सर्लाही जिल्लाको बलरा नगरपालिका ३ लक्ष्मीपुर स्थित सीमा ईलाकाबाट असोज
७ गते सशस्त्र प्रहरीले करीव ३ के.जी. १ सय ८२ ग्राम गाँजासहित एक जनालाई
नियन्त्रणमा लिएको छ ।
सोही जिल्लाको गोडैता नगरपालिका ११ सिसौटिया बस्ने १७ वर्षिय राजेश
कुमार पटेललाई बिओपी छतौनाले नियन्त्रणमा लिएको हो ।
नेपालबाट भारततर्फ जाँदै गरेका पटेललाई बीआर ३० एच ६७४५ नम्बरको
मोटरसाईकलको सिट कभरमा लुकाई छिपाई राखेको उल्लेखित परिमाणको गाँजासहित
नियन्त्रणमा लिइएको हो ।
नियन्त्रणमा लिएका पटेललाई बरामद गाँजा तथा मोटरसाईकलसहित आवश्यक
कारवाहीको लागि ईलाका प्रहरी कार्यालय गडहिया डुमरियामा बुझाईएको छ ।
