समाचार

पूर्वी नवलपरासी, पूर्वी नवलपरासी जिल्लाको बिनय त्रिवेणी गाउँपालिका ७ स्थित व्यारेजपुलबाट चैत्र ६ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । पश्चिम नवलपरासी जिल्लाको बर्दघाट नगरपालिका २ चिसापानी बस्ने ३० वर्षिय भिमबहादुर गुरुङलाई सशस्त्र प्रहरी बल, नेपाल बोर्डर आउट पोष्ट बिनय त्रिवेणीबाट खटिएको एपीएफ टोलीले पक्राउ गरेको हो । भारतबाट नेपातर्फ आउँदै गरेका निज गुरुङलाई शंका लागि जाँच गर्दा उनको साथमा नाईट्रोजन ३० वटा र स्पास्मो १६ वटा फेला परेपछि उनलाई पक्राउ गरिएको हो । एपीएफ टोलीले पक्राउ परेका निज गुरुङलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

कास्की, कास्की जिल्लाको पोखरा महानगरापालिका ६ लेकसाईड स्थित फेवातालमा एक्कासी आएको हावाहुरीको कारण डुङ्गा पल्टिएर डुवेका तीन जना पर्यटकलाई एपीएफ टोलीले चैत्र ५ गते सकुशल उद्वार गरेको छ । उनीहरु सो तालमा डुब्नासाथै सशस्त्र प्रहरी बल, नेपाल नम्बर २४ गण हेक्वा कालिका कास्कीबाट फेवाताल रेस्क्यू टावरमा खटिएको एपीएफ टोलीले उनीहरुको उद्वार गरेको हो । तालमा बोटिङ्ग गर्ने क्रममा एक्कासी आएको हावाहुरीको कारण चीनियाँ नागरीक २४ वर्षिया Menguyaor yu, २५ वर्षिया Lewei Deng र ६० वर्षिया Kangbning Mai लाई सशस्त्र प्रहरी सहायक निरीक्षक दिपक सिग्देलको कमाण्डमा खटिएको एपीएफ टोलीले उक्त तालबाट बाहिर निकालेको हो ।

काठमाडौं, पर्सा जिल्लाको बिरगञ्ज महानगरपालिका १६ स्थित रजत जयन्ती ईलाकाबाट चैत्र ४ गते एपीएफ टोलीले करीव २ लाख ७२ हजार रुपैयाँ बराबरको चोरीपैठारी तथा निकासीको सामान बरामद गरेको छ । नेपालबाट भारततर्फ लैजादै गरेको मरिच तथा भारतबाट नेपालतर्फ ल्याउँदै गरेको लत्ताकपडा, भाडावर्तन र किराना सामान सशस्त्र प्रहरी बल, नेपाल गुल्म हेक्वा पर्सा नम्बर १४ गुल्मबाट खटिएको एपीएफ टोलीले बरामद गरेको हो । एपीएफ टोलीले बरामद सामान आवश्यक कारवाहीको लागि स्थानीय भन्सार कार्यालयमा बुझाएको छ । यसैगरी सशस्त्र प्रहरी बल, नेपाल गुल्म हेक्वा झापा नम्बर ८ गुल्मबाट खटिएको एपीएफ टोलीले चैत्र ४ गते करीव १ लाख ६ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा तथा किराना सामान झापा जिल्लाको मेची नगरपालिका ६ स्थित सीमा ईलाकाबाट बरामद गरिएको हो । बरामद सामान एपीएफ टोलीले आवश्यक कारवाहीको लागि मेची भन्सार कार्यालय काँकडभिट्टामा बुझाएको छ ।

