समाचार

सुनसरी जिल्लाको हरिनगर गाँउपालिका १ भुटाहा ईलाकाबाट बैशाख ४ गते सशस्त्र प्रहरी करीब ११ लाख ८ हजार रुपैयाँ बराबरको चोरीपैठारीको लत्ताकपडासहित दुई वटा मोटरसाइकल नियन्त्रणमा लिएको छ । को ३६ प १०६९ र को २० प ८२५६ नम्बरको मोटरसाइकलमा भारतबाट अवैध रुपले नेपालतर्फ ल्याउँदै गरेको अवस्थामा लत्ताकपडासहित मोटरसाइकल सशस्त्र प्रहरी बल, नेपाल प्रस्तावित सीमा सुरक्षा गुल्म कप्तानगंज (¬बिओपी कप्तानगंज) सुनसरीले नियन्त्रणमा लिएको हो । यसैगरी सोही जिल्लाको हरिनगर गाँउपालिका ६ अर्नवास्थित सीमा ईलाकाबाट बैशाख ४ गते सशस्त्र प्रहरी करीब १ लाख ३ हजार रुपैयाँ बराबरको चोरीपैठारीको मोटरपाटर््स नियन्त्रणमा लिएको छ । भन्सार छली ल्याउँदै गरेको मोटरपाटर््स सशस्त्र प्रहरी बल, नेपाल बिओपी घुस्कीले नियन्त्रणमा लिएको हो । नियन्त्रणमा लिएको सामान र मोटरसाइकल भन्सार कार्यालय सेतुबन्ध कोशी ब्यारेजमा बुझाइएको छ । यसैगरी रुपन्देही जिल्लाको सिद्धार्थनगर नगरपालिका १ डण्डा ईलाकाबाट बैशाख ३ गते सशस्त्र प्रहरीले करीब १ लाख ८ हजार रुपैयाँ बराबरको चोरीपैठारीको गहुँ, लत्ताकपडा र कस्मेटिक सामान नियन्त्रणमा लिएको छ । भारतबाट अवैध रुपले नेपालतर्फ ल्याउँदै गरेको उल्लेखित सामान सशस्त्र प्रहरी बल, नेपाल प्रस्तावित सीमा सुरक्षा गुल्म डण्डा (बिओपी डण्डा)ले नियन्त्रणमा लिएको हो ।

कञ्चनपुर जिल्लाको भिमदत्त नगरपालिका ११ स्थित महाकाली आर्याघाट नजिकै महाकाली नदीमा नुहाउने क्रममा डुवेर बेपत्ता भएका एक जनाको शव सशस्त्र प्रहरीले बैशाख ४ गते फेला पारी नदीबाट बाहिर निकालेको छ । सोही जिल्लाको कञ्चनपुर शुक्लाफाँटा नगरपालिका ५ बस्ने १८ बर्षिय दिपेन्द्र हमाल बैशाख ३ गते मलामी गएको बेला नुहाउने क्रममा डुवेर बेपत्ता भएका थिए । सो बारे जनाकारी पाएपश्चात नम्बर ३५ शैलेश्वरी गण कञ्चनपुर, प्रस्तावित सीमा सुरक्षा गुल्म गड्डाचौकी(बिओपी गड्डाचौकी) र बिओपी ब्रम्हदेबबाट खटिएको टोलीले नदीमा पानीमुनि डुबेको अवस्थामा उनको शव फेला पारेको हो । सशस्त्र प्रहरीले उनको शव पोष्ट मार्टमको लागि महाकाली प्रादेशिक अस्पताल महेन्द्रनगरमा पठाएको छ ।

