काठमाडौं,
काठमाडांै जिल्लाको टोखा नगरपालिका ७ ग्राण्डी अस्पताल नजिकैबाट मंसीर ३
गते सशस्त्र प्रहरीले सुन कछुवासहित दुई जनालाई पक्राउ गरेको छ ।
पक्राउ पर्नेहरुमा दोलखा घर भई सोही नगरपालिका ३ टोखा बस्ने ५० बर्षिया
सञ्जु तामाङ्ग र सोलुखुम्बु जिल्लाको सोताङ्ग गाउँपालिका १ बस्ने २४
बर्षिय अम्बिर राई छन् ।
उनीहरुलाई विशेष सूचनाको आधारमा सशस्त्र प्रहरी बल नेपाल नम्बर ९
पशुपतिनाथ बाहिनी मुख्यालय काठमाडौबाट खटिएको सशस्त्र प्रहरीले उक्त
कछुवासहित पक्राउ गरेको हो ।
पक्राउ परेका दुवै जनालाई बरामद कछुवासहित आवश्यक कारवाहीको लागि प्रहरी
चौकी टोखामा बुझाईएको छ ।
