काठमाडौं,
कैलाली जिल्लाको धनगढी उपमहानगरपालिका ९ स्थित सीमा ईलाकाबाट असोज १०
गते एपीएफ टोलीले करीव सात लाख ६० हजार रुपैयाँ बराबरको चोरीपैठारीको
लत्ताकपडा बरामद गरेको छ ।
भारतबाट अवैध रुपले भन्सार छली नेपालतर्फ ल्याउँदै गरेको उक्त लत्ताकपडा
सशस्त्र प्रहरी बल, नेपाल बोर्डर आउट पोष्ट बंग्राकटानबाट खटिएको एपीएफ
टोलीले बरामद गरेको हो ।
त्यसवेला लत्ताकपडा ल्याउने व्यक्ति एपीएफ टोलीलाई देख्नासाथै उक्त
लत्ताकपडा छाडी फरार भएका थिए ।
बरामद लत्ताकपडा भन्सार कार्यालय त्रिनगरमा बुझाईएको छ ।
यसैगरी सशस्त्र प्रहरी बल, नेपाल बोर्डर आउट पोष्ट हरिपुरबाट खटिएको
एपीएफ टोलीले असोज १० गते करीव एक लाख ६५ हजार रुपैयाँ बराबरको
चोरीपैठारीको भेट्नरीका सामानहरु बरामद गरेको छ ।
भन्सार छली अवैध रुपले नेपालतर्फ ल्याउँदै गरेको उक्त सामान एपीएफ
टोलीले सुनसरी जिल्लाको कोशी गाउँपालिका ८ स्थित भण्टावारी चोकबाट बरामद
गरेको हो ।
बरामद सामान भन्सार कार्यालय कोशी व्यारेजमा बुझाईएको छ ।