काठमाडौं, सशस्त्र प्रहरी बल नेपाल नम्बर १९ बगलामुखी (विशेष कार्यदल) गण हेक्वा काठमाडौंमा संचालित सि.सं. १० STF तालिम सम्पन्न भएको छ । तालिमको सशस्त्र प्रहरी महानिरीक्षक राजु अर्यालले बैशाख ४ गते सोहि गणमा आयोजित एक कार्यक्रमका बीच समापन गर्नुभएको हो । सशस्त्र प्रहरी महानिरीक्षक अर्यालले तालिममा सर्वोत्कृष्ट सशस्त्र प्रहरी निरीक्षक सागर श्रेष्ठलाई पुरस्कार तथा प्रमाणपत्र प्रदान गर्नुकासाथै तालिम सफलतापूर्वक सम्पन्न गरेका सम्पूर्ण प्रशिक्षार्थीहरुलाई हार्दिक बधाई दिनुभयो । महानिरीक्षक अर्यालले नियमित रुपमा सञ्चालन हुने तालिमहरुले संगठनको कार्यक्षमता, फौजलाई गतिशील एवं सकल दर्जाका सशस्त्र प्रहरी कर्मचारीहरुलाई लगनशील, अनुशासित, कर्तव्यनिष्ठ र पेशागत रुपमा दक्ष बनाउन महत्वपूर्ण भूमिका निर्वाह गर्ने बताउनुभयो । उहाँले संगठनमा संचालित तालिमहरु मध्ये यस्ता विशेष प्रकृतिको तालिमको महत्व, उपादेयता तथा औचित्य अन्य तालिमहरु भन्दा विशिष्ट रहनुका साथै विशेष गरी सशस्त्र प्रहरी कर्मचारीहरुले प्रतिकुल भूगोल र विशेष परिस्थितीमा समेत कुनै पनि कार्य त्रुटिरहित ढंगबाट सफलतापूर्वक सम्पन्न गर्न सक्षम हुने विश्वास ब्यक्त गर्नुभयो । कार्यक्रममा उहाँले राज्यमा भैपरी आउने सुरक्षा चुनौतीको सामना गर्ने हेतु विशेष प्रकृतिको तालिमले विशिष्ट र चुनौतीपूर्ण कार्यलाई प्रभावकारी रुपमा सम्पादन गर्न सकिने विश्वासले संगठनले परेका बखत जुनसुकै स्थान, जुनसुकै समय र जस्तोसुकै कार्यमा खटिनुपर्छ भन्ने मनस्थिति र दृढताका साथ तयारी हालतमा रहन सकल दर्जाका सशस्त्र प्रहरी कर्मचारीहरुलाई निर्देशन दिनुभयो । कार्यक्रममा प्रशिक्षार्थीहरुले तालिम सम्बन्धि विभिन्न डेमोस्ट्रेसन गरेका थिए । १६ हप्ता अवधिको तालिमको अन्तिम प्रवचन कार्यक्रममा अवकाश प्राप्त सशस्त्र प्रहरी महानिरीक्षक, सशस्त्र प्रहरी अतिरिक्त महानिरीक्षकहरु र सशस्त्र प्रहरी नायव महानिरीक्षकहरु लगायत सिनियर अधिकृत, जुनियर अधिकृत तथा बिल्लादार जवानहरुको उपस्थिती रहेको थियो ।

धनुषा जिल्लाको बिदेह नगरपालिका ९ स्थित खरियानीबाट बैशाख ०४ गते सशस्त्र प्रहरी बल, नेपाल नम्बर ८ गण धनुषाले करिव ४ लाख २ हजार रुपैयाँ बराबरको सामानसहित तीन वटा मोटरसाईकल नियन्त्रणमा लिएको छ । बीआर ३२ एफ ३०२७ र बीआर ३२ एए ९९३३ नम्बरको मोटरसाईकलमा अबैध रुपले नेपालबाट भारततर्फ चोरीनिकासी गर्न लागिएको ६० हजार रुपैयाँ बराबरको मदिरासहित उल्लेखित दुई वटा मोटरसाइकल नियन्त्रणमा लिइएको हो । यसैगरी बीआर ३२ एसी ८५७८ नम्बरको अपाचे मोटरसाईकलमा भारतबाट अबैध रुपले नेपालतर्फ ल्याउँदै गरेको ४२ हजार रुपैयाँ बराबरको भाँडाबर्तन र लत्ताकपडासहित मोटरसाईकल सशस्त्र प्रहरीले नियन्त्रणमा लिएको छ । सशस्त्र प्रहरीले नियन्त्रणमा लिएको मदिरा, सामान तथा मोटरसाइकल भन्सार कार्यालय जनकपुरमा बुझाइएको छ ।

