सुनसरी,
सुनसरी जिल्लाको कोशी गाउँपालिका ६ यादव टोलबाट साउन २८ गते एपीएफ
टोलीले एक लाख ७८ हजार एक सय ६० भारतीय रुपैयाँसहित एक जनालाई पक्राउ
गरेको छ ।
पक्राउ पर्नेमा भारतमा घर बताउने ३२ बर्षिय जयकुमार जैसवाल छन् ।
सशस्त्र प्रहरी बल, नेपाल बोर्डर आउट पोष्ट लाहीबाट खटिएको एपीएफ टोलीले
निज जैसवाललाई शंका लागि जाँच गर्दा उनको साथमा उक्त भारतीय रुपैयाँ फेला
परेपछि पक्राउ गरिएको हो ।
एपीएफ टोलीले पक्राउ परेका जैसवाललाई बरामद भारतीय रुपैयाँसहित आवश्यक
कारवाहीको लागि राजश्व अनुसन्धान कार्यालय ईटहरीमा बुझाएको छ ।
