सिरहा,
सिरहा जिल्लाको सिरहा नगरपालिका १७ लच्कास्थित सीमा ईलाकाबाट चैत्र १६
गते एपीएफ टोलीले विभिन्न किसिमको लागूऔषध बरामद गरेको छ ।
सशस्त्र प्रहरी बल, नेपाल एफओबी पटेर्वाबाट खटिएको एपीएफ टोलीले
डाईलेक्स डिसी ६५ बोतल, कोडिह फासफेट एक बोतल, नाईट्राभेट ट्याब्लेट १ सय
३ वटा र डिसाइक्लोनमाइन १२ वटा फेला पारेको हो ।
त्यसवेला मोटरसाइकलमा सवार व्यक्तिहरुले भारतबाट अवैध रुपले ल्याउँदै
गरेको उक्त लागूऔषध एपीएफ टोलीलाई देख्नासाथै सोही ठाउँमा छाडी भागेका
थिए ।
बरामद लागूऔषध स्थानीय प्रहरीमा बुझाइएको छ ।