काठमाडौं, कास्की जिल्लाको पोखरा महानगरपालिका १५ स्थित सिताराम हाउजिङ नजिकै खेल मैदानमा रहेको भासिएको प्वालमा खसी अड्कीएकी एक जना बालीकालाई सशस्त्र प्रहरीले बैशाख २ गते अन्दाजी २०० मिटर गहिराईबाट निकालेको छ । सोही महानगरपालिका ८ नागढुंगा बस्ने १२ बर्षकी स्मृति पराजुली खेल खेल्ने क्रममा उक्त प्वालमा खसेकी भन्ने बताईएको छ । सो बारे जानकारी पाए लगलै सशस्त्र प्रहरी बल नेपाल नम्बर २४ कालीका गण कास्कीबाट खटिएकोे गोताखोरसहितको टोलीले उनलाई निकालेको हो । उद्धार गरी पश्चिमाञ्चल स्वास्थ्य विज्ञान प्रतिष्ठान लगिएकोमा अस्पताल पु¥याएलगत्तै डाक्टरले मृत घोषित गरेका थिए ।

राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थ काठमाडौंमा सि.सं. ३१ गुल्मपति तथा स्टाफ तालिम (सिसिएससी) संचालन भएको छ । सो तालिमको प्रतिष्ठानका कार्यकारी निर्देशक सशस्त्र प्रहरी नायव महानिरीक्षक अभि कुमार खत्रीले चैत्र २९ गते एक कार्यक्रमका बीच उद्घाटन गर्नुभयो । सशस्त्र प्रहरी नायव महानिरीक्षक खत्रीले तालिमको महत्वमाथि प्रकाश पार्नुहुँदै मनोनित भई तालिममा सहभागी हुने प्रशिक्षार्थी अधिकृतहरुलाई तालिम सफलताको शुभकामना दिनुभयो । उहाँले संगठनले यस किसिमका उन्नत तालिम नियमित रुपमा संचालन गर्दै आईरहेको बताउनुुहुँदै कार्यक्षेत्रमा आईपर्न सक्ने जस्तोसुकै सुरक्षा चुनौतीहरुलाई सामना गर्न तालिम सहायक सिद्ध हुने बताउनुभयो । १२ हप्ता अवधिको तालिममा ३३ जना सशस्त्र प्रहरी निरीक्षकहरु प्रशिक्षार्थीको रुपमा सहभागि रहेका छन् ।

सुनसरी जिल्लाको दुहवी नगरपालिका ३ बिराटनगर ईटहरी सडक खण्डबाट चैत्र २८ गते करीब १ लाख ८४ हजार रुपैयाँ बराबरको भन्सार छलीको लत्ताकपडा सशस्त्र प्रहरीले नियन्त्रणमा लिएको छ । भारतबाट अवैध रुपले नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल सुरक्षा बेस दुहवीले नियन्त्रणमा लिएको हो । यसैगरी सशस्त्र प्रहरी बल, नेपाल सुरक्षा बेस दुहवीले ३ लाख ८१ हजार ५ सय रुपैयाँ बराबरको चोरीपैठारीको लत्ताकपडा चैत्र २७ गते नियन्त्रणमा लिएको छ । भारतबाट अवैध रुपले भन्सार छली ल्याउँदै गरेको उल्लेखित मूल्य बराबरको लत्ताकपडा सोही नगरपालिका ७ फर्साही ईलाकाबाट नियन्त्रणमा लिइएको हो । नियन्त्रणमा लिइएको लत्ताकपडा भन्सार कार्यालय सेतुबन्ध सुनसरीमा बुझाइएको छ ।

