झापा,
झापा जिल्लाको दमक नगरपालिका ३ बाट सशस्त्र प्रहरीले जेठ २ गते १ ग्राम
४२ मिलिग्राम ब्राउन सुगर र करीव दुई ग्राम गाँजासहित दुई जनालाई पक्राउ
गरेको छ ।
पक्राउ पर्नेहरुमा भुटानी शरणार्थी शिविरमा बस्ने ३५ वर्षिय पूर्णबहादुर
राई र निजको श्रीमती २२ वर्षिया अन्जली गुरुङ्ग छिन् ।
सशस्त्र प्रहरी बल नेपाल सुरक्षा वेश बेलडाँगीबाट विशेष सुचनाको आधारमा
खटिएको सशस्त्र प्रहरीले उनीहरुलाई उक्त परिणामको लागूऔषधसहित पक्राउ
गरेको हो ।
पक्राउ परेका दुवै जनालाई बरामद लागूऔषधसहित आवश्यक कारवाहीको लागि नेपाल
प्रहरीलाई बुझाईएको छ ।
