बर्दिया,
बर्दिया जिल्लाको बडैयाताल गाउँपालिका २ फुटाहाबाट भाद्र २४ गते एपीएफ टोलीले करीव २२ वटा नाईट्रोभेट ट्याब्लेटसहित तीन जनालाई पक्राउ गरेको छ ।
पक्राउ पर्नेहरुमा बर्दिया जिल्लाको वाँसगढी नगरपालिका ५ बस्ने १९ वर्षिय बिशाल थारु, १८ वर्षिय विविध थारु र १८ वर्षिय अशोक थारु छन् ।
उनीहरुलाई सशस्त्र प्रहरी बल, नेपाल बोर्डर आउट पोष्ट फुटाहाबाट खटिएको एपीएफ टोलीले पक्राउ गरेको हो ।
गस्तीमा खटिएको एपीएफ टोलीले उनीहलाई शंका लागि जाँच गर्दा उनीहरुको साथमा उल्लेखित लागूऔषध फेला फेला परेपछि पक्राउ गरिएको हो ।
एपीएफ टोलीले पक्राउ परेकाहरुलाई बरामद लागूऔषधसहित आवश्यक कारवाहीको लागि स्थानीय प्रहरीमा बुझाएको छ ।
