बारा,
बारा जिल्लाको कलैया उपमहानगरपालिका १० नहरचोकस्थित सीमा ईलाकाबाट चैत्र
१९ गते एपीएफ टोलीले करीब १ लाख ११ हजार रुपैयाँ बराबरको चोरीपैठारीको
हार्डवेयरका सामान बरामद गरेको छ ।
सशस्त्र प्रहरी बल, नेपाल बोर्डर आउट पोष्ट मटिअर्वाबाट खटिएको एपीएफ
टोलीले उक्त सामान बरामद गरेको हो ।
बीआर ०५ एफ ५२३२ नम्बरको भारतीय मोटरसाइकलमा राखी भारतबाट अवैध रुपले
नेपालतर्फ ल्याउँदै गरेको अवस्थामा उक्त सामान बरामद गरिएको हो ।
त्यसवेला एपीएफ टोलीले उल्लेखित मोटरसाइकल समेत बरामद गरेको छ ।
एपीएफ टोलीले बरामद सामान तथा मोटरसाइकल स्थानीय भन्सार कार्यालयमा
बुझाएको छ । उक्त मोटरसाइकलको भन्सार दाखिला मूल्य १ लाख ८० हजार रुपैयाँ
रहेको छ ।
