कैलाली जिल्लाको धनगढी उपमहानगरपालिका १८ थापाघाट सीमा ईलाकाबाट असोज ६
गते सशस्त्र प्रहरीले करीव १ के.जी. २ सय ६० ग्राम चरेशसहित दुई जनालाई
नियन्त्रणमा लिएको छ ।
सोही ठाउँ बस्ने २४ वर्षिय केदार बोहरा र २७ वर्षिय सन्तोष बिष्टलाई
बिओपी फुलवारीले नियन्त्रणमा लिएको हो ।
नेपालबाट भारतर्फ से ५ प ८१४० नम्बरको स्कुटरमा जाँदै गरेका उनीहरुलाई
शंका लागि जाँच गर्दा उनीहरुको साथमा उल्लेखित परिमाणको चरेश जस्तो
देखिने कालो पदार्थ फेला परेको थियो ।
नियन्त्रणमा लिएका दुवै जनालाई बरामद चरेश तथा स्कुटरसहित आवश्यक
कारवाहीको लागि जिल्ला प्रहरी कार्यालय कैलालीमा बुझाईएको छ ।