सिरहा जिल्लाको लहान नगरपालिका २ स्थित लहान बजारबाट चैत्र २८ गते सशस्त्र प्रहरीले ३३ लाख ७० हजार ६ सय रुपैयाँ बराबरको मिनि ट्रक र लत्ताकपडा नियन्त्रणमा लिएको छ । भारतबाट अवैध रुपले भन्सार छली ल्याउँदै गरेको लत्ताकपडासहित ट्रक सशस्त्र प्रहरी बल, नेपाल सुरक्षा बेस लहान र प्रस्तावित सीमा सुरक्षा गुल्म ईनर्वाले नियन्त्रणमा लिएको हो । गस्तीमा रहेको सशस्त्र प्रहरीले प्र. २-०१ ००१ ख ०२९८ नम्बरको मिनि ट्रक रोकी जाँच गर्न खोज्दा ट्रक चालक ट्रक रोक्ने वित्तिकै फरार भएका थिए । नियन्त्रणमा लिइएको ट्रक र लत्ताकपडा स्थानीय भन्सार कार्यालयमा बुझाइएको छ ।

पश्चिम नवलपरासी जिल्लाको बर्दघाटबाट प्रज्ञापनपत्रमा उल्लेख भएको भन्दा बढी करीब ४२ टन चिनीसहित दुई वटा ट्रक सशस्त्र प्रहरीले चैत्र २६ गते नियन्त्रणमा लिएको छ । विशेष सूचनाको आधारमा सशस्त्र प्रहरी बल, नेपाल सीमा सुरक्षा तालिम शिक्षालय बर्दघाट नवलपरासीले उक्त चिनीसहित ट्रक नियन्त्रणमा लिएको हो । नारायणगढबाट बुटवलतर्फ जाँदै गरेको ना ६ ख ३८४१ नम्बरको ट्रकलाई बर्दघाटको दाउन्नेस्थित एसमोडबाट र लु २ ख ९० नम्बरको ट्रकलाई बर्दघाट चिसापानीस्थित गाडी ग्यारेजमा रोकी राखेको अवस्थामा नियन्त्रणमा लिइएको हो । यस्तै ग १ ख ५८०९ नम्बरको ट्रकमा अवैध रुपले युरिया मल ल्याउँदै गरेको भन्ने जानकारी प्राप्त भएपश्चात सशस्त्र प्रहरी बल, नेपाल नं. ३१ गुल्मले पूर्वी नवलपरासी जिल्लाको गैडाकोट थुम्सी ईलाकाबाट चैत्र २४ गते युरिया मलसहितको उक्त ट्रक नियन्त्रणमा लिएको छ । यसैगरी काठमाडौंको नागढुंगाबाट चैत्र २१ गते नक्कली बिल बनाई ल्याउँदै गरेको युरिया मल र चामलसहित ना ७ ख ८०४० नम्बरको ट्रक नियन्त्रणमा लिइएको छ । नवलपरासी जिल्लाको बर्दघाट भुजह ईलाकाबाट युरिया मल र चामलको नक्कली बिल बनाई काठमाडौंतर्फ ल्याउँदै गरेको भन्ने सूचनाको आधारमा सशस्त्र प्रहरी बल, नेपाल राजश्व चुहावट नियन्त्रण सुरक्षा बेस हरिहरभवन ललितपुरबाट खटिएको सशस्त्र प्रहरीले चामलसहितको उक्त ट्रक नियन्त्रणमा लिएको हो । नियन्त्रणमा लिइएको चिनी, युरिया मल, चामल र ट्रक आवश्यक अनुसन्धान कारवाहीको लागि राजश्व अनुसन्धान विभाग हरिहरभवन ललितपुरमा बुझाइएको छ ।

