेका व्यक्तिले बोकेको झोला एपीएफ
टोलीलाई देख्नासाथै सोही ठाउँमा फाली फरार भएपछि सो झोलामा जाँच गर्दा
उल्लेखित परिमाणको गाँजा फेला परेपछि बरामद गरिएको हो ।

रुपन्देही,
रुपन्देही जिल्लाको रोहिणी गाँउपालिका २ मोहिनीहवाबाट जेठ २३ गते एपीएफ
टोलीले विभिन्न किसिमको लागूऔषधसहित दुई जनालाई पक्राउ गरेको छ ।
        पक्राउ पर्नेहरुमा सोही जिल्लाको बुटवल उपमहानगरपालिका १७ बस्ने २८
बर्षिय संजय थापा र २९ बर्षिय राजन खनाल छन् ।
        लु ५१ प ५१३० नम्बरको मोटरसाइकलमा सवार उनीहरुलाई सशस्त्र प्रहरी बल,
नेपाल फरवार्ड बेस मोहिनीहवाबाट खटिएको एपएिफ टोलीले जाँच गर्दा उनीहरुको
साथमा नोफिन २५ बोतल, फेनारगन २५ बोतल र डाईजेपाम २५ बोतल फेला परेपछि
पक्राउ गरिएको हो ।
        पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय
प्रहरीमा बुझाइएको छ ।

बारा,
        बारा जिल्लाको सिम्रौनगढ नगरपालिका ६ अमरपुरस्थित सीमा ईलाकाबाट जेठ २४
गते एपीएफ टोलीले १५ लाख रुपैयाँ तथा करीब ३३ हजार रुपैयाँ बराबरको
चोरीपैठारीको लत्ताकपडा बरामद गरेको   छ ।
        सशस्त्र प्रहरी बल, नेपाल बोर्डर आउट पोष्ट गोलागंजबाट खटिएको एपीएफ
टोलीले उल्लेखित रुपैयाँ तथा लत्ताकपडा बरामद गरेको हो ।
        उक्त लत्ताकपडा टाउको बोकी ल्याउँदै गरेका व्यक्तिले एपीएफ टोलीलाई
देख्नासाथै उक्त लत्ताकपडा सोही ठाउँमा छाडि फरार भएपछि सो लत्ताकपडामा
जाँच गर्दा उल्लेखित रुपैयाँ समेत बरामद भएको थियो ।

कैलाली,
कैलाली जिल्लाको धनगढी उपमहानगरपालिका १० जुगेडा कटानबाट जेठ २४ गते एपीएफ टोलीले
११ ग्राम सात सय मिलिग्राम ब्राउन सुगरसहित तीन जनालाई पक्राउ गरेको छ ।
        पक्राउ पर्नेहरुमा सोही ठाउँ बस्ने २३ बर्षिय गौरब श्रेष्ठ, २३ बर्षिय
राजेन्द्र भाट र १८ बर्षिय बलराम राना छन् ।
        उनीहरुलाई सशस्त्र प्रहरी बल, नेपाल बोर्डर आउट पोष्ट जुगेडाबाट खटिएको
एपीएफ टोलीले पक्राउ गरेको हो ।
        सु.प.प्र.प. ०१–००८ प ५४८७ नम्बरको मोटरसाइकलमा सवार उनीहरुलाई एपीएफ
टोलीले शंका लागि जाँच गर्दा उनीहरुको साथमा उल्लेखित परिमाणको २० वटा
सानो प्याकेट ब्राउन सुगर फेला परेपछि पक्राउ गरिएको हो ।
        एपीएफ टोलीले त्यसबेला उल्लेखित मोटरसाइकल, मोबाईल तीन वटा र पाँच हजार
रुपैयाँ समेत बरामद गरेको छ ।
        पक्राउ परेकाहरुलाई बरामद ब्राउन सुगर, मोटरसाइकल, मोबाईल र रुपैयाँसहित
आवश्यक कारवाहीको लागि स्थानीय प्रहरीमा बुझाइएको छ ।

