रुपन्देही जिल्लाको सिद्धार्थनगर नगरपालिका–१ वाईपास ईलाकाबाट जेठ १५
गते सशस्त्र प्रहरीले १ लाख ५ हजार ७ सय २० रुपैयाँ बराबरको चोरीपैठारीको
मोटरपार्ट्स र चिनी बरामद गरेको छ ।
भारतबाट अवैध रुपले नेपालतर्फ ल्याउँदै गरेको उल्लेखित मूल्य बराबरको
सामान प्रस्तावित सीमा सुरक्षा गुल्म डण्डा (बीओपी डण्डा) ले बरामद गरेको
हो ।
सामान ल्याउने व्यक्तिहरु गस्तीमा रहेको सशस्त्र प्रहरीलाई देख्नासाथै
उक्त सामानहरु छाडेर भागेका थिए ।
बरामद सामान भैरहवा भन्सार कार्यालय बेलहिया रुपन्देहीमा बुझाइएको छ ।
