बाँके,
बाँके जिल्लाको नेपालगंज उपमहानगरपालिका १५ पिप्रहवास्थित सीमा ईलाकाबाट साउन ३१ गते एपीएफ टोलीले ६० वटा नाईट्रोभेट टेन ट्याब्लेटसहित सोही ठाउँ बस्ने ३० बर्षिय बब्लु कसकडलाई पक्राउ गरेको छ ।
सशस्त्र प्रहरी बल, नेपाल नम्बर ३० गण बाँकेबाट खटिएको एपीएफ टोलीले निज कसकडलाई उक्त ट्याब्लेटसहित पक्राउ गरेको हो ।
पक्राउ परेका निज कसकडलाई बरामद उक्त ट्याब्लेटसहित आवश्यक कारवाहीको लागि स्थानीय प्रहरीमा बुझाइएको छ ।
