धादिङ जिल्लाको गजुरी गाउँपालिका ६ स्थित पृथ्वी लोकमार्गबाट असोज ९
गते सशस्त्र प्रहरीले करीव १ करोड २ लाख ६१ हजार रुपैयाँ बराबरको
सामानसहित एउटा ट्रक नियन्त्रणमा लिएको छ ।
विशेष सुचनाको आधारमा सशस्त्र प्रहरी बल नेपाल विपद् व्यवस्थापन बेश
आदमघाटले कञ्चनपुरबाट काठमाडौतर्फ आउँदै गरेको ना ६ ख ४८८९ नम्बरको
ट्रकमा लोड गरी ल्याउँदै गरेको सामान शंकास्पद देखिएपछि नियन्त्रणमा
लिएको हो ।
नियन्त्रणमा लिइएको सामानसहित उक्त ट्रक आवश्यक अनुसन्धानको लागि राजश्व
अनुसन्धान विभाग हरिहर भवन ललितपुरमा बुझाईएको छ ।