सशस्त्र प्रहरी नायव महानिरीक्षक पुरुषोत्तम थापाको प्रमुख आतिथ्यतामा नम्बर ९ पशुपतिनाथ बाहिनी मुख्यालय काठमाडौंमा संचालन भएको ‘बाहिनीपति कप २०७९’का विभिन्न खेलकुद प्रतियोगिता सम्पन्न भएको । नायव महानिरीक्षक थापाले प्रतियोगिताका विजेता खेलाडीहरुलाई ट्रफी, मेडल र प्रमाणपत्र प्रदान गर्नुकासाथै खेलकुद प्रतियोगितामा उत्कृष्ट प्रदर्शन गर्ने सशस्त्र प्रहरी कर्मचारीहरुलाई हार्दिक धन्यवाद समेत प्रकट गर्नुभएको थियो । उहाँले खेलकुद मानव जीवन एक महत्वपूर्ण अंग भएको चर्चा गर्नुहुँदै सकारात्मक सोचकासाथ खेलकुद प्रतियोगितामा सहभागी भएमा सदैव सफलता मिल्ने बताउनुभयो । नायव महानिरीक्षक थापाले यस प्रकारका पेशागत गतिविधिहरुमा सहभागी गराउँदा सशस्त्र प्रहरी कर्मचारीहरुको व्यावसायिक क्षमता अभिबृद्धि, सामूहिक भावनाको विकास, सेवाप्रतिको निष्ठा, युनिटप्रतिको बफादारिता, व्यक्तिगत अनुशासन तथा प्रतिस्पर्धात्मक क्षमता बिकास गराउने विश्वास व्यक्त गर्नुभयो । ‘सशस्त्र प्रहरी बल नेपालमा पेशागत गतिविधि संचालन सम्बन्धि कार्यादेश २०७९’मा उल्लेख भए अनुसार यही चैत्र १९ गतेदेखि संचालन गरिएको विभिन्न विधाका प्रतियोगिताहरुमा नम्बर १९ बगलामुखी बिशेष कार्यदल गण प्रथम, नम्बर २१ गण दक्षिणकाली द्धितीय र नम्बर २० विपद् उद्धार गण तृतिय भएको थियो । प्रतियोगितामा दौड, फुटबल, भलिबल र व्याडमिन्टन खेलहरु संचालन गरिएको थियो । कार्यक्रममा चन्द्रागिरी नगरपालिका वडा नम्बर ११ र १२ का वडा अध्यक्ष लगायत बाहिनी मातहत सशस्त्र प्रहरी बल नेपालका अधिकृत तथा विल्लादार जवानहरुको उपस्थिती रहेको थियो ।

सशस्त्र प्रहरी बल नेपाल नम्बर ५ बिन्ध्यवासिनी बाहिनी मुख्यालय रुपन्देहीका बाहिनीपति सशस्त्र प्रहरी नायव महानिरीक्षक बिदुर खड्काले चैत्र २२ गते नवनिर्मित शिशु स्याहार केन्द्र र बिओपीहरुको भवन उद्घाटन गर्नुभएको छ । नायव महानिरीक्षक खड्काले सशस्त्र प्रहरी बल नेपाल नम्बर ३० बागेश्वरी गण बाँके परिसरमा नवनिर्मित शिशु स्याहार केन्द्र, बिल्लादार जवान मेस तथा बाँके जिल्लास्थित बिओपी गंगापुर, खडैचा र बढैयाको लागि नवनिर्मित भवनहरु उद्घाटन गर्नुभएको हो । उहाँले संगठनले सशस्त्र प्रहरी कर्मचारीहरुको मनोबल उच्च राख्न विभिन्न किसिमका कल्याणकारी कार्यहरु तथा बृत्तिविकासमा जोड दिँदै आईरहेको उल्लेख गर्नुहुँदै संगठनबाट प्राप्त नीति निर्देशनहरुको अक्षरश पालना गर्दै कार्य सम्पादन गर्नुपर्ने बताउनुभयो । कार्यक्रममा बाँके जिल्लाको नरैनापुर गाँउपालिकाका प्रमुख इस्तियाक अहमद शाह, जानकी गाँउपालिकाका प्रमुख छब्बन खाँ, प्रमुख जिल्ला अधिकारी विपीन आचार्य, जिल्ला प्रहरी कार्यालय बाँकेका प्रहरी उपरीक्षक सन्तोष सिंह राठौर, सशस्त्र प्रहरी बल, नेपाल नम्बर ३० बागेश्वरी गण बाँकेका गणपति सशस्त्र प्रहरी उपरीक्षक रमेश विक्रम शाही, जिल्लास्थित अन्य सुरक्षा निकायका प्रतिनिधि र सशस्त्र प्रहरी बल नेपालका सिनियर अधिकृत, जुनियर अधिकृत तथा बिल्लादार जवानहरुको उपस्थिति रहेको थियो ।

