महोत्तरी,
महोत्तरी जिल्लाको सम्सी गाउँपालिका ७ स्थित सीमा ईलाकाबाट मंसीर १५
गते सशस्त्र प्रहरीले विभिन्न किसिमका सामानसहित सोही ठाउँ बस्ने ३०
वर्षिय प्रेमसागर रायलाई पक्राउ गरेको छ ।
कुरियरगरी भारततर्फ लैजाँदै गरेको अवस्थामा बुद्धमाला ४ सय थान, तामाको
प्लेट १४ थान, मन्दिरको कलात्मक सामान ३६ थान, त्रिकोण बक्स १ थान,
नेपाली राहधानी ३ थान, कुमारी बैंकको पाँच लाखको बाउन्स चेक एक थान तथा
विदेश जानको लागि चाहिने विभिन्न कागजपत्रहरुसहित उनलाई सशस्त्र प्रहरी
बल नेपाल बोर्डर आउट पोष्ट सम्सीबाट खटिएको सशस्त्र प्रहरीले पक्राउ
गरेको हो ।
पक्राउ परेका रायलाई बरामद सामानसहित आवश्यक कारवाहीको लागि नेपाल
प्रहरीलाई बुझाएको छ ।
