धनुषा जिल्लाको मिथिला नगरपालिका १० स्थित बडहरीबाट कार्तिक १३ गते करीब
१७ लाख ३१ हजार रुपैयाँ बराबरको मोबाईलको डिस्प्ले र लत्ताकपडा बरामद
भएको छ ।
राजश्व भन्सार सुरक्षा बेश जनकपुरले विशेष सूचनाको आधारमा अबैध रुपमा
गोदाममा स्टोर गरी राखिएको अवस्थामा उल्लेखित मुल्य बराबरको २ हजार ९ सय
६० वटा मोबाईलको डिस्प्ले र लत्ताकपडा बरामद गरिएको हो ।
बरामद सामान राजश्व भन्सार कार्यालय जनकपुरमा बुझाईएको छ ।
