अविरल वर्षाको कारण राप्ती नदिमा बेपत्ता भएका दुई जनाको शव असार २३ गते बिहान फेला परेको छ । दाङ्ग जिल्लाको राजपुर गाउँपालिका–२ बेलाका बस्ने १८ वर्षिय युवकको शव सोही जिल्लाको लमही नगरपालिका–७ हसनपुर घाटमा नं. ४१ रिजर्भ गण अर्जुनखोला र नेपाल प्रहरीको संयुक्त टोलीले फेला पारेको हो । त्यस्तै सोही जिल्लाको लमही नगरपालिका–७ नयाँबस्ती बस्ने ६२ वर्षिय पुरुषको शव सोही गण र नेपाल प्रहरीको संयुक्त टोलीले फेला पारेको छ ।