रौतहटस्थित सशस्त्र प्रहरी बल, नेपालका सुरक्षा बेस तथा बिओपीहरुले रौतहट जिल्लाको विभिन्न स्थानबाट ४ लाख ९ हजार ६ सय ४० रुपैयाँ बराबरको चोरीपैठारीको सामान नियन्त्रणमा लिएको छ । सशस्त्र प्रहरी बल, नेपाल सुरक्षा बेस फतुहाले चैत्र २२ गते रौतहट जिल्लाको यमुनामाई गाँउपालिका ५ ईद्रिस गेट ईलाकाबाट १ लाख ३४ हजार ५ सय ९० रुपैयाँ बराबरको चोरीपैठारीको लत्ताकपडा र किराना सामान नियन्त्रणमा लिएको हो । यसैगरी सोही जिल्लाको गौर नगरपालिका २ भन्सार रोड ईलाकाबाट चैत्र १९ गते र राजपुर नगरपालिका ७ कुडियाबाट चैत्र २० गते प्रस्तावित सीमा सुरक्षा गुल्म गौर (बिओपी गौर) ले २ लाख ७५ हजार ५० रुपैयाँ बराबरको भन्सार छलीको लत्ताकपडा नियन्त्रणमा लिएको छ । नियन्त्रणमा लिईएका सामानहरु स्थानीय भन्सार कार्यालयमा बुझाइएको छ ।

सर्लाही जिल्लाको मलंगवा नगरपालिका ८ भन्सार सीमा ईलाकाबाट चैत्र २१ गते करीव ३ लाख २० हजार नेपाली रुपैयाँसहित एक जनालाई नियन्त्रणमा लिएको छ । भारत घर बताउने २७ वर्षिय राकेश कुमार तिवारीलाई प्रस्तावित सीमा सुरक्षा गुल्म मलंगवा (बिओपी मलंगवा)ले उल्लेखित रुपैयाँसहित नियन्त्रणमा लिइएको हो । बी.आर. ३० ए.ए. ३४५५ नम्बरको मोटरसाईकलमा सवार उनलाई जाँच गर्दा उनको साथमा फेला परेको रुपैयाँको श्रोत खुलाउन नसकेपछि नियन्त्रणमा लिइएको हो । बरामद भएको उल्लेखित रुपैयाँमा १ सय दरको २ सय वटा, ५ सय दरको २ सय ७० वटा र १ हजार दरको १ सय ६५ वटा नोट रहेको छ । नियन्त्रणमा लिइएकालाई बरामद रुपैयाँ तथा मोटरसाईकलसहित आवश्यक कारवाहीको लागि जिल्ला प्रहरी कार्यालय मलंगवा सर्लाहीमा बुझाईएको छ ।

सिरहा जिल्लाको सिरहा नगरपालिका १७ लच्काबाट चैत्र २१ गते करीव १८ लाख २४ हजार रुपैयाँ बराबरको चोरीपैठारीको सोफि मदिरासहित स्कार्पियो गाडी नियन्त्रणमा लिइएको छ । विशेष सूचनाको आधारमा प्रस्तावित सीमा सुरक्षा गुल्म माडर (बिओपी माडर)ले बि.आर. ३१ पि ७६५९ नम्बरको गाडीमा फल्स बटन बनाई लुकाई छिपाई लैजाँदै गरेको उक्त मदिरा फेला पारेको हो । नियन्त्रणमा लिइएको मदिरा तथा गाडी आवश्यक कारवाहीको लागि भन्सार कार्यालय माडरमा बुझाईएको छ ।

