पर्सा जिल्लाको वीरगंज महानगरपालिका १६ स्थित सीमा ईलाकाबाट करीब ४ लाख ४६ हजार रुपैयाँ बराबरको सामान र एउटा अटोरिक्सा सशस्त्र प्रहरीले कार्तिक २१ गते नियन्त्रणमा लिएको छ ।
ना २ ह ८६३ नम्बरको अटोरिक्सामा भारतबाट नेपालतर्फ ल्याउँदै गरेका व्यक्तिले प्रस्तावित सीमा सुरक्षा गुल्म वीरगंजको टोलीलाई देख्नासाथ उल्लेखित मुल्यको लत्ताकपडा, किराना सामान र अटोरिक्सा सोही ठाउँमा छाडी फरार भएपछि नियन्त्रणमा लिइएको हो ।
नियन्त्रणमा लिइएको सामान र अटोरिक्सा वीरगंज भन्सार कार्यालय पर्सामा बुझाईएको छ ।
