पर्सा जिल्लाको बीरगंज महानगरपालिका ८ घण्टाघर ईलाकाबाट साउन ८ गते
सशस्त्र प्रहरीले करीव १ करोड ९८ लाख २० हजार ३ सय १५ रुपैयाँ बराबरको
सामान सहित चारवटा ट्रक नियन्त्रणमा लिएको छ ।
बिलविजक भन्दा बढि र फरक सामान बोकेको भन्ने विशेष सूचनाको आधारमा नम्बर
१३ गण पर्साले बीरगंजबाट पथलैयातर्फ जाँदै गरेको ना २ ख ९४९१, ना ४ ख
८३३४, ना ३ ख १००९ र ना ३ ख ८०३९ नम्बरको ट्रक नियन्त्रणमा लिएको हो ।
नियन्त्रणमा लिइएका ट्रकमा औषधी, किराना तथा हार्डवयर र कम्प्युटरका
पार्ट्स लगायतका सामानहरु रहेका छन् । सामान सहितका ट्रक आवश्यक
अनुसन्धानको लागि राजश्व अनुसन्धान कार्यालय पथलैयामा बुझाइएको छ ।
