सुनसरी जिल्लाको ईनरुवा नगरपालिका–९ बबिया चोकबाट साउन १३ गते करीव १ सय १६ के.जी. गाँजासहित धनकुटा जिल्लाको साघुँरीगढी गाउँपालिका–१ बुढीमोरङ्ग बस्ने ३२ वर्षिय र २२ वर्षिय युवकलाई नियन्त्रणमा लिईएको छ ।
विशेष सुचनाको आधारमा नंं. ४ गण सुनसरीले धनकुटाबाट प्रदेश नं. १–०२–००२ च ६८८३ नम्बरको टाटा सफारी गाडीमा लोड गरी सुनसरीतर्फ ल्याउँदै गरेको गाँजासहित उनीहरुलाई नियन्त्रणमा लिएको हो । नियन्त्रणमा लिईएका दुवै जनालाई बरामद गाँजा तथा गाडीसहित आवश्यक कारवाहीको लागि जिल्ला प्रहरी कार्यालय इर्नवा सुनसरीमा बुझाईएको छ ।
