सप्तरी,
सप्तरी जिल्लाको छिन्नमस्ता गाउँपालिका ३ स्थित सीमा ईलाकाबाट असोज २४
गते एपीएफ टोलीले विभन्न किसिमका लागूऔषधसहित तीन जनालाई पक्राउ गरेको छ
।
पक्राउ पर्नेहरुमा सोही गाउँपालिका २ मौहवा बस्ने २७ वर्षिय सुवास यादव,
२२ वर्षिय सनोजकुमार यादव र सोही जिल्लाको राजविराज नगरपालिका २ बस्ने १८
वर्षिय रामकुमार यादव छन् ।
उनीहरुलाई सशस्त्र प्रहरी बल, नेपाल बोर्डर आउट पोष्ट छिन्नमस्ताबाट
खटिएको एपीएफ टोलीले पक्राउ गरेको हो ।
स ५ प ८७३४ र स ११ प ४५४३ नम्बरको मोटरसाईकलमा भारतबाट नेपालतर्फ आउँदै
गरेका उनीहरुलाई एपीएफ टोलीले शंका लागि जाँच गर्दा उनीहरुको साथमा
डाईलेक्स डिसी ४ बोतल, नाईट्रोभेट ट्याब्लेट १५ वटा, ओकहार्ट ट्याब्लेट ४
वटा र १० ग्राम गाँजा फेला परेपछि पक्राउ गरिएको हो
एपीएफ टोलीले त्यसवेला उनीहरुको साथबाट तीन वटा मोवाईल सेट समेत बरामद गरेको छ ।
पक्राउ परेकाहरुलाई बरामद लागूऔषध, मोटरसाईकल तथा मोवाईल सेटसहित
आवश्यक कारवाहीको लागि ईलाका प्रहरी कार्यालय सखडामा बुझाईएको छ ।
