सशस्त्र प्रहरी बल, नेपाल प्रधान कार्यालय हल्चोक स्वयम्भूमा फागुन २८
गतेदेखि ‘सशस्त्र प्रहरी महानिरीक्षक कप–२०७९’ खेलकुद प्रतियोगिता सुरु
भएको छ ।
सशस्त्र प्रहरी अतिरिक्त महानिरीक्षक नारायणदत्त पौडेलले मुख्यालयमा
आयोजित एक कार्यक्रमका बीच खेलकुद प्रतियोगिताको शुभारम्भ गर्नुभएकोे हो
।
उहाँले फुटबलका राष्ट्रिय रेफ्री दिनेश अधिकारीलाई बल हस्तान्तरण गरी
प्रतियोगिताको शुभारम्भ गर्नुभएको हो ।
कार्यक्रममा सशस्त्र प्रहरी बरिष्ठ अधिकृत, अधिकृत लगायत खेलाडी तथा
विल्लादार जवानहरुको उपस्थिति रहेको थियो । प्रतियोगिता चैत्र ३ गतेसम्म
नेपाल एपीएफ रंगशालामा संचालन हुनेछ ।
प्रतियोगितामा राष्ट्रिय सशस्त्र प्रहरी बल प्रशिक्षण प्रतिष्ठान र
सशस्त्र प्रहरी बल नेपालका बाहिनी मुख्यालयहरु गरी नौ वटा टिमको सहभागिता
रहेको छ ।
उद्घाटन खेलमा सशस्त्र प्रहरी बल नेपाल नं. ७ बैद्यनाथ बाहिनी मुख्यालय
कैलालीले सशस्त्र प्रहरी बल नेपाल नं. ६ महेश्वरी बाहिनी मुख्यालय
सुर्खेतलाई १–० ले पराजित गरी बिजयी भएको हो ।
