पर्सा,
पर्सा जिल्लाको पकाहा मैनापुर गाउँपालिका १ स्थित सीमा ईलाकाबाट असोज ११ गते एपीएफ टोलीले करीव दुई सय ग्राम चरेशसहित एक जनालाई पक्राउ गरेको छ ।
पक्राउ पर्नेमा भारतको पुर्वी चम्पारण जील्ला पुरेन्द्र माउजा घर बताउने ३७ वर्षिय उपेन्द्र पटेल छन् ।
बीआर ०५ एसी ९११७ नम्बरको भारतीय मोटरसाईकलमा सवार निज पटेललाई सशस्त्र प्रहरी बल, नेपाल बोर्डर आउट पोष्ट पकाहा मैनापुरबाट खटिएको एपीएफ टोलीले शंका लागि जाँच गर्दा उनको साथमा उल्लेखित चरेश फेला परेपछि पक्राउ गरिएको हो ।
त्यसवेला एपीएफ टोलीले निजले प्रयोग गरेको उक्त मोटरसाईकल समेत बरामद गरेको छ ।
पक्राउ परेका पटेललाई बरामद चरेश तथा मोटरसाईकलसहित आवश्यक करावाहीको लागि स्थानीय प्रहरीमा बुझाईएको छ ।
