बाँके जिल्लाको जानकी गाउँपालिका २ बन्जाडेगाउँबाट असोज २२ गते सशस्त्र
प्रहरीले करीव ११ लाख ७३ हजार रुपैयाँ बराबरको चोरीपैठारीको विभिन्न
सामानसहित तीन वटा मोटरसाईकल नियन्त्रणमा लिएको छ ।
भारतबाट अवैध रुपले तीन वटा मोटरसाईकलमा राखी नेपालतर्फ ल्याउँदै गरेको
उल्लेखित मुल्यको लत्ताकपडा, पर्दा, खाद्यान्य तथा किराना सामान नं. ३०
बागेश्वरी गण बाँकेले नियन्त्रणमा लिएको हो । सामान ल्याउने व्यक्ति भने
गस्तीमा रहेको सुरक्षा फौजलाई टाढैबाट देख्नासाथै मोटरसाईकल र सामान छाडी
फरार भएका थिए ।
बरामद सामान तथा मोटरसाईकल नेपालगंज भन्सार कार्यालय कार्यालय जमुनाह
बाँकेमा बुझाईएको छ ।
