रौतहट,
रौतहट जिल्लाको मौलापुर नगरपालिका ४ पतौरास्थित सीमा ईलाकाबाट मंसीर १४
गते सशस्त्र प्रहरीले करीव २ लाख रुपैयाँ बराबरको चोरीपैठारीको लत्ताकपडा
बरामद गरेको छ ।
भारतबाट अवैध रुपले दुई वटा मोटरसाईकलमा राखेर नेपालतर्फ ल्याउँदै गरेको
उक्त लत्ताकपडा सशस्त्र प्रहरी बल नेपाल बोर्डर आउट पोष्ट सरमजुवाबाट
खटिएको सशस्त्र प्रहरीले बरामद गरेको हो । त्यसवेला उक्त लत्ताकपडा
ल्याउन प्रयोग भएको दुवै मोटरसाईकल समेत बरामद गरिएको छ ।
बरामद लत्ताकपडा तथा मोटरसाईकल भन्सार कार्यालय गौरमा बुझाईएको छ ।
मोटरसाईकलको भन्सार दाखिला मुल्य दुई लाख रुपैयाँ रहेको छ ।
यसैगरी सशस्त्र प्रहरी बल नेपाल नम्बर २ छिन्नमस्ता बाहिनी मुख्यालय
महोत्तरीबाट खटिएको सशस्त्र प्रहरीले मंसीर १४ गते करीव ५६ हजार रुपैयाँ
बराबरको चोरीपैठारीको लत्ताकपडा बरामद गरेको छ ।
बीआर ०१ बीके ०११६ नम्बरको भारतीय मोटरसाईकलमा राखेर नेपालतर्फ ल्याउँदै
गरेको उक्त लत्ताकपडा महोत्तरी जिल्लाको जलेश्वर नगरपालिका ३
मलिहोरास्थित सीमा ईलाकाबाट बरामद गरिएको हो । त्यसवेला उक्त मोटरसाईकल
समेत बरामद गरिएको छ ।
बरामद लत्ताकपडा तथा मोटरसाईकल भन्सार कार्यालय जलेश्वरमा बुझाईएको छ ।
मोटरसाईकलको भन्सार दाखिला मुल्य ८० हजार रुपैयाँ रहेको छ ।
