काठमाडौं,
धनुषा जिल्लाको मिथिला नगरपालिका २ नक्टाझिज स्थित भित्री सडकखण्डबाट
साउन २८ गते एपीएफ टोलीले विभिन्न जातको करीव दुई सय ५० क्यूफिट अवैध काठ
बरामद गरेको छ ।
ज १ त ९१३५ र ज १ त ९३६६ नम्बरको ट्याक्टरमा राखेर अवैध रुपले लैजाँदै
गरेको अवस्थामा
जामुन, कटहर र सिसौंका काठ सशस्त्र प्रहरी बल, नेपाल सुरक्षा बेस
नक्टाझिजबाट खटिएको एपीएफ टोलीले बरामद गरेको हो ।
एपीएफ टोलीले त्यसवेला उल्लेखित दुवै ट्रयाक्टर समेत बरामद गरेको छ ।
बरामद काठ तथा ट्याक्टर डिभिजन वन कार्यालय जनकपुरमा बुझाइएको छ । बरामद
काठ तथा ट्याक्टरको मुल्य करीव १२ लाख ३७ हजार रुपैयाँ रहेको छ ।
यसैगरी सशस्त्र प्रहरी बल, नेपाल भुटानी शिविर सुरक्षा बेस बेलडाँगीबाट
खटिएको एपीएफ टोलीले साउन २९ गते करीब एक लाख ४० हजार रुपैयाँ बराबरको ७०
क्यूफिट सिसौंको गोलिया काठ बरामद गरेको छ ।
झापा जिल्लाको दमक नगरपालिका २ स्थित हम्सेदुम्से सामुदायिक वनमा अवैध
रुपले काठ कटान गरीरहेको भन्ने खबर पाउनासाथै खटिएको एपीएफ टोलीले उक्त
काठ बरामद गरेको हो ।
बरामद काठ हम्सेदुम्से सामुदायिक वन कार्यालयमा बुझाइएको छ ।