काठमाडौं, महोत्तरी जिल्लाको जलेश्वर नगरपालिका ३ स्थित मलिवर्डा गाउँबाट चैत्र ३ गते एपीएफ टोलीले करीव ३ लाख ५० हजार रुपैयाँ बराबरको चोरीपैठारीको लत्ताकपडा बरामद गरेको छ । भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा सशस्त्र प्रहरी बल, नेपाल बोर्डर आउट पोष्ट जलेश्वरबाट खटिएको एपीएफ टोलीले बरामद गरेको हो । यसैगरी सशस्त्र प्रहरी बल, नेपाल नम्बर १० गण हेक्वा सर्लाहीबाट खटिएको एपीएफ टोलीले चैत्र ३ गते करीव १ लाख ५१ हजार रुपैयाँ बराबरको चोरीपैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको लत्ताकपडा तथा कस्मेटिक सामान एपीएफ टोलीले सर्लाही जिल्लाको ब्रम्हपुरी गाउँपालिका ४ स्थित झिमखोलाबाट बरामद गरेको हो । एपीएफ टोलीले बरामद सामान आवश्यक कारवाहीको लागि स्थानीय भन्सार कार्यालयमा बुझाएको छ ।

काठमाडौं, यूएन डिपीओ र सशस्त्र प्रहरी बल, नेपालको संयुक्त आयोजनामा संचालित ‘यूएन ईन्डिभिजुअल पुलिस अफिसर्ष ट्रेन द ट्रेनर्स कोर्ष’ समाप्त भएको छ । सशस्त्र प्रहरी महानिरीक्षक शैलेन्द्र खनालले चैत्र १ गते सशस्त्र प्रहरी बल, नेपाल प्रधान कार्यालयमा आयोजित एक समारोहका बीच उक्त तालिमको समापन गर्नुभयो । सशस्त्र प्रहरी महानिरीक्षक शैलेन्द्र खनाल र यूएन डिपीओका ड्याग रोजर डाह्लेनले तालिमको समापन समारोहमा प्रशिक्षार्थी अधिकृतहरुलाई संयुक्त रुपमा प्रमाणपत्र प्रदान गर्नुभयो । त्यसअवसरमा सशस्त्र प्रहरी महानिरीक्षक खनालले विश्व शान्तिका लागि सयुक्त राष्ट्रसंघ अन्तर्गत रहेर द्वण्द्वग्रस्त मुलुकहरुमा शान्ति सुरक्षा बहाली गर्ने कार्यमा नेपालका सुरक्षाकर्मीहरुले महत्वपूर्ण योगदान पु¥याईरहेको चर्चा गर्नुहुँदै यस्ता प्रशिक्षणबाट प्राप्त ज्ञानले आगामी दिनहरुमा संयुक्त राष्ट्रसंघ अन्तर्गत रहेर काम गर्नुपर्दा सहजता प्राप्त हुनुकासाथै सुरक्षाकर्मीहरुको व्यावसायिक दक्षतामा समेत अभिवृद्धि हुने बताउनुभयोे । उहाँले तालिमबाट प्राप्त ज्ञान तथा अनुभव कार्यक्षेत्रमा लागू गर्नुकासाथै आगामी दिनमा संयुक्त राष्ट्रसंघीय मिसनहरुमा सहभागीता जनाउने सुरक्षाकर्मीहरुलाई प्रशिक्षण प्रदान गर्न प्रशिक्षार्थी अधिकृतहरु सक्षम रहने विश्वास व्यक्त गर्नुभयो । सशस्त्र प्रहरी महानिरीक्षक खनालले प्रशिक्षार्थीहरुले तालिमको दौरानमा आर्जन गरेको ज्ञानलाई कार्यक्षेत्रमा गएपछि आफु मातहतका अधिकृत तथा जवानहरुलाई समेत सिकाउँदै प्रभावकारी कार्यसम्पादनमा कृयाशिल रहनुपर्ने कुरा समेत उल्लेख गर्नुभयो । सशस्त्र प्रहरी महानिरीक्षक खनालले यस्ता तालिम संचालन गर्न सहयोग पु¥याएकोमा संयुक्त राष्ट्रसंघ प्रति आभार प्रकट गर्नुहुँदै आगामी दिनहरुमा समेत सहयोगको अपेक्षा गर्नुभयो । प्रहरी अतिरिक्त महानिरीक्षक ठुले राईले संयुक्त राष्ट्रसंघीय मिशनमा नेपालले महत्वपूर्ण योगदान पु¥याईरहेको चर्चा गर्नुहँुदै यस्ता तालिमले उत्कृष्ट प्रशिक्षक उत्पादनमा योगदान पु¥याएको उल्लेख गर्नुभयो । उहाँले प्रशिक्षार्थीहरुले तालिमबाट संयुक्त राष्ट्रसंघको म्याण्डेट लगायत विविध पक्षहरुको बारेमा महत्वपूर्ण ज्ञान हासिल गर्न सफल भएको विश्वास व्यक्त गर्नुभयो । यूएन डिपीओका ड्याग रोजर डाह्लेनले यस तालिमबाट शान्ति स्थापनार्थ विभिन्न मिसनमा खटिने सुरक्षाकर्मीलाई मिसनमा परिचालनपूर्व प्रि–डिप्लोयमेन्ट तालीम दिन सक्ने योग्य प्रशिक्षक उत्पादन गर्न तालीम सफल रहेको विश्वास व्यक्त गर्नुभयो । राष्ट्रिय सशस्त्र प्रहरी बल प्रशिक्षण प्रतिष्ठान मातातीर्थमा संचालित दुई हप्ता अवधिको उक्त तालिममा सशस्त्र प्रहरी बल, नेपालका १८ जना अधिकृत तथा नेपाल प्रहरीका ६ जना अधिकृत गरी कुल २४ जना प्रशिक्षार्थीहरुको सहभागीता रहेको थियो । कार्यक्रममा सशस्त्र प्रहरी अतिरिक्त महानिरीक्षकहरु पुष्पराम के.सी., नारायणबावु थापा र रामशरण पौडेल लगायत बरिष्ठ अधिकृतहरुको उपस्थिती रहेको थियो ।

