पश्चिम नवलपरासी,
पश्चिम नवलपरासी जिल्लाको पाल्हिनन्दन गाउँपालिका ६ तुरियाखोलास्थित सीमा
ईलाकाबाट भाद्र ७ गते सशस्त्र प्रहरीले विभिन्न किसिमका लागूऔषधसहित एक
जनालाई पक्राउ गरेको छ ।
पक्राउ पर्नेमा रामग्राम नगरपालिका ३ बस्ने ४० बर्षिय अर्पणराज पन्थ रहेका छन् ।
लु ३० प १५९ नम्बरको मोटरसाईकलमा सवार निज पन्थलाई सशस्त्र प्रहरी बल
नेपाल सुरक्षा बेश रामनगरबाट खटिएको सशस्त्र प्रहरीले शंका लागि जाँच
गर्दा उनको साथमा नाईट्राभेट ट्याब्लेट १ सय ५० वटा, स्पास्मो प्रोक्सीभन
प्लस ट्याब्लेट १ सय २८ वटा र कोरेक्स ९ बोतल फेला पारिएको हो । त्यसबेला
उक्त मोटरसाईकल समेत बरामद गरिएको छ ।
पक्राउ परेका पन्थलाई बरामद लागूऔषध तथा मोटरसाईकलसहित आवश्यक कारवाहीको
लागि नेपाल प्रहरीलाई बुझाईएको छ ।