लम्जुङ,
        लम्जुङ जिल्लाको सुन्दरबजार नगरपालिका ८ अकलापुल स्थित मस्र्याङदी
नदिबाट जेठ २१ गते एपीएफ टोलीले एउटा शव फेला पारेको छ ।
        सोही ठाउँ बस्ने ६५ वर्षिया पार्वती राउत उक्त नदिमा वेपत्ता भएको भन्ने
खबर पाउनासाथै सशस्त्र प्रहरी बल, नेपाल विपद् व्यवस्थापन तालिम शिक्षालय
कुरिनटारबाट खटिएको गोताखोरसहितको एपीएफ टोली उनको खोजी कार्यमा जुटेको
थियो ।
        उक्त नदिको करीव तीन फिट तल ढुङ्गामा च्यापिएको अवस्थामा एपीएफ टोलीले
उनको शव फेला पारेको हो ।

पर्सा,
      पर्सा जिल्लाको छिपरमाई गाउँपालिका ४ बन्जारीबाट जेठ २२ गते एपीएफ
टोलीले २२ लाख ४८ हजार रुपैयाँसहित एक जनालाई पक्राउ गरेको छ ।
        पक्राउ पर्नेमा सोही जिल्लाको बहुदरमाई नगरपालिका ५ बस्ने २५ वर्षिय
प्रकाश साह छन् ।
        उनलाई सशस्त्र प्रहरी, बल नेपाल बोर्डर आउट पोष्ट भिष्वाबाट खटिएको
एपीएफ टोलीले पक्राउ गरेको हो ।
        ना ४३ प २८०२ नम्बरको मोटरसाईकलमा सवार निज साहलाई गस्तीमा खटिएको एपीएफ
टोलीले शंका लागि जाँच गर्दा उक्त मोटरसाईकलको ट्याङ्की मुनी लुकाई छिपाई
ल्याउँदै गरेको अवस्थामा उल्लेखित रुपैयाँ फेला परेपछि पक्राउ गरिएको हो
।
        एपीएफ टोलीले पक्राउ परेका निज साहलाई बरामद रुपैयाँ तथा मोटरसाईकलसहित
आवश्यक करावाहीको लागि जिल्ला प्रहरी कार्यालय पर्सामा बुझाएको छ ।

सर्लाही,
        सर्लाही जिल्लाको मलंगवा नगरपालिका ६ स्थित सीमा ईलाकाबाट जेठ १९ गते
एपीएफ टोलीले विभिन्न किसिमका लागूऔषध बरामद गरेको छ ।
        भारतबाट नेपालतर्फ आउँदै गरेका व्यक्तिले सशस्त्र प्रहरी बल नेपाल
बोर्डर आउट पोष्ट खुटौनाबाट सशस्त्र प्रहरी सहायक निरीक्षक शिवशंकर
चौधरीको कमाण्डमा खटिएको एपीएफ टोलीलाई देख्नासाथै निजले बोकेको पोका
सोही ठाउँमा छाडी भागी फरार भएपछि सो पोकामा जाँच गर्दा लुकाई छिपाई
राखेको अवस्थामा एक सय एमएलको ५० बोतल वालरेक्स र एक सय एमएलको ५० बोतल
डाईलेक्स फेला परेपछि बरामद गरिएको हो ।
 

रुपन्देही,
         रुपन्देही जिल्लाको सिद्धार्थनगर नगरपालिका ११ भुजौली स्थित सीमा
ईलाकाबाट जेठ १९ गते एपीएफ टोलीले करीव एक लाख दुई हजार रुपैयाँ बराबरको
चोरीपैठारीको सामान बरामद गरेको छ ।
        भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको
युरिया मल, चिनी, लत्ताकपडा, किराना सामान र हार्डवेयरका सामान सशस्त्र
प्रहरी बल नेपाल नम्बर २७ गणबाट सशस्त्र प्रहरी निरीक्षक मिनराज भट्टको
कमाण्डमा खटिएको एपीएफ टोलीले बरामद गरेको हो ।
        बरामद सामान भैरहवा भन्सार कार्यालय वेलहियामा बुझाईएको छ ।