सप्तरी, सप्तरी जिल्लाको हनुमाननगर कंकालिनी नगरपालिका १४ स्थित रामपुरा मलहलियाबाट फागुन २९ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । उदयपुर जिल्लाको बेलका नगरपालिका ३ रामपुर बस्ने २३ वर्षिय रमन मगरलाई सशस्त्र प्रहरी बल, नेपाल बोर्डर आउट पोष्ट तिलाठीबाट खटिएको एपीएफ टोलीले पक्राउ गरेको हो । को २४ प ८३०४ नम्बरको मोटरसाइकलमा भारतबाट नेपालतर्फ आउँदै गरेका निज मगरले उक्त मोटरसाइकलको सिटमुनि लुकाई छिपाई ल्याउँदै गरेको अवस्थामा डाईलेक्स डिसी ४ बोतल, नाईट्रोजन ट्याब्लेट १० वटा र स्पास्मो ट्याब्लेट एक सय ६ वटा फेला परेपछि पक्राउ गरिएको हो । एपीएफ टोलीले पक्राउ परेका मगरलाई बरामद लागूऔषध तथा मोटरसाइकलसहितै आवश्यक कारवाहीको लागि स्थानीय प्रहरीमा बुझाएको छ ।

काठमाडौं, नेपाल एपीएफ क्लवको वार्षिक साधारणसभा’ सम्पन्न भएको छ । सशस्त्र प्रहरी बल, नेपाल प्रधान कार्यालय हल्चोक स्वयम्भुमा भएको सो साधारण सभाको फागुन ३० गते सशस्त्र प्रहरी महानिरीक्षक शैलेन्द्र खनालले एकसमारोहका बीच पानसमा द्विप प्रज्ज्वलन गरी उद्घाटन गर्नुभयोे । सशस्त्र प्रहरी महानिरीक्षक खनालले त्यसअवसरमा सशस्त्र प्रहरी बल, नेपालले सो क्लवको स्थापना गरेर राष्ट्रिय खेलकुदको विकासमा महत्वपूर्ण योगदान पु¥याउँदै आएकोे बताउनुुभयो । उहाँले नेपाल एपीएफ क्लवका खेलाडीहरु विभिन्न राष्ट्रिय तथा अन्तर्राष्ट्रिय प्रतियोगिताहरुमा सहभागी भई विभिन्न पदक तथा पुरस्कारहरु हासिल गर्न सफल रहेको चर्चा गर्नहुँदै सो क्लव आजको यस अवस्थासम्म आईपुग्न संगठनका पूर्वज नेतृत्ववर्गले पु¥याएको योगदानको स्मरण गर्नुभयो । सशस्त्र प्रहरी महानिरीक्षक खनालले निरन्तरको खेलकुद अभ्यासले खेलाडीको खेल क्षमता अभिवृद्धि हुने चर्चा गर्नुहुँदै खेलकुदले अनुशासित र परिश्रमी बनाई सामुहिक भावनाको समेत विकास गराउने हुँदा फौजी संगठनमा यसको विशेष महत्व रहने बताउनुभयो । सशस्त्र प्रहरी अतिरिक्त महानिरीक्षक रामशरण पौडेलले नेपाल एपीएफ क्लवका खेलाडीहरुले खेलको माध्यमबाट अन्तर्राष्ट्रिय क्षेत्रमा समेत संगठन र राष्ट्रको नाम उजागर गर्न सफल