सर्लाही,
सर्लाही जिल्लाको लालबन्दी नगरपालिका ५ स्थित हरिवन तथा लालबन्दीको
भित्री सडकखण्डबाट भाद्र १८ गते सशस्त्र प्रहरीले एउटा कटुवा पेस्तोल तथा
सोको ५ वटा गोली बरामद गरेको छ ।
प्रदेश २-०२-००४ प ७७५७ नम्बरको मोटरसाईकलमा सवार व्यक्तिले सशस्त्र
प्रहरी बल नेपाल सुरक्षा वेश हरिवनबाट खटिएको सशस्त्र प्रहरीलाई टाढैबाट
देख्नासाथ उक्त पेस्तोल तथा मोटरसाईकल सोही ठाउँमा छाडी फरार भएपछि बरामद
गरिएको हो ।
बरामद पेस्तोल, गोली र मोटरसाईकल नेपाल प्रहरीलाई बुझाईएको छ ।