कैलाली, 
कैलाली जिल्लाको गौरीगंगा नगरपालिका १ स्थित गौरीगंगा खोलको बगरबाट जेठ १८ गते राति एपीएफ टोली र स्थानीय प्रहरीले करीब तीन लाख रुपैयाँ बराबरकोसाल, खयर र सिसौको ४२ क्यूफिट गोलिया काठसहित एक जनालाई पक्राउ गरेको छ । 
    पक्राउ पर्नेमा सोही जिल्लाको घोडाघोडी नगरपालिका १० बस्ने ४२ बर्षिय सुर्यबहादुर चौधरी छन् । 
    ट्रयाक्टरमा राखेर अवैध रुपले लैजाँदै गरेको अवस्थामा सशस्त्र प्रहरी बल, नेपाल बडिमालिका जवान तालिम शिक्षालय कैलालीबाट खटिएको एपीएफ टोली र स्थानीय प्रहरीले निज चौधरीलाई उक्त काठसहित पक्राउ गरेको हो । 
    एपीएफ टोलीले त्यसवेला उक्त ट्रयाक्टरसमेत बरामद गरेको छ । 
    पक्राउ परेका चौधरीलाई बरामद काठ तथा ट्रयाक्टरसहित आवश्यक कारवाहीको लागि स्थानीय वन कार्यालयमा बुझाइएको छ । 

धनुषा,    
सशस्त्र प्रहरी बल, नेपाल नम्बर ८ गण धनुषाबाट खटिएको एपीएफ टोलीले धनुषा जिल्लाको नगराईन नगरपालिका ७ स्थित सीमा ईलाकाबाट जेठ १९ गते एक्जीप्लोन २५ बोतल र नाईट्रोभेट तीन सयवटा बरामद गरेको छ । 
झोला बोकेर हिडिरहेका व्यक्तिले एपीएफ टोलीलाई देख्नासाथ सोही ठाउँमा झोला छाडि फरार भएपछि उक्त झोला जाँच गर्दा उल्लेखित लागूऔषध फेला परेपछि बरामद गरिएको हो ।  
 

काठमाडौं, 
पश्चिम नवलपरासी जिल्लाको पाल्हिनन्दन गाँउपालिका २ स्थित मुडेराबाट जेठ १९ गते एपीएफ टोलीले करीब तीन लाख ३७ हजार रुपैयाँ बराबरको चोरीनिकासीका छोकडा बरामद गरेको छ । 
    सशस्त्र प्रहरी बल, नेपाल बोर्डर आउट पोष्ट हरपुरबाट खटिएको एपीएफ टोलीले उक्त छोकडा बरामद गरेको हो । 
    सो ठाउँस्थित एक छाप्रोमा नेपालबाट भारततर्फ लैजानको लागि लुकाई छिपाई राखेको अवस्थामा एपीएफ टोलीले उक्त छोकडा बरामद गरेको हो । 
    उक्त छोकडा चोरीनिकासी गरी भारततर्फ लैजानको लागि उक्त छाप्रो लुकाई राखेको सूचनाको आधारमा खटिएको एपीएफ टोलीले सो छाप्रोमा जाँच गर्दा उल्लेखित छोकडा फेला परेको थियो । 
    बरामद छोकडा स्थानीय भन्सार कार्यालयमा बुझाइएको छ । 
    यसैगरी सशस्त्र प्रहरी बल, नेपाल नम्बर १० गण सर्लाहीबाट खटिएको एपीएफ टोलीले जेठ १९ गते करीब एक लाख पाँच हजार रुपैयाँ बराबरको चोरीपैठारीको कस्मेटिक तथा किराना सामान बरामद गरेको छ । 
    भारतबाट अवैध रुपले नेपालतर्फ ल्याउँदै गरेको उक्त सामानहरु सर्लाही जिल्लाको ब्रम्हपुरी गाँउपालिका ४ त्रिभुवननगरस्थित सीमा ईलाकाबाट बरामद गरिएको हो । 
    बरामद सामान स्थानीय भन्सार कार्यालयमा बुझाइएको छ ।

बाँके,
        बाँके जिल्लाको कोहलपुर नगरपालिका ८ स्थित सितलछायाँ सामुदायिक बनबाट
जेठ १५ गते एपीएफ टोलीले लोड अवस्थामा रहेको २ वटा भरुवा बन्दुक बरामद
गरेको छ ।
        सशस्त्र प्रहरी बल, नेपाल नम्बर ५४ गुल्मबाट खटिएको एपीएफ टोलीले
त्यसबेला उल्लेखित भरुवा बन्दुकको साथै उक्त भरुवा बन्दुकमा प्रयोग हुने
२ वटा पटका, २ सय ग्राम छर्रा, ३० ग्राम बारुद र एक थान खुकुरी समेत
बरामद गरेको छ ।
        एपीएफ टोलीले बरामद भरुवा बन्दुक तथा पटका, छर्रा, बारुद र खुकुरी
स्थानीय प्रहरीमा बुझाएको छ ।