रहेको चर्चा गर्नुहँुदै क्लवले प्रदान गर्ने सुविधाहरुमा समयानुकुल परिमार्जन गर्दै आईरहेको उल्लेख गर्नुभयो । उहाँले सो क्लवले व्याडमिन्टन, लनटेनिस र महिला भलिबल गरी तीन वटा राष्ट्रिय प्रतियोगिता संचालन गर्दै राष्ट्रको खेलकुदको विकासमा योगदान पुर्‌याउदै आईरहेको बताउनुभयो । समारोहमा सशस्त्र प्रहरी अतिरिक्त महानिरीक्षकहरु पुष्पराम के.सी. र नारायणबावु थापा तथा सशस्त्र प्रहरी बल, नेपालका बरिष्ठ अधिकृतहरु लगायत विभिन्न खेलकुद संघ संस्थाका पदाधिकारीहरु एवं सो क्लवका खेलाडीहरुको समेत उपस्थिति रहेको थियो ।

कञ्चनपुर, कञ्चनपुर जिल्लाको भिमदत्त नगरपालिका ४ स्थित ऐठपुर ईलाकाबाट फागुन २६ गते एपीएफ टोलीले करीव २ लाख ५० हजार रुपैयाँ बराबरको चोरीपैठारीको औषधी बरामद गरेको छ । भारतबाट अवैध रुपले नेपालतर्फ ल्याउँदै गरेको उक्त औषधी सशस्त्र प्रहरी बल, नेपाल नम्बर ३५ गण हेक्वा शैलेश्वरीबाट खटिएको एपीएफ टोलीले बरामद गरेको हो ।

पर्सा, पर्सा जिल्लाको जिराभवानी गाउँपालिका ५ बाट एपीएफ टोलीले फागुन २७ गते चोरीनिकासीको करीव ६० के.जी. गाँजा बरामद गरेको छ । सोही ठाउँमा रहेको सपुनिया गाउँको जंगलको बाटो हुँदै भारततर्फ लैजाँदै गरेको उक्त गाँजा सशस्त्र प्रहरी बल, नेपाल बोर्डर आउट पोष्ट भिखमपुरबाट खटिएको एपीएफ टोलीले बरामद गरेको हो । त्यसवेला गाँजा ल्याउने व्यक्तिहरु एपीएफ टोलीलाई देख्नासाथै उक्त गाँजा छाडी भागेका थिए ।

रुपन्देही, रुपन्देही जिल्लाको सिद्धार्थनगर नगरपालिका १ स्थित बेलहियाबाट फागनु २६ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । स्याङ्जा जिल्लाको अर्जुन चौपारी गाउँपालिका १ बस्ने असिम रोक्का मगरलाई सशस्त्र प्रहरी बल, नेपाल नम्बर ३८ गुल्म हेक्वा रुपन्देहीबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका उनलाई शंका लागि जाँच गर्दा उनको साथमा डाईजापाम २५ सीसी, फेनरागन २३ सीसी, नाईट्राजिपाम ट्याब्लेट ५० वटा र नोफिन २४ सीसी फेला परेपछि उनलाई पक्राउ गरिएको हो । एपीएफ टोलीले पक्राउ परेका उनलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

