काठमाडौं,
पर्सा जिल्लाको बिरगंज महानगरपालिका १६ ईनरुवास्थित सीमा ईलाकाबाट भाद्र
८ गते सशस्त्र प्रहरीले करिव ५ लाख १ हजार रुपैयाँ बराबरको चोरीपैठारीको
लत्ताकपडा बरामद गरेको छ ।
भारतबाट अबैध रुपले ल्याउँदै गरेको उक्त लत्ताकपडा सशस्त्र प्रहरी बल
नेपाल बोर्डर आउट पोष्ट बिरगंजबाट खटिएको सशस्त्र प्रहरीले बरामद गरेको
हो ।
बरामद लत्ताकपडा भन्सार कार्यालय बिरगंजमा बुझाईएको छ ।
यसैगरी सशस्त्र प्रहरी बल नेपाल बोर्डर आउट पोष्ट जमुनाहबाट खटिएको
सशस्त्र प्रहरीले भाद्र ८ गते करीव २ लाख ५ हजार रुपैयाँ बराबरको
चोरीपैठारीको किराना सामान बरामद गरेको छ ।
अवैध रुपले नेपालतर्फ ल्याउँदै गरेको उक्त सामान सशस्त्र प्रहरीले बाँके
जिल्लाको नेपालगंज उपमहानगरपालिका १६ जयसपुरस्थित सीमा ईलाकाबाट बरामद
गरेको हो ।
