धनुषा,
धनुषा जिल्लाको जनकपुर उपमहानगरपालिका २४ बसैयास्थित सीमा ईलाकाबाट साउन
३० गते एपीएफ टोलीले करीब एक लाख ६० हजार रुपैयाँ बराबरको विभिन्न
किसिमको औषधी बरामद गरेको छ ।
ज १ ह २२३१ नम्बरको टेम्पोमा राखेर भारतबाट अवैध रुपले ल्याउँदै गरेको
अवस्थामा सशस्त्र प्रहरी बल, नेपाल राजस्व भन्सार सुरक्षा बेस जनकपुरबाट
खटिएको एपीएफ टोलीले उक्त औषधी बरामद गरेको हो ।
एपीएफ टोलीले त्यसवेला उल्लेखित टेम्पो समेत बरामद गरेको छ ।
बरामद औषधी तथा टेम्पो स्थानीय भन्सार कार्यालयमा बुझाइएको छ । बरामद
टेम्पोको भन्सार दाखिला मूल्य तीन लाख रुपैयाँ रहेको छ ।
