इलाम जिल्लाको सुर्योदय नगरपालिका २ स्थित दुईमाईल सीमा इलाकाबाट माघ १४
गते करिव ६ लाख ७५ हजार रुपैयाँ बराबरको चोरीनिकासीको ९ कार्टुन शिखर
चुरोट बरामद भएको छ ।
उक्त चुरोट नेपालबाट अवैध रुपले भारततर्फ लैजाँदै गरेको अवस्थामा
प्रस्तावित सीमा सुरक्षा गुल्म पशुपतिनगरले बरामद गरेको हो । चुरोट
लैजाँदै गरेका व्यक्ति भने गस्तीमा रहेको सुरक्षा फौजलाई टाढैबाट
देख्नासाथै सोही ठाउँमा छाडी फरार भएका थिए ।
बरामद चुरोट पशुपतिनगर भन्सार कार्यालय इलाममा बुझाईएको छ ।