काठमाडौं, सप्तरी जिल्लाको हनुमाननगर कंकालिनीमाई नगरपालिका १४ स्थित मल्हनियाँबाट फागुन २५ गते एपीएफ टोलीले विभिन्न किसिमका लागूऔषधसहित एक जनालाई पक्राउ गरेको छ । सोही जिल्लाको सप्तकोशी नगरपालिका १ फत्तेपुर बस्ने २६ वर्षिय मोहमद फत्तेलाई सशस्त्र प्रहरी बल, नेपाल बोर्डर आउट पोष्ट तिलाठीबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका निज फत्तेलाई शंका लागि जाँच गर्दा उनको साथमा डाईजाल्याव ३० वटा, बुप्रेनोफिन इन्जेक्सन ३० वटा, फेनारगन ३० वटा र स्मापेन ल्याबोरेट २४ वटा फेला परेपछि उनलाई गरिएको हो । यसैगरी रौतहट जिल्लाको चन्द्रपुर नगरपालिका ८ स्थित सन्तपुरबाट एपीएफ टोलीले फागुन २५ गते विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा काठमाडौं जिल्लाको टोखा नगरपालिका २९ बस्ने २१ बर्षिय प्रिन्स तामाङ् र सोही जिल्लाको तारकेश्वर नगरपालिका ३ बस्ने २३ वर्षिय विकास महर्जन छन् । उनीहरुलाई सशस्त्र प्रहरी बल, नेपाल सुरक्षा वेश सन्तपुरबाट खटिएको एपीएफ टोलीले पक्राउ गरेको हो । त्यसवेला उनीहरुको साथबाट नुफिन ८० वटा, डाईजिल्याप ८० वटा, नाईट्रोभेट छ सय ३० वटा र प्रोमेथाजेन ८० वटा फेला परेको थियो । गौरबाट चपुरतर्फ आउँदै गरेको अटो रिक्साबाट ओर्लिएपछि एक आपसमा वादविवाद गरी झगडा गर्न थालेका उनीहरुको साथमा उल्लेखित लागूऔषध फेला परेपछि उनीहरुलाई पक्राउ गरिएको हो । पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएइको छ ।

कैलाली, प्रहरी हुँ भनि रकम असुली गर्दै आईरहेका एक जनालाई एपीएफ टोलीले फागुन २४ गते कैलाली जिल्लाको लम्कीचुहा नगरपालिका १ स्थित थपलीपुरबाट पक्राउ गरेको छ । पक्राउ पर्नेमा जुम्ला जिल्लाको हिमा गाउँपालिका १ बड्की बस्ने २२ वर्षिय रोशन रोक्का छन् । उनलाई सशस्त्र प्रहरी बल, नेपाल सुरक्षा वेश डुडेझारीबाट सशस्त्र प्रहरी नायव उपरीक्षक नेत्र के.सी.को कमाण्डमा खटिएको एपीएफ टोलीले पक्राउ गरेको हो । निज रोक्काले नेपाल प्रहरीको केन्द्रबाट खटिई आएको हुँ भन्दै स्थानीय जनता तथा स्थानीय प्रहरीलाई विभिन्न कुरा गर्दै झुक्याई रकम असुली गर्दै आएका थिए । त्यसवेला एपीएफ टोलीले उनको साथबाट दुई थान नक्कली पेस्तोल तथा मोवाईल दुई थान र नगद चार सय ८० रुपैयाँ समेत बरामद गरेको छ । एपीएफ टोलीले निजलाई बरामद नम्कली पेस्तोल तथा रकमसहित आवश्यक कारवाहीको लागि स्थानीय प्रहरीमा बुझाएको छ ।

