काठमाडौं,
महोत्तरी जिल्लाको सम्सी गाउँपालिका ६ स्थित सम्सी चोकबाट जेठ ३ गते
एपीएफ टोलीले करीव १ लाख ५ हजार रुपैयाँ बराबरको चोरीपैठारीको सामान
बरामद गरेको छ ।
भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको
किराना तथा हार्डवयर र कस्मेटिक सामान सशस्त्र प्रहरी बल नेपाल बोर्डर
आउट पोष्ट सम्सीबाट खटिएको एपीएफ टोलीले बरामद गरेको हो ।
बरामद सामान भन्सार कार्यालय जलेश्वरमा बुझाईएको छ ।
यसैगरी सशस्त्र प्रहरी बल नेपाल फरवार्ड सुरक्षा वेश बुधौराबाट खटिएको
एपीएफ टोलीले करीव १ लाख २ हजार रुपैयाँ बराबरको चोरीनिसकासीको १ सय २०
कार्टुन स्याउ बरामद गरेको छ ।
नेपालबाट अवैध रुपले भन्सार छली भारततर्फ लैजानको लागि लुकाई छिपाई
राखेको अवस्थामा उक्त स्याउ एपीएफ टोलीले सिरहा जिल्लाको सिरहा नगरपालिका
१५ बुधौरास्थित एक गोठबाट बरामद गरेको हो ।
बरामद स्याउ भन्सार कार्यालय मार्डरमा बुझाईएको छ ।
