सुनसरी जिल्लाको बराहक्षेत्र नगरपालिका १ स्थित सप्तकोशी नदीमा नुहाउने
क्रममा डुवेर बेपत्ता भएका तीन जना मध्ये एक जनाको शव सशस्त्र प्रहरीले
बैशाख ०६ गते फेला पारी नदीबाट बाहिर निकालेको छ भने अन्य दुई जनाको
खोजीकार्य भईरहेको छ ।
घटनाबारे जानकारी पाएपश्चात नम्बर १ बराह बाहिनी मुख्यालय सुनसरीबाट
गोताखोर र सुरक्षा बेश चतराबाट विपद् व्यवस्थापन (डिएम) तालिम
प्राप्तसहितको टोलीले झापा जिल्लाको दमक नगरपालिका ९ बस्ने २० बर्षिय
नविन न्यौपानेको शव नदिबाट बाहिर निकालेको हो ।
न्यौपानेसहित मोरङ्ग जिल्लाको उर्लाबारी नगरपालिका ७ बस्ने २० बर्षिय
राजन गुरागाई र झापा जिल्लाको दमक नगरपालिका ९ बस्ने २२ बर्षिय रुद्र
न्यौपाने सो नदीमा नुहाउने क्रममा डुवेर बेपत्ता भएका थिए ।