सप्तरी, सप्तरी जिल्लाको हनुमाननगर कंकालिनिमाई नगरपालिका १४ स्थित सीमा ईलाकाबाट फागुन २३ गते एपीएफ टोलीले विभिन्न किसिमका लागूऔषधसहित दुई जनालाई पक्राउ गरेको छ । पक्राउ पर्नेहरुमा झापा जिल्लाको शनिअर्जुन नगरपालिका ११ बस्ने २५ वर्षिय बिकास प्रधान र उदयपुर जिल्लाको चौदण्डीगढी नगरपालिका ७ बेल्टार बस्ने २६ वर्षिय प्रताप रानामगर छन् । उनीहरुलाई सशस्त्र प्रहरी बल, नेपाल नम्बर ६ गण हेक्वा सप्तरीबाट खटिएको एपीएफ टोलीले पक्राउ गरेको हो । भारतबाट नेपालतर्फ आउँदै गरेका उनीहरुमध्ये बिकास प्रधानको साथबाट डाईजाल्याव १२ वटा, बुप्रेनोफिन इन्जेक्सन १३ वटा, फेनारगन १२ वटा र प्रताप रानामगरको साथबाट डाईजाल्याव १३ वटा, बुप्रेनोफिन इन्जेक्सन १३ वटा, फेनारगन १२ वटा फेला परेपछि उनीहरुलाई पक्राउ गरिएको हो । एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।

पर्सा, पर्सा जिल्लाको बिरगञ्ज महानगरपालिका १६ स्थित रजतजयन्ती चोकबाट फागुन २२ गते एपीएफ टोलीले करीव १ लाख २४ हजार रुपैयाँ बराबरको चोरीनिकासी पैठारीको सामान बरामद गरेको छ । भारतबाट अवैध रुपले नेपालतर्फ ल्याउँदै गरेको तथा नेपालबाट भारततर्फ लैजाँदै गरेको उल्लेखित मुल्य बराबरको लत्ताकपडा, भाडावर्तन, १२ भोल्टको ब्याट्री र किराना सामान सशस्त्र प्रहरी बल, नेपाल नम्बर १४ गुल्म हेक्वा पर्साबाट खटिएको एपीएफ टोलीले बरामद गरेको हो । एपीएफ टोलीले बरामद सामान आवश्यक कारवाहीको लागि भन्सार कार्यालय बिरगञ्जमा बुझाएको छ ।

झापा, झापा जिल्लाको गौरादह नगरपालिका ८ स्थित जुरोपानीबाट फागुन २१ गते एपीएफ टोलीले चोरीपैठारीको किराना सामान बरामद गरेको छ । भारतबाट नेपालतर्फ आउँदै गरेको मे १ च ३२५३ नम्बरको महेन्द्रा पिकअप गाडीमा जाँच गर्ने क्रममा सशस्त्र प्रहरी बल, नेपाल सुरक्षा वेश बैगनधुराबाट खटिएको एपीएफ टोलीले उक्त गाडीमा राखी अवैध रुपले ल्याउँदै गरेको किराना सामानहरु बरामद गरेको हो । एपीएफ टोलीले त्यसवेला उक्त सामान ल्याउन प्रयोग गरिएको सो गाडी समेत बरामद गरेको छ । एपीएफ टोलीले बरामद सामान तथा गाडी आवश्यक कारवाहीको लागि स्थानीय भन्सार कार्यालयमा बुझाएको छ । उक्त सामान तथा गाडीको भन्सार दाखिला मुल्य करीव ८ लाख ४ हजार रुपैयाँ रहेको छ ।

दाङ्ग दाङ्ग जिल्लाको राप्ती गाउँपालिका २ स्थित पूर्व पश्चिम लोकमार्गको मसुरिया भन्ने स्थानमा फागुन २० गते कार दुर्घटनामा परी घाईते भएकाहरुको एपीएफ टोलीले उद्वार गरेको छ । काठमाडौंबाट रुकुमतर्फ जाँदै गरेको बा २ ज १५८२ नम्बरको कार गति अनियन्त्रीत भई दुर्घटना हुँदा उक्त कारमा सवार तीन जना घाईते भएका थिए । उक्त दुर्घटनाबारे जानकारी पाउनासाथै सशस्त्र प्रहरी बल, नेपाल नम्बर २९ गण हेक्वा ज्वालामाई दाङ्गबाट सशस्त्र प्रहरी निरीक्षक राधेकुमार बोम्जनको कमाण्डमा खटिएको एपीएफ टोलीले उनीहरुको उद्वार गरेको हो । एपीएफ टोलीले घाईतेहरुलाई उपचारार्थ शारा अस्पताल लमहीतर्फ पठाएको छ ।