कैलाली जिल्लाको टिकापुर नगरपालिका ८ जिरो प्वाइन्ट सीमा इलाकाबाट जेठ
१४ गते सशस्त्र प्रहरीले ३ लाख ८६ हजार ९ सय रुपैयाँ बराबरको
चोरीपैठारीको लत्ताकपडा र एउटा साईकलसहित एक जनालाई नियन्त्रणमा लिएको छ
।
भारतबाट अबैध रुपले साइकलमा राखी नेपालतर्फ ल्याउँदै गरेको उल्लेखित
मुल्य बराबरको सामानसहित भारत घर भएका २२ बर्षिय गोविन्द निसादलाई
सशस्त्र प्रहरी बल नेपाल प्रस्तावित सीमा सुरक्षा गुल्म खक्रौला (बीओपी
खक्रौला) ले नियन्त्रणमा लिएको हो ।
नियन्त्रणमा लिइएका ब्यक्तिलाई सामानसहित आवश्यक कारवाहीको लागि सति
भन्सार कार्यालय खक्रौला कैलालीमा बुझाइएको छ ।
