काठमाडौं,
पश्चिम नवलपरासी जिल्लाको सरावल गाउँपालिका ६ रामपुर खडौनाबाट असोज २२ गते एपीएफ टोलीले करीव एक लाख ४८ हजार रुपैयाँ बराबरको चोरीपैठारीको प्याज बरामद गरेको छ ।
पिकअप गाडीमा राखी भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको ५७ बोरा प्याज सशस्त्र प्रहरी बल, नेपाल नम्बर २६ गण पश्चिम नवलपरासीबाट खटिएको एपीएफ टोलीले बरामद गरेको हो ।
एपीएफ टोलीले त्यसवेला प्याज ल्याउन प्रयोग भएको उक्त पिकअप गाडी समेत बरामद गरेको छ ।
बरामद प्याज तथा गाडी मुल भन्सार कार्यालय महेशपुरमा बुझाईएको छ । बरामद गाडीको भन्सार दाखिला मुल्य १५ लाख रुपैयाँ रहेको छ ।
यसैगरी सशस्त्र प्रहरी बल, नेपाल बोर्डर आउट पोष्ट गौरबाट खटिएको एपीएफ टोलीले असोज २१ गते करीव एक लाख २६ हजार रुपैयाँ बराबरको चोरीपैठारीको किराना तथा कस्मेटिक सामान बरामद गरेको छ ।
भारतबाट अवैध रुपले पाँच वटा साईकलमा राखी नेपालतर्फ ल्याउँदै गरेको उक्त सामान एपीएफ टोलीले रौतहट जिल्लाको गौर नगरपालिका २ लालबकैया नदिको बाँधबाट बरामद गरेको हो ।
बरामद सामान तथा साइकल भन्सार कार्यालय गौरमा बुझाईएको छ ।
