कञ्चनपुर,
कञ्चनपुर जिल्लाकोे बेलडाडी गाउँपालिका ३ स्थित सीमा ईलाकाबाट जेठ २३
गते सशस्त्र प्रहरीले करीव ४ ग्राम खैरो हेरोइनसहित दुई जनालाई पक्राउ
गरेको छ ।
पक्राउ पर्नेहरुमा सोही जिल्लाको बेतकोट नगरपालिका ५ बस्ने २७ वर्षिय
सुरेश नेपाली र २८ वर्षिय सन्तोष विष्ट छन् ।
भारतबाट म २ प ९७५० नम्बरको मोटरसाईकलमा नेपालतर्फ आउँदै गरेका
उनीहरुलाई सशस्त्र प्रहरी बल नेपाल बोर्डर आउट पोष्ट भुँडा र सशस्त्र
प्रहरी बल नेपाल फरवार्ड सुरक्षा वेश राधाकृष्णबाट खटिएको सशस्त्र
प्रहरीले शंका लागि जाँच गर्दा उनीहरुको साथमा उल्लेखित परिमाणको खैरो
हेरोइन फेला पारेको थियो ।
पक्राउ परेका दुवै जनालाई बरामद खैरो हेरोइन तथा मोटरसाईकलसहित आवश्यक
कारवाहीको लागि नेपाल प्रहरीलाई बुझाईएको छ ।
