काठमाडौं,
काठमाडौं महानगरपालिका २६ लैनचौर ईलाकाबाट माघ १४ गते एपीएफ टोलीले एक
थान कटुवा पेस्तोलसहित एक जनालाई पक्राउ गरेको छ ।
पक्राउ पर्नेमा सिन्धुपाल्चोक जिल्लाको भोटेचौर गाउँपालिका वडा नं. ३ घर
भई काठमाडौंको सामाखुशी टाउन प्लानिङ्ग बस्ने २८ वर्षिय कृष्ण चौलागाई
छन् ।
एपीएफ ईन्टेलिजेन्स व्यूरोको विशेष सुचनाको आधारमा सशस्त्र प्रहरी बल,
नेपाल नम्बर २४ गुल्मबाट खटिएको एपीएफ टोलीले निज चौलागाईलाई लैनचौरबाट
उक्त कटुवा पेस्तोल तथा सोको एक थान गोली र एउटा मोवाईल सेटसहित पक्राउ
गरेको हो ।
एपीएफ टोलीले पक्राउ परेका निज चौलागाईलाई आवश्यक अनुसन्धान तथा
कारवाहीको लागि बरामद कटुवा पेस्तोल, सोको गोली र मोवाईलसहित नेपाल
प्रहरीलाई बुझाएको छ ।