सर्लाही जिल्लाको कविलासी नगरपालिका ८ अगर्वाबाट चैत्र २२ गते सशस्त्र प्रहरीले श्रोत नखुलेको ५ लाख भारतीय र ५ लाख नेपाली रुपैयाँसहित तीन जनालाई नियन्त्रणमा लिएको छ । नम्बर १० गण सर्लाहीले उल्लेखित रुपैयाँसहित सोही जिल्लाको धनकौल गाँउपालिका ६ घर भई हाल हरिवन नगरपालिका ११ बस्ने ४५ बर्षिय गान्धि साह सोनार, रुपन्देही जिल्लाको साविक फरेना गाविस ६ बस्ने ३५ बर्षिय राजेश बनिया र भारत घर भई हाल पर्सा जिल्लाको बिरगंज महानगरपालिका १९ बस्ने १९ बर्षिय अनिल साहलाई नियन्त्रणमा लिएको हो । विशेष सूचनाको आधारमा खटिएको सशस्त्र प्रहरीले मलंगवाबाट नवलपुरतर्फ जाँदै गरेको तीन जना सवार प्रदेश नं. २-०३-०१५ प ५९६९ नम्बरको मोटरसाइकल रोकी जाँच गर्दा उनीहरुको साथमा उक्त रुपैयाँ फेला परेको र सो रुपैयाँको श्रोत खुलाउन नसकेपछि नियन्त्रणमा लिइएको हो । उनीहरुको साथबाट भारतीय रुपैयाँ ५ सय दरको ९ सय ९६ वटा (४ लाख ९८ हजार), २ हजार दरको एक वटा र नेपाली रुपैयाँ ५० दरको ३२ वटा (१ हजार ६ सय), १ सय दरको ४ सय ८४ वटा (४८ हजार ४ सय), ५ सय दरको ३ सय वटा (१ लाख ५० हजार), १ हजार दरको ३ सय वटा (३ लाख) नोट बरामद भएको हो । नियन्त्रणमा लिएका तीनै जनालाई बरामद रुपैयाँसहित आवश्यक कारवाहीको लागि राजश्व अनुसन्धान कार्यालय पथलैया बारामा बुझाईएको छ ।

गत माघ ९ गते सेती नदिमा हाम फालेर बेपत्ता भएका कास्की जिल्ला माछापुच्छ्रे गाउँपालिका ६ घर भई पोखरा महानगरपालिका १६ लामाचौर बस्ने ४४ वर्षिय बिश्व बहादुर गुरुङ्गको शव चैत्र २२ गते बुधबार सशस्त्र प्रहरीको गोताखोरले फेला पारेको छ । उनी गत माघ ९ गते उक्त नदिमा हाम फालेर बेपत्ता भएको बताईएको छ । सोही जिल्लाको पोखरा महानगरपालिका १६ दिपस्थित के.आई. सिंह पुलबाट सोही महानगरपालिका १९ लामाचौर बस्ने ३१ वर्षिया अल्का गुरुङ्ग चैत्र २१ गते मंगलबार उक्त नदिमा हाम फालेको भन्ने खबर प्राप्त भए पश्चात नम्बर २४ कालिका गण मालेपाटन पोखराबाट गएको गोताखोरसहितको टोलीले उनको खाजीकार्य गर्ने क्रममा बिश्व बहादुर गुरुङ्गको शव फेला पारेको हो । अल्का गुरुङ्गको खोजीकार्य जारी रहेको छ । गुरुङको शव पोष्ट मार्टमको लागि पोखरा स्वास्थ्य विज्ञान प्रतिष्ठानमा लगिएको छ ।