काठमाडौं,
पर्सा जिल्लाको वीरगंज महानगरपालिका १६ स्थित सीमा ईलाकाबाट असोज २०
गते सशस्त्र प्रहरीले करीव १ लाख ७८ हजार रुपैयाँ बराबरको चोरीपैठारीको
लत्ताकपडा बरामद गरेको छ ।
भारतबाट अबैध रुपले ल्याउँदै गरेको उक्त सामान सशस्त्र प्रहरी बल नेपाल
नम्बर २ छिन्नमस्ता बाहिनीबाट खटिएको सशस्त्र प्रहरीले बरामद गरेको हो ।
बरामद सामान स्थानीय भन्सार कार्यालयमा बुझाईएको छ ।
यसैगरी पश्चिम नवलपरासी जिल्लाको पाल्हिनन्दन गाउँपालिका ५ स्थित सीमा
ईलाकाबाट असोज २० गते सशस्त्र प्रहरीले करीव १ लाख ४ हजार ८ सय रुपैयाँ
बराबरको चोरीपैठारीको बिषाधी प्याकिङ्ग सामाग्री बरामद गरेको छ ।
भारतबाट अबैध रुपले ल्याउँदै गरेको उक्त सामान सशस्त्र प्रहरी बल नेपाल
अस्थायी सुरक्षा वेश गेरमाबाट खटिएको सशस्त्र प्रहरीले बरामद गरेको हो ।
बरामद सामान स्थानीय भन्सार कार्यालयमा बुझाईएको छ ।